No departamento de bibliotecas escolares do  CAFI temos centralizadas 3 MALETAS VIAXEIRAS, da Asesoría de Bibliotecas Escolares, á disposición dos centros educativos: 

• 1 maleta de POESÍA destinada fundamentalmente a PRIMARIA (CEIP ou CPI)
• 1 maleta con documentación específica sobre lectura e bibliotecas, para información e formación do profesorado.
• 1 maleta de Banda Deseñada que contén unha selección de cómic e novela gráfica. Destinada aos centros de ensino secundario.

Desde a sección do departamento de bibliotecas escolares desta páxina pódense descargar, en pdf, os folletos, elaborados pola Asesoría de Bibliotecas Escolares, de cada unha destas maletas. Nos folletos está a relación de documentos que conteñen e tamén ligazóns de interese relacionadas co tema e orientacións para a súa utilización.

Os centros interesados terían que facer unha solicitude, cubrir un impreso e encargarse de recoller e devolver a maleta. A experiencia de cursos anteriores foi moi positiva. Esperamos que neste sigan viaxando para lles tirar o mellor proveito posible.

Unha das novidades do plan anual de formación de profesorado 2013-14 é o curso presencial "Metodoloxía didáctica específica para o profesorado de FP". Dende un enfoque práctico, esta actividade formativa pretende amosar ao profesorado de FP formas de innovar na aula para acadar un ensino mais eficaz e unha maior participación do alumnado, repasando os diferentes aspectos da práctica docente no contexto da formación profesional:

• Modos de avaliar aos alumnos e a propia práctica docente.
• Dinámicas para organizar, motivar e controlar o traballo dos alumnos na aula.
• Ferramentas, estratexias e recursos para o ensino na FP.

O curso é e caracter presencial e se celebrará no CAFI. Ademais terán lugar 4 edicións en paralelo, nos CFRs de Lugo, Pontevedra, Ourense e A Coruña.

As 6 sesións das que consta o curso distribuíronse ao longo do primeiro trimestre, os martes pola tarde. O intervalo de tempo entre as sesións, ten por obxecto dar tempo ao profesorado participante a poñer en práctica parte do aprendido, ou alo menos a reflexionar sobre a súa propia metodoxía docente.

O Centro Demostrador TIC acollerá vindeiro 26 de setembro o taller formativo sobre “Os menores e o uso seguro das redes sociais” organizado polo Colexio Profesional de Enxeñaría Técnica en Informática de Galicia (CPETIG) promovido pola Axencia para a Modernización Tecnolóxica de Galicia (AMTEGA).

O taller, que será impartido en horario de 16:00 a 20:00h, ten como obxectivo sensibilizar aos pais sobre os principais riscos existentes polo uso non apropiado destas ferramentas e ao mesmo tempo proporcionarlles os recursos necesarios para axudarlles na prevención dos mesmos ou minimizar as súas consecuencias.

Nas xornadas participarán como relatores Blanca Díaz-Pabón Bascuñán Soporte de Usuarios en Tuenti, Gonzalo Sotelo membro do Equipo de Delincuencia Tecnolóxica da Comandancia da Garda Civil de Pontevedra, Marta García de la Concha Álvarez Fiscal Delegada de Criminalidade Informática na Provincia de Pontevedra e por último contaremos a participación de dous colexiados do CPETIG. No documento anexo pode consultar o Programa completo do Taller.

A sesión vai dirixida a todas aquelas persoas, especialmente pais, titores e formadores que se estean interesados en preparar aos menores para afrontar a cara menos amable da Rede e dese modo dar forma ao seu futuro dixital. A asistencia é de balde, condicionada ao aforo da sala e previa inscrición en liña na web do CDTIC: http://cdtic.xunta.es/tic-menores

A formación impartirase presencialmente nas instalacións do CDTIC en Santiago de Compostela, no entanto se está interesado en participar neste seminario e non pode desprazarse a Santiago, poderá acudir a unha das aulas CeMIT que se conectarán por videoconferencia co CDTIC durante o desenvolvemento da actividade. En particular, as aulas participantes neste taller serán as das localidades de: Fisterra, Boiro, Betanzos, Burela (en colaboración coa aula de O Vicedo), Lugo, A Guarda, Leiro, Pontedeume, Celanova, Ortigueira, Barreiros, Xunqueira de Ambía, Vilanova de Arousa, Verín, Valga, O Porriño, Ponteareas, Lalín, A Coruña e Sarria. Se está interesado en acudir baixo esta modalidade, debe facelo a través da web da aula CeMIT do seu interese.

Pode ampliar máis información sobre o Centro Demostrador TIC, as súas actividades e instalacións na páxina web do centro http://cdtic.xunta.es.

Título: Atención á diversidade nunha escola inclusiva

Modalidade: Curso presencial

Referencia: S1301057
Centro de formación e recursos: CAFI
Temporalización: 1º trimestre
Data límite de inscrición: 20/09/2013
Lugar: Santiago de Compostela
Prazas: 25

Horas: 30 horas (24 horas presenciais e 6 horas en rede )

Destinatarios: Todas as ensinanzas

Corpos e especialidades

511 - Catedráticos de ensino secundario
590 - Profesores de ensino secundario
597 - Mestres

Criterios de selección:

Os criterios xerais do plan anual de formación

Obxectivos:

• Sensibilizar e contribuír a desenvolver unha actitude positiva cara á inclusión do alumnado.

• Coñecer as características do alumnado con necesidades educativas específicas.

• Aprender estratexias de intervención para a aplicación na aula inclusiva.

Contidos:

1.Intervención na aula inclusiva: recursos específicos para o alumnado con dificultades de aprendizaxe, conduta, discapacidade e outras necesidades.

2.Deseño e aplicación de respostas educativas dentro da escola inclusiva.

3.Estratexias de intervención para a inclusión do alumnado.

4.Fase non presencial:

4.1.Marco conceptual e lexislativo de atención á diversidade.

4.2.Características do alumnado con necesidades educativas específicas.

Título: A posta en práctica da acción titorial.

Modalidade: Curso en rede.

Referencia: G1301036.
Centro de formación e recursos: CAFI.
Temporalización: 1º trimestre .
Data límite de inscrición:20/09/2013.
Prazas: 50.

Horas totais: 60 non presenciais.

Destinatarios: profesorado titor.

Obxectivos:

• Potenciar o valor da acción titorial a nivel educativo por parte de todo o profesorado que favoreza o desenvolvemento persoal e as relacións sociais.

• Facilitar unha formación específica a nivel titorial proporcionando os recursos precisos que permitan o traballo en rede entre o profesorado e entre profesorado e o alumnado.

• Reflexionar sobre a práctica diaria da acción titorial e facilitar o axuste á realidade.

Contidos:

• A función titorial do profesorado como factor de calidade educativa.

• Os fundamentos da acción titorial.

• A organización e a posta en práctica da acción titorial no centro educativo.

Módulos de contido:

• Módulo 1: Acción titorial

• Módulo 2: Ensinar a convivir

• Módulo 3: Ensinar a pensar

• Módulo 4: Educación emocional

• Módulo 5: Educación en valores

• Módulo 6: Educación para a saúde

• Módulo 7: Ensinar a decidirse

• Módulo 8: Orientación familiar