Blogue de rosana

O pasado 18 de abril os nenos e nenas de educación infantil, gozaron da visita da ilustradora Estefanía Padulles que  nos presentou o seu último traballo:

Aprender a ler é unha das tarefas máis emocionantes na vida dun neno.

Aprender é abrirse ao mundo e os nenos aprenden vivindo e experimentando.

 Hai que insistir na necesidade de mostrar aos nenos pequenos non só imaxes senón tamén boas ilustracións que os estimulen.

Cando se inicia na aventura de ler, os nenos descobren un mundo moitísimo máis amplo, con infinitas posibilidades de vivencias e de información que motivan a súa imaxinación e os seus desexos de aprender e onde o actor é el mesmo e non os adultos. 

 Cando empezan a interpretar as letras e os seus debuxos a súa imaxinación voa con liberdade observando minúsculos detalles que probablemente a vista do adulto pasa por alto.

 Cando un neno abre un libro sente atracción polas súas ilustracións xa que comprende as súas mensaxes antes que ningún outro idioma.

O texto e a imaxe compleméntanse para facilitar ao neno a mellor comprensión da lectura.

 Os alumnos e alumnas de 5º e 6º tiveron a oportunidade de coñecer mellor o parkour e todos os seus beneficios, os cales podemos aproveitar para a nosa vida diaria. 

 A pesar de que o parkour practícase de maneira individual, a forma de traballo é maiormente cooperativa.

 “Eu axúdoche a ti, e ti axúdasme a min”, porque non existe competición, existe unha meta que é a aprendizaxe, non o gañar ou o perder.

 Se non o consegues, téntao de novo. Repetir a tarefa de novo non é malo, aprender do erro é necesario.

Grazas ao parkour temos como consecuencia: humildade, creatividade, autosuperación, autocontrol, amizade...

O parkour non é perigoso, perigosa é a desinformación que existe.

Hai uns días celebramos o día da muller co lema ROMPENDO ESTEREOTIPOS, onde os nenos de infantil puideron ver que "bailar" profesionalmente non só fano as mozas.
O 8 de marzo puidemos contar coa axuda dos bailaríns de  Gravity, e os nenos pasáronllo xenial aprendendo un BAILE, vese no seguinte vídeo:

O venres 6 de Abril, os alumnos de 6º de Primaria visitaron os principais vestixios do Lugo Romano, acompañados polo arqueólogo, que previamente impartira no centro unha charla sobre este tema. Ao longo de toda a mañá puideron apreciar diversos restos como: o Acueduto Romano na Rúa de San Marcos, a Piscina Romana na Praza de Santa María, o Templo Romano no Círculo das Artes, a Casa dos Mosaicos en Doutor Castro, a fascinante Domus do Mitreo e algunhas das catro portas romanas que aínda conserva a muralla hoxe en día. Ademáis na Sala de exposicións Porta Miñá viron moitos obxectos dos que se atoparon en diferentes excavacións, algúns deles con gafas tridimensionais! Foi unha mañá verdadeiramente intensa e emocionante!

Continuando co Plan Proxecta, Etnografía e Medio Ambiente en Lugo, os alumnos e alumnas de 5 de Primaria, fixeron unha visita neste mes de abril a Santa Eulalia de Bóveda.

Santa Eulalia de Bóveda, é un santuario tardo-romano do século III construído a 14 quilómetros da Antiga Lucus Augusti. É un dos lugares máxicos de Galicia e único en toda Europa . Descóbrese en 1926 e en 1931 declárase Monumento Artístico Nacional. Hoxe cualifícase como Ben de Interese Cultural, baixo titularidade da Xunta de Galicia. 

Non contamos con outro edificio das mesmas características en todo o territorio ocupado polo Imperio Romano. Consérvanse unhas pinturas murais romanas extraordinarias e de gran realismo con colorido impresionante nas que se representan diversas aves como pavos reais, pombas ou faisanes.

 TERMAS ROMANAS

Aproveitamos a saída para visitar as Termas Romanas e a Ponte Romana da nosa cidade.

As Termas Romanas é un dos monumentos mais representativos do legado cultural romano.

 Para cruzar o río, os romanos construíron unha gran ponte de granito , da que se conservan partes de fábrica orixinal romana en varios dos seus alicerces.

No noso CEIP PARADAI APRENDEMOS O XADREZ e moitas veces escoitamos a opinión entre a relación xadrez e intelixencia. Podemos facernos esta pregunta: O xadrez axuda a pensar?
 

 
A resposta vén da man da psicoloxía: ferramentas que favorecen o desenvolvemento da parte cognitiva de nenos e nenas.Aí está o xadrez, tanto no deportivo como no intelectual.

1. Capacidade para organizar e planificar a información, primeiro mentalmente e logo manual.

2. Orientación espacial en 2-D e 3-D, que permítelles  identificar a relación entre pezas e  casillas.

3. Percepción e definición dun problema, facilitándolles a búsqueda de respostas a través do razoamento lóxico, e  xustificando as súas decisións.

4. Reforzar a memoria a curto e longo prazo e a la memoria operativa, habilidades transferibles a escola.

5. Favorece o desenvolvemento de aspectos cognitivos como a atención, a percepción, a discriminación, pensamento lógico-matemático, concentración, agudeza visual, etc…

6. Aceptar normas de xogo establecidas e a importancia do respeto as quendas.

7. Asimilar tanto a vitoria como a  derrota.

8. Fomentar o respeto hacia compañeiros/as e aceptalos/as como rivais.

9. Recoñecer os progresos e erros para cimentar a autoconfianza.

10. Plantearse problemas da vida diaria e resolvelos de xeio creativo.
 

Os nenos e nenas de 5º de Educación Infantil inventaron un conto a través dunhas caixas de zapatos e despois contaronlle os alumnos/as de 5º e 6 º de primaria.

Podedes ver todo o relato do conto, neste video: