Continuamos aprendendo na aula de Adquisición de Linguas e neste caso, centrámonos na estruturación da linguaxe. Unha vez adquirido o vocabulario básico, é necesario comezar a estruturar frases sinxelas, moi importante para que a comunicación sexa efectiva. Algunha das principais dificultades que ten o alumnado é a concordancia de xénero e número, a omisión de nexos e a conxugación de tempos verbais. Facendo uso destas tarxetas comezamos por frases simples e imos incrementando o número de tarxetas para ampliar as frases. O alumno/a fará uso do timbre/pulsador cando remate unha frase, como elemento lúdico. Grazas a esta actividade, traballamos a maiores da estruturación da linguaxe, a atención, vocabulario, interacción social.
