CURSO 1ºA 1ºB
SAÍDA AO FIC BUEU
Enviado por Marta Valbuena o Xov, 19/09/2024 - 20:42Hoxe foi a nosa primeira saída da escola de primaria. Todos estabamos un pouco nerviosos por ir ao Centro Social para ver as curtas seleccionadas para nós polo FICBUEU.
As 5 curtametraxes que vimos gustáronnos moito e algunhas veces rimos a escachar! Xa na clase fixemos unha votación para ver cal foi a nosa favorita... e tivemos un empate entre O CARRUSEL e BALANZARSE ATA A LÚA.
Ademais, colaboramos coas nosas flores para decorar un xardín vertical chulísimo.
Pasámolo xenial!!!
INICIO DE CURSO 2024-25
Enviado por Blanco Rodrígue... o Mar, 10/09/2024 - 18:12BENVIDOS E BENVIDAS AO CENTRO DE PRIMARIA.
Hoxe, as titoras de primeiro e o profesorado especialista tiveron o primeiro contacto coas familias do alumnado que entra por primeira vez no centro de primaria de A pedra. Como se comunicou na reunión queda nesta entrada do BLOG a presentación coa información compartida na xuntanza para que sexa mais doado lembrala.
RECOMENDACIÓNS PARA O VERÁN
Enviado por Marta Valbuena o Xov, 20/06/2024 - 23:29Despois dun curso moi completo, precisamos unhas boas vacacións nas que aprendamos dun xeito diferente ao da escola.
Deixámosvos aquí as recomendacións das mestras de 2º... E non vos esquezades de ver os Xogos Olímpicos de París!!!
A ABELLIÑA QUE PERDEU AS ÁS
Enviado por Marta Valbuena o Xov, 20/06/2024 - 13:59Neste curso, o alumnado de 2º tiña unha sesión cada 15 días na aula de tecnoloxías da escola. Alí aprenderon a facer proxectos de robótica, gravaron cousiñas na radio e incluso experimentaron coa ciencia.
No terceiro trimestre, dentro do proxecto de ciencias sobre as abellas, elaboraron unha curtametraxe baseada nun conto da biblioteca: A abelliña que perdeu as ás.
Para iso, gravaron os audios na radio, debuxaron os personaxes, crearon os decorados e despois, cunha paciencia infinita comezaron a gravación coa técnica stop-motion, que consiste en facer moitas fotos movendo moi pouquiño a escea ata conseguir que pareza que se move.
Foi unha aprendizaxe moi interesante e aquí podedes comprobar os resultados. Premede na foto para ver a película!!!
AS OLIMPÍADAS DE PAPIRUS
Enviado por Marta Valbuena o Xov, 20/06/2024 - 12:16Ao longo deste curso, todo o alumnado de primaria aprendeu cousas sobre os Xogos Olímpicos:
-Lemos o conto "Mi primer libro sobre los Juegos Olímpicos"
- Fixemos un mural coa conta atrás para a inauguración das Olimpíadas...
- Investigamos en mapas os lugares máis representativos por onde pasaba o facho olímpico...
- Coñecemos as mascotas desta edición e dalgunhas das anteriores...
- Investigamos os clubes deportivos de Bueu...
Todo o que aprendemos durante este curso, quedou reflectido na actuación final do 19 de xuño no salón de actos do IES Johan Carballeira, onde demostramos que somos uns expertos e expertas olímpicos.
DÍA DA LINGUA DE SIGNOS 2024
Enviado por Ainhoa Suarez o Xov, 20/06/2024 - 10:07O 13 de xuño celébrase o Día Internacional da Lingua de Signos. Con tal motivo a nosa intérprete Rosa gravou este vídeo co alumnado co centro. Grazas tamén á mestra de música Elsa, por deixarnos empregar a súa canción PRESENTIMENTO.
ENCONTRO CON CIENTÍFICOS
Enviado por Blanco Rodrígue... o Ven, 31/05/2024 - 23:14O último día do mes de maio e para rematar o proxecto sobre as abellas que o alumnado de 2º de primaria traballou neste curso gozou, na biblioteca da escola, da visita de dous científicos do departamento de Ciencias da Vida e Ecoloxía da universidade de Alcalá de Henares, José Manuel Fernández Pereira e Salvador Rebollo de la Torre.
Compartiron co alumnado o proxecto de investigación no que están a traballar. Contáronlle que levan estudando dende hai anos como a ave rapaz “abejero europeo” actúa como depredadora dos panais das avespas asiáticas.
Salva e Jose expresáronse cunha linguaxe moi cercana, didáctica e motivadora xa que souberon manter a atención e a curiosidade do alumnado durante moito tempo. Ademais, viñeron cheos de materiais que empregan nas saídas ao campo para amosarllos ao alumnado: cámaras, traxes, chips e mesmo un niño xigante de velutina e un bufo trampa.
Tamén, insistiron no importantísimo que é para a ciencia a realización do traballo en equipo e de que este estea formado por persoas de xénero diferente.
Ao terminar a charla, os nenos e nenas manifestaron as súas opinións expresando que aprenderan moitas cousas e que estivera moi interesante. Tanto é así, que algúns dicían que de grandes ían ser científicos.
A modo de conclusión, comentar que unha nena resumiu o encontro con Jose e Salva deste xeito: “Os científicos sempre se están facendo preguntas e se responden con outra pregunta”
Moitas grazas equipo por compartir con noso alumnado o voso proxecto!
Aquí queda algunha foto da xornada.
INFORMACIÓN DA REUNIÓN DE FAMILIAS DO DÍA 23 DE ABRIL DE 2024
Enviado por Blanco Rodrígue... o Mér, 24/04/2024 - 18:47Para lembrar todo que que se comunicou na reunión do pasado martes 23 de abril queda nesta entrada da Blog a presentación que se proxectou nela.
Premede na imaxe para vela.
EXPERIMENTANDO COS ESTADOS DA AUGA
Enviado por Blanco Rodrígue... o Xov, 28/03/2024 - 17:52Nesta entrada de Blog quedan recollidos todos os vídeos que o alumnado de segundo realizou coa axuda da familia e onde demostrou todo o que apredeu sobre os estados da auga. FIXÉRONO XENIAL! Se premedes na imaxe podedes ver o vídeo dos nenos e nenas de 2º A.
Se premes nestoutra imaxe verás o traballo dos nenos e nenas de 2º B.
DÍA METEOROLÓXICO MUNDIAL
Enviado por Marta Valbuena o Sáb, 23/03/2024 - 01:00Coincidindo co DÍA METEOROLÓXICO MUNDIAL, o alumnado de 2º investigou dúas lendas sobre a formación do ARCO DA VELLA, ese fenómeno tan misterioso pero que tanto ilusiona a pequenos e grandes!
Despois de investigar a orixe divina e a orixe popular, aprenderon as cores que o compoñen e crearon así a súa portada das fichas do 2º trimestre.
Ademais, representamos un teatro sobre as cores do ARCO DA VELLA, descubrindo que non hai unha mellor que outra, senon que todas unidas e grazas á chuvia fan un equipo único. Para representalo, o alumnado veu vestido para á ocasión cunha camiseta da súa cor, de tal xeito que entre todos formaban un alegre arco da vella!
