Na clase de música coa profe Sonia aprendemos a signar a canción dos días da semana. Tanto nos gustou que pasou a ser unha das cancións que moitos días utilizamos na asemblea. Mirade que ben o fan!!!

No mes de marzo celebramos o aniversario do noso amiguiño Martín. Xa 4 aniños; que maior!! 

Parabéns Martín!!!

Este proxecto, levado a cabo neste segundo trimestre, comezou á volta das vacacións de Nadal co noso reno favorito Rodolfo como eixo motivador de toda a proposta.

Despois de moitas semanas de investigación e experiencias lograron o seu obxectivo: completar o mapa de Rodolfo!!! Conseguindo así que  Rodolfo regresase ao Polo Norte con Papá Noel.

Nesta gran aventura traballaron en equipo, investigaron e aprenderon moito sobre o mundo polar. Queredes ver canto? Ollade este vídeo, que agardo vos guste:

E para seguir xogando...

O mércores 20 de marzo realizamos a visita ao Gadis do Castrillón, dentro do programa educativo "Alimentes", posto en marcha polo supermercado para concienciar ao alumnado da importancia dunha alimentación saudable, da actividade física e do consumo responsable. 

Ao  rematar a visita tivemos unha sorpresa: unha mochila con agasallos!!!

Moitas grazas a todo o persoal de Gadis por facernos a visita tan agradable e por ensinarnos tanta cousas!!!

O 19 de marzo visitounos Yago García-Garaball, asesor e creador de hortos ecolóxicos.

Neste vídeo podedes ver canto aprenderon e o ben que quedou de preparada a terra para poder plantar.

Grazas Yago!!!

O venres, 23 de febreiro, celebramos o día de Rosalía de Castro, e divertímonos moito aprendendo cousas relacionadas con esta célebre escritora.

Aquí vos deixamos este xogo para ver canto sabedes sobre Rosalía de Castro. A xogar!!!

E tamén fixemos un collage cunhas estrofas dun dos versos dos seus poemas, que nos quedou así de fermoso.

Esperamos que vos guste!