3º ESO
CONMEMORACIÓN DAS LETRAS GALEGAS 2014
O Equipo de Normalización e Dinamización Lingüística do noso instituto que coordena o profesor Xan Munín, en colaboración co Equipo de Normalización do Concello propoñen para celebrar o Día das letras Galegas estas actividades
Durante os días 5 a 8 de maio dous cursos de 3º da ESO puideron participar nun Obradoiro de Creación Literaria dirixido, nada menos que, polo poeta e editor Miguel Anxo Fernán Vello.
Entre o 12 e o 15 de maio serán os alumnos e alumnas de dous cursos de 2º da ESO os que terán a fortuna de participar nun Obradoiro Radiofónico adicado á figura de Xosé María Díaz Castro. Aínda máis, este obradoiro estará impartida pola nosa ex alumna Lucía Abarrategui e por Sergio Pascual.
O Aguiar na XIII Feira Matemática de A Coruña
A Asociación Galega de Profesorado de Educación Matemática (Agapema) acaba de organizar o 26 de abril de 2014 en Palexco a XIII Feira Matemática.
O obxectivo desta xornada é divulgar e afondar no ensino-aprendizaxe das matemáticas e acadar unha intercomunicación social, matemática, lúdica, prática e agradable, animando a nenos, nenas e maiores a resolver problemas matemáticos diversos.
Continuando coa tradicional participación do "Aguiar" nesta iniciativa o pasado 26 de abril desprazouse "de sudokus pertrechada" unha, pequena pero ilustre, representación do noso Instituto: Gala Sofía Sánchez, Icía Carro e o profesor Cheché Varela
Encontro co escritor Pedro Sánchez Negreira
![](/centros/iesfranciscoaguiar/system/files/u22/PEDRO_S__NCHEZ_NEGREIRA.jpg)
O Departamento de Lingua e Literatura Castelá organiza unha actividade que terá lugar no Salón de Actos do Instituto durante a primeira hora da tarde do martes 22 de abril. Nela participará o alumnado de 3º A, B, e C , que está a realizar un traballo centrado nos microrrelatos (o cuarto xénero narrativo para Irene Andres-Suárez) Con este motivo participarán nun encontro co escritor Pedro Sánchez Negreira autor de “Verde como el Hielo” .
3º da ESO. Visita a SOTAVENTO
Organizado polo profesorado de Física e Química e Tecnoloxía , o alumnado de 3º da ESO visitará o luns ( 3º B e C)
e martes (3º A e D) ao Parque Eólico Experimental SOTAVENTO.
A expedición sairá do centro arredor das 9.20h para regresar apróximadamente ás 14.10
...................................................&...........................................................
Comeza unha nova viaxe... desta volta a París
Retoma o IES Francisco Aguiar un clásico na historia das viaxes no Instituto: os percorridos por Francia organizados polo Departamento de Francés. Certo é que desta volta non terá os rasgos épicos e case heroicos das viaxes ¡ en autobús! ata a cidade do Sena, pero en todo caso alá imos. Nesta ocasión as profesoras María José Carral e Teresa Fraga acompañan a rapaces e rapazas que cursan a materia de Francés en 3º da ESO e 1º BAC.
Agardamos que á volta poidamos amosar unha chea de imaxes desta "glamugosa" viaxe.
Observacións de aves no Pazo de Mariñán
O martes 25 de febreiro o intrépido alumnado de 3º D ,desprazarase nas horas da tarde ata o Pazo de Mariñán. Alí , dirixidos polo seu arriscado e aventureiro profesor de Ámbito Científico, Emilio Duque,van participar nunha actividade de observación de aves.
Agardamos que á volta nos conten a experiencia e traian algunhas fotos da mesma ...e que non lles ocorra como ao neno da imaxe inferior.
3ª e última xornada de traballo no Quérote + deste ano
Mañá, martes 21, rematan as sesións de traballo do programa Quérote + nas aulas ( e comezará o traballo polo miúdo das diversas materias implicadas) . Os catro grupos de 3º de ESO en sesións de dúas horas iran sucedéndose para o traballo do tema.
Unha vez máis serán dirixidas polo dinamizador de Quérote +, Santiago Legaspi. Nas dúas sesións anteriores tratáronse os temas da "convivencia" e a "imaxe corporal", desta volta o tema que se tratará é o da "sexualidade".
2ª xornada de traballo no programa "QUÉROTE +".
Hoxe, 10 de xaneiro, tiveron lugar as segundas sesións de traballo do Programa "Quérote +" deste ano para o alumnado de 3º da ESO
Nesta ocasión o tema a tratar era a "imaxe corporal" o que levou a reflexionar sobre consumo, publicidade e o xeito en que nos miramos... ou nos fan mirarnos.
Neste caso, o tema non era alleo ao traballo que se fixo con anterioridade noutras materias. Só por poñer un caso, lembremos a entrada no blogue "El Pupitre Rojo" que administran os nosos compañeiros de Lingua Castelá" . A entrada en cuestión reproducía un artigo de Begoña Gómez Urzaiz titulado "Sala de despiece femenino. La misoginia ataca de nuevo nuestro cuerpo"
QUÉROTE +
O día 18 do presente mes, o "Aguiar" retoma unha experiencia que se viña desenvolvendo dende anos atrás. A participación no programa "Quérote +". Este ano serán os alumnos e alumnas de 3º de ESO os que poderán disfrutar desta experiencia formativa.
Nesta ocasión a participación consistirá nunha serie de estudos e tarefas realizados en varias materias do curriculum que irán reforzadas por tres sesións de traballo con animadores. En cada unha desas sesións e no traballo de clase os tres temas que centrarán a reflexión e o traballo deste ano serán: Convivencia, Sexualidade e Imaxe Corporal.
Polo de agora, o mércores 18, o tema será a convivencia.
......................................%...........................................
- « primeira
- ‹ anterior
- …
- 21
- 22
- 23
- 24
- 25
- 26
- 27
- 28
- 29
- seguinte ›
- última »
![RSS - 3º ESO Distribuir contido](/centros/iesfranciscoaguiar/misc/feed.png)