Música
Concerto de Fin de Curso - B1 - Linguaxe e Práctica Musical
O alumnado de Linguaxe e Práctica Musical de 1º de Bacharelato do noso instituto, guiados pola súa profesora Alba Alonso, convidou a toda a comunidade educativa a asistir ao Concerto de fin de curso na sala Xulio Cuns.
Visita ao Betanzos dos séculos XIX e XX
O alumnado de E3E gozou dun paseo polo Betanzos dos séculos XIX e XX. Esperemos que aprenderan a relacionar o urbanismo e a arquitectura desta época coa estética e a historia da música. Canto menos amosaron interese e bo humor!
Trotamúsicos
Concerto do alumnado de Linguaxe e práctica musical de 1º de Bacharelato do noso centro, conxuntamente co IES Alfonso X o Sabio de Cambre.
Contos musicados
O alumnado de 1º de Bacharelato de Obradoiro Musical acudiu ao CEIP Vales Villamarín, onde representaron unha serie de contos musicados para o alumnado de 3 e 4 anos de infantil.
Traballaron no guión, na interpretación, na música e no atrezzo. Ao final da representación, amosaron os instrumentos e os diferentes tipos de marionetas empregados. A experiencia foi moi enriquecedora e todo un éxito. Tanto, que á volta de vacacións repetiremos para o último curso de infantil.
Parabéns polo traballo tan ben feito!
Concerto de Abraham Cupeiro
O xenial Abraham Cupeiro encandilou ao alumnado de 2º e 4º da ESO sacando magníficos sons tanto de instrumentos guerreiros, coma o carnyx, coma de humildes tubos sonoros.
O alumnado tivo ocasión de preguntar, e así o fixo, deixando patente o seu interese e curiosidade.
Por último, Abraham fixo soar o shofar, instrumento que derrubou na antigüidade as murallas de Xericó.
Esperemos que as de Betanzos sigan no seu sitio tras este concerto!
Obradoiro de Danza
O alumnado de Linguaxe e Práctica Musical de 1º de Bacharelato gozou dun obradoiro de danza impartido pola compañía Exire, dentro dun programa ofertado polo concello de Betanzos.
Visita polo Betanzos Medieval
O alumnado de 3º ESOE realiza unha visita polo Betanzos Medieval, acompañados pola súa profesora de música, María Pazos.
Saída polo Betanzos Medieval
O alumnado de música bilngüe de 3º da ESO percorreu o Betanzos medieval acompañado da súa profesora, María Pazos.
Colaboración co CEIP Vales Villamarín: CURTAS MUSICADAS
Hoxe será a primeira de 5 sesións nas que o alumnado de Música de 4º da ESO de Alba Alonso acollerá a diferentes clases de infantil do CEIP Vales Villamarín e lles amosará o seu traballo: o musicado dunha curta!
Ao final de cada sesión, serán os pequenos e pequenas os que farán iso mesmo, con instrumentos sinxelos de percusión.
O lugar elixido, a biblioteca!
@bescolaresgal
![RSS - Música Distribuir contido](/centros/iesfranciscoaguiar/misc/feed.png)