Hoxe foi un día especial na escola, celebramos o día de Rosalía gravando unha entrevista na Voz da Pedra  todo o alumnado de segundo, vendo vídeos e debuxando unha caricatura de Rosalía. Aquí podedes ver algunhas e tamén escoitar a entrevista. Foi un día bonito de escola.

Hoxe tivemos unha gran visita: DAVID GÓMEZ.

David é un deportista que ten unha ampla carreira deportiva no mundo do fútbol e que, nos últimos anos,  se adica a ser adestrador. Ademais de adestrar a equipos da nosa vila, estivo no corpo técnico dos equipos base do F.C. Barcelona e, actualmente, está co-liderando a SELECCIÓN DE FÚTBOL DE BANGLADESH.

Deunos unha charla na que nos demostrou que se tes un soño hai que loitar e traballar duro para conseguilo. Falounos da importancia do deporte na súa vida e como a el estalle dando grandes oportunidades, como viaxar arredor do mundo. En todo momento destacou a importancia de rodearse de boas persoas que se convertiron nos seus amigos e familia. 

Estes días, o alumnado de 5ºA e 5º B estivemos preparando a súa visita: lemos noticias súas en xornais, preparamos preguntas que nos gustaría facerlle, fixemos un guion para entrevistalo na radio do cole... Logo da charla a todo o grupo, Sabela, Dani, Daniela e Javi fixéronlle unha entrevista na radio, e Rubén gravou un vídeo para inmortalizar este momento tan especial. A profe Marta axudounos na gravación.

Grazas a todxs, e especialmente a ti, David, por compartir o teu tempo con nós!

Hoxe recibimos a visita de Marcelo., persoa enviada pola Deputación de Pontevedra dentro do programa PONTE A ZERO.

Seguindo coa nosa preocupación polos temas medioambientais e sociais, Marcelo veunos falar do estrago alimentario.

Esta charla veunos moi ben para facernos conscientes da sorte que temos de vivir nun país rico, pero tamén para lembrar que estragamos moitos alimentos mentres outros lugares non teñen que comer.

Volvemos recordar que o maís importante é Reducir o consumo, despois Reutilizar e por último Reciclar.

O alumnado de sexto participou no obradoiro "Ciclo da auga e depuración" do programa Ponteazero.

Un pequeno paso de compromiso cos Obxectivos de Desenvolvemento Sustentable (ODS) número 13 "Acción polo clima" e o número 15 "Vida de ecosistemas terrestres".

Neste curso, o alumnado celebrou o Entroido participando no Mandadiño toda a semana xunto co resto do alumnado da escola.

O venres 9, celebramos un Entroido Olímpico e, como estaban días chuviosos, fixemos o desfile no ximnasio xunto co alumnado de primaria. Nós convertémonos en NADADORES E NADADORAS, así que puxémonos os traxes de baño, as gafas e os gorros... e a desfilar!!!

Para acompañar a festa, as nosas familias colaboraron con nós cunhas fantásticas maracas decoradas coas bandeiras dos países que participan nas Olimpíadas. Ademais, na aula de tecnoloxías, imprimimos unhas medallas cos aros olímpicos na impresora 3D, que logo coloreamos con rotuladores especiais.

Acompañamos a nosa festa coa canción "Nadando sen parar" de Mamá Cabra, cunha coreografía moi animada e animamos os corredores do colexio entonando as cancións das comparsas de Bueu: "Falemos Galego" e "Son de Bueu".

Finalmente compartimos unha merenda con sobremesas de Entroido que prepararon as nosas familias. Unha medalla de ouro para elas!

Foron uns días verdadeiramente olímpicos!

Hoxe viñeron a traernos as Illas Atlánticas ata as nosas aulas de terceiro.

Comenzaron falándonos da súa situación e dos diferentes tipos de flora e de fauna que se poden atopar nas illas. Despois, xogamos a pescar imaxes de animais e situabámolas segundo onde vivían. Ao final, vimos un vídeo con moitas especies autóctonas no seu hábitat natural.

Encantounos a visita, aprendemos moitísimo xogando! 

Esta mañá recibimos a  visita de Ana e Framil, para falarnos do PARQUE NACIONAL MARÍTIMO TERRESTRE DAS ILLAS ATLÁNTICAS.

Primeiro explicáronnos que condicións tiña que ter un parque nacional:

·       Ten que ser un espazo natural.

·       Debe ser grande

·       As plantas e os animais son propios do lugar.

·       Teñen que estar moi ben conservados . Foron elixidos para ser exemplo.

O parque nacional das Illas Atlánticas están formadas polas seguintes illas :

vIllas Cés

vIllas Ons

vIllas de Sálvora

vIlla de Cortegada

Despois faláronos dos distintos hábitats que atopamos  neste parque protexido.

ØPraias e dunas

ØMatogueiras

ØCantís

ØBosques

ØFondos de area

ØFondos de rochas e algas.

Rematamos facendo un xogo.

No seguinte vídeo poderedes ver as fotos deste día.

Fai uns días o alumnado de sexto tivo unha "mañá de cine"! 

Grazas a todas as persoas que participan e fan posible o FIC, puidemos gozar dunhas curtas educativas e que animaban á reflexión social.

Dentro das actividades programadas polo proxecto AS OLIMPÍADAS DE PAPIRUS o alumnado de 4º, recibimos a visita de tres membros do clube de Atletismo de Bueu, Corredoiras.

Esta visita foi posible grazas a Luis Becerro, pai da nosa compañeira Lía,  que viu acompañado de Manolo Otero, membro fundador do clube e por Ricardo Verde, actual presidente de Corredoiras e ademais concelleiro de deportes do Concello de Bueu.

Manolo empezou falándonos sobre a historia do atletismo. Díxonos que correr, saltar e lanzar eran actividades que realizaba o ser humano dende a prehistoria para cazar e sobrevivir. Falounos tamén das olimpíadas da antigüedade e das modernas.

Tamén nos contou que é un deporte individual e que o deportista compite sempre consigo mesmo, intentando superarse.

Foi despois a quenda do papi de Lía.

 Luis foi mostrándonos a través dunha serie de imaxes o que que fan no clube Corredoiras.  Organizan competicións como a de Ons, Udra, San Martiño, …

Tamén van, como clube, a carreiras  en distintos lugares como Leiro, Vilagarcia, …

Falounos dos valores do deporte:

 Tenacidade

Superación

Compañerismo

Esforzo ...

Contounos que practicar o atletismo é moi sacrificado  para el e para a súa familia porque se pasa moitas horas adestrando. Pola contra este deporte permitiulle coñecer a moita xente e diferentes lugares.

Gústalle ir ás maratóns e adoita facelo unha vez ao ano.

O maratón de Sevilla rematouno cunha marca de 2 horas e 30 minutos!  UNHA MARCAZA!

Mostrounos as zapatillas coas que corre. Puidémolas tocar e comprobar que eran moi lixeiras.

Regaláronnos camisetas, unhas tazas, asinaron autógrafos e sacáronse unha foto con nós. Que mais queremos!

Desta charla motivadora esperamos que saian moitxs deportistas,  pois todo o que nos aporta é positivo.

MOITÍSIMAS GRAZAS!

Malia o mal tempo, desfrutamos moito preparando o Entroido e na festa que fixemos!