Os soños na Gaiola
24 DE OUTUBRO: DÍA DA BIBLIOTECA
Hai xa máis de 20 anos que a Asociación Española de Amigos do Libro Infantil e Xuvenil propuxo a celebración deste día. A
sí, o 24 de outubro aparece como data sinalada no Calendario do Libro e da Lectura que todos os anos publica a Xunta de Galicia.
sí, o 24 de outubro aparece como data sinalada no Calendario do Libro e da Lectura que todos os anos publica a Xunta de Galicia.
O Ministerio de Cultura edita todos os anos un pregón e un cartel conmemorativo e propón actividades para a súa celebración.
Para celebrar este día, a Consellería de Educación edita tamén cada ano un cartel cun lema para dar a coñecer as numerosas e variadas oportunidades que ofrece unha biblioteca escolar activa. O cartel deste ano é obra da ilustradora Nuria Díaz; unha imaxe fermosísima na que o lema "Poéticas Diversas na Biblioteca Escolar" anímanos a descubrir ese mundo da poesía que se agocha en numerosos lugares, moitos máis dos que nos veñen á cabeza nun primeiro momento. A poesía envolve ao mundo e é tan diversa coma el.
Bo día da Biblioteca!
LETRAS GALEGAS 2018
Para homenaxear de xeito especial a Mª Victoria Moreno, no cole ilustramos fragmentos de distintos libros dela. Traballamos textos de "Eu conto, ti cantas", "Mar adiante" e "O cataventos" e con todos eles fixemos unha pequena exposición na entrada do Centro.
Aquí tedes o resultado.
CANTANDO A Mª VICTORIA MORENO
CANTANDO A Mª VICTORIA MORENO.
23 DE ABRIL: DÍA MUNDIAL DO LIBRO
O 23 de abril, é o Día Internacional do Libro. Celébrase en honor a Miguel de Cervantes e a William Shakespeare, dous dos mellores escritores do mundo. Os dous morreron un 23 de abril e ese día escolleuse para recoñecer a importancia dos libros na vida.
Cervantes, foi o autor dun dos libros traducidos a máis idiomas: "El ingenioso hidalgo Don Quijote de La Mancha".
Para coñecer un pouquiño máis deste autor e da súa obra, só tes que picar nos seguintes enlaces:
http://www.omerique.net/twiki/bin/view/Recursos/ActividadesDidacticasQuijote
2 DE ABRIL: DÍA INTERNACIONAL DO LIBRO INFANTIL
Un ano máis, o Ibby
(International board on books for young people) chámanos a conmemorar o Día Internacional do Libro Infantil o día 2 de abril, data de nacemento de Hans Christian Andersen. Este ano, o cartel e o díptico correspondéronlle a Letonia. O texto é da escritora letona Inese Zandere, poeta, editora e activista da promoción da lecturaquen titula a súa mensaxe: Os libros fan grande o máis pequeno.
A imaxe do cartel é do ilustrador Reinis Petersons, recoñecido debuxante dese país.
Galix, Asociación Galega do Libro Infantil e Xuvenil, traduciu ao galego a mensaxe, que aquí deixamos para todos e todas vós.
OS LIBROS FAN GRANDE O MÁIS PEQUENO
"As persoas tenden ao ritmo e á regularidade, do mesmo xeito que a enerxía magnética organiza as lascas de metal nun experimento de física, do mesmo xeito que unha folerpa crea cristais a partir de auga.
Xa sexa nun conto de fadas ou nun poema, ás nenas e aos nenos gústalles a repetición, os refráns e os motivos universais porque poden recoñecerse unha e outra vez; danlle regularidade a un texto. O mundo adquire unha orde preciosa. Aínda me lembro cando de nena loitaba comigo mesma por defender a xustiza e a simetría, a igualdade de dereitos para a esquerda e a dereita: se tamborilaba cos dedos unha melodía sobre a mesa, contaba cantas veces debía golpear con cada dedo para que os demais non se sentisen ofendidos. Adoitaba aplaudir dando unha palmada coa man dereita sobre a esquerda, pero pensei que iso non era xusto e aprendín a facelo ao contrario, coa esquerda sobre a dereita. Por suposto, este afán instintivo de equilibrio resulta gracioso, pero o que mostra é a necesidade de evitar que o mundo chegase a ser asimétrico. Tiña a sensación de ser a única responsable de todo o seu equilibrio.
A inclinación das nenas e os nenos cara aos poemas e ás historias xorde, do mesmo modo, da súa necesidade de levar regularidade ao caos do mundo. Dende a indeterminación todo tende cara a unha orde. As cancións infantís, as cancións populares, os xogos, os contos de fadas, a poesía... son formas de existencia ritmicamente organizadas que axudan aos máis pequenos a estruturar a súa presenza no gran caos. Crean a conciencia instintiva de que a orde no mundo é posible e que todas as persoas teñen un sitio único nel. Todo flúe cara a este obxectivo: a organización rítmica do texto, as series de letras e o deseño da páxina, a impresión do libro como un todo ben estruturado. A grandeza revélase no máis pequeno e dámoslle forma nos libros infantís incluso cando non estamos pensando en Deus ou nos fractais.
Un libro infantil é unha forza milagrosa que promove o enorme desexo dos pequenos e a súa capacidade de ser. Promove a súa coraxe para vivir.
Nun libro, os pequenos sempre son grandes, de forma instantánea, e non só cando chegan a adultos. Un libro é un misterio no que se encontra algo que non se buscaba ou que non estaba ao alcance de ninguén. O que non poden comprender as lectoras e os lectores dunha certa idade permanece na súa conciencia como unha pegada e continúa actuando aínda cando non o entendan completamente. Un libro ilustrado pode funcionar como un cofre do tesouro de sabedoría e cultura incluso para os adultos, do mesmo xeito que as nenas e os nenos poden ler un libro destinado a adultos e atopar a súa propia histo ria, un indicio sobre as súas vidas incipientes. O contexto cultural modela as persoas, establecendo as bases para as impresións que chegarán no futuro, así como para as experiencias máis difíciles ás que terán que sobrevivir sen perder a súa integridade.
Un libro infantil representa o respecto pola grandeza do máis pequeno. Representa un mundo que se crea de novo unha e outra vez, unha seriedade lúdica e preciosa sen a que todo, incluída a literatura infan til, é simplemente un traballo moi pesado e baleiro."
INESE ZANDERE
Traducción Ana Luna e Antía Marante
