Orientación

Continuamos traballando na aula de Adquisición de Linguas e desta vez, centrámonos na expresión oral espontánea. Isto axudaralle ao noso alumnado a mellorar os seus intercambios comunicativos e por conseguinte, acadar unha mellor participación e interacción no entorno escolar e social. Facendo uso deste xogo magnético, o alumnado crea diferentes paisaxes nas que se atopan diferentes animais. Traballaremos a partir da súa composición o que ocorre e como interactúan os animais entre si. Cando utilizamos as producións propias do alumnado melloramos a súa motivación,seguridade, intencionalidade comunicativa, así como a atención.

Continuamos aprendendo na aula de Adquisición de Linguas e neste caso, centrámonos na estruturación da linguaxe. Unha vez adquirido o vocabulario básico, é necesario comezar a estruturar frases sinxelas, moi importante para que a comunicación sexa efectiva. Algunha das principais dificultades que ten o alumnado é a concordancia de xénero e número, a omisión de nexos e a conxugación de tempos verbais. Facendo uso destas tarxetas comezamos por frases simples e imos incrementando o número de tarxetas para ampliar as frases. O alumno/a fará uso do timbre/pulsador cando remate unha frase, como elemento lúdico. Grazas a esta actividade, traballamos a maiores da estruturación da linguaxe, a atención, vocabulario, interacción social.

Cando traballamos con alumnado de recente incorporación ao sistema educativo español, é de gran importancia ofrecerlles a forma de expresar o que senten, como se atopan ou o que desexan, polo que as emocións son parte fundamental do vocabulario básico. Mediante a utilización da Pizarra Dixital Interactiva (PDI) da que dispoñemos na aula de Adquisición de Linguas podemos realizar actividades interactivas que axudan ao alumnado a identificar as emocións, para a súa posterior xestión eficaz. Grazas a esta actividade podemos traballar a atención, a lectura, vocabulario, así como as emocións, tan importantes neste curso marcado pola situación sanitaria.

Na aula de Adquisición de Linguas do CEIP Paradai están a traballar a lectoescritura a través do método global. Este traballa con palabras, facendo uso de apoios visuais (imaxes) que o alumno/a identifica e lle permite comprender o concepto desde o comezo. Na medida de que o alumno/a avance pasarase a eliminar o apoio visual. A través desta actividade traballamos, a maiores da iniciación á lectoescritura, a percepción visual, a orientación visoespacial, a atención e a motricidade fina.

Desde a aula de Adquisición de Linguas do noso centro mostran unha forma lúdica de iniciar ao alumnado na lectoescritura. Facendo uso dunha adaptación dun coñecido xogo, os alumnos/as deben identificar as grafías das letras á vez que as asocian a un son. Grazas a este xogo traballamos, a maiores da lectoescritura,  a atención, a percepción visual, a discriminación auditiva e a motricidade fina.

Que sorte temos no CEIP Paradai que temos unha nova mesa de luz nunha das nosas aulas! Como podedes ver traballamos distintos aspectos empregando diferentes materias que axudaron aos nosos nenos e nenas a aprender dun xeito distinto; pero non soamente traballamos aspectos relacionados coas linguas e as matemáticas, se non que tamén traballamos a psicomotricidade fina e a estimulación sensorial con arroz e tamén deixamos voar a nosa imaxinación facendo debuxos entre todos fomentando así o traballo colaborativo.