Descrición

Cada ano, en datas próximas ao Día da Auga (22 de marzo) os centros enredados organizan carreiras solidarias para apoiar os programas de supervivencia infantil en Níxer.

As carreiras da auga permiten aos centros docentes organizar un evento deportivo-solidario que une alumnado, docentes e familias para acadar un obxectivo común: a mellora da supervivencia infantil en Níxer.

Todos os centros docentes están invitados a participar. A inscrición e os materiais que se ofrecen son gratuítos. Cada centro pode personalizar a actividade como crea oportuno. O fundamental é que os participantes entendan e valoren a achega que poden facer no logro dos dereitos dos nenos e nenas de todo o mundo.

Todos os centros participantes serán recoñecidos como Centro Colaborador de Campaña Gotas para Níxer.

Sinopse:

Aplicación práctica de diversos recursos para o alumnado con Necesidades Específicas de Apoio Educativo, en concreto con Necesidades Educativas Especiais. Trata aplicacións prácticas para este alumnado fomentando a integración na comunidade educativa en xeral.

Autores:

Coordinador: Manuel Losada González

Participante: Eduardo Roi Louzán Lema

Nivel: E. Primaria

Materiais (anexos):

1. Memoria do proxecto.
2. Materiais complementarios:
   • Memoria fotográfica.
   • Plan de avaliación.
   • Webquest.
   • Actividades EDI.
   • Vídeo explicativo das actividades.

Excelente web de Educación Física do profesor Eduardo Muñoz Uribe, con recursos da materia para alumnos e profesores. Multitude de enlaces de interese deportivo.

A educación vial como instrumento de prevención.

Dende a FUNDACIÓN MAPFRE, poñen en marcha en España o programa Circulando: Educando en Valores pola Seguridade Vial", co fin de crear un marco de acción coordinada para fomentar no ámbito escolar e familiar as mellores pautas de seguridade, mobilidade e solidariedade.

Buscador especializado en buscar referencias sobre educación física: descargas, foros, unidades didácticas, oposicións.…

PDCgenerator, proporciona un sistema rápido e áxil para a planificación e o desenvolvemento das Programacións Didácticas baseadas en Competencias Básicas. Inclúe un sistema para xestionar a Avaliación das Competencias Básicas na aula e xerar en calquera momento un informe de cada alumno recollendo aqueles aspectos nos que é competente e aqueles nos que non.

City Salud é un videoxogo desenvolvido pola Fundación Pfizer para axudar a pais e profesores a inculcar hábitos saudables aos nenos. De todos é coñecido que adquirir estes sans costumes a idades temperás favorece que na idade adulta non se adquiran outras que non sexan tan saudables. E unha das mellores ferramentas para iso é internet, posto que hoxe en día practicamente todos os nenos e adolescentes navegan pola rede a diario.

Coñece algunhas pautas da prevención e actuación en caso de accidentes mediante este xogo on-line interactivo.

Dende Cruz Vermella invítannos a aprender primeiros auxilios mediante este xogo interactivo, no que terás que actuar en distintas situacións que se che poden formular na vida diaria.

EDUSPORT  propón o desenvolvemento pedagóxico para a área de Educación Física dos contidos básicos formulados polo MEC para a E.S.O e o Bacharelato. Baséase nunha concepción aberta que considera diferentes niveis de interactividade e que diversifica as súas propostas cara a tres tipos de destinatarios: o profesorado de Educación física, o alumnado de ESO/Bacharelato e a cidadanía en xeral.