Eventos
Como adianto da revista do instituto correspondente a este curso, e dado que este ano lemos moitos relatos de misterio, algúns de Castelao, o alumnado de 3º ESO comparte con nós algunhas mostras da súa propia creación. Disfrutade destes terroríficos relatos...(ou non ;)
O xoves 27 de abril, 6 alumnos/as do centro (dous por aula de 2º de ESO), acudiron a Santiago para participar na Olimpiada Matemática.
A Consellería de Cultura, Educación e Ordenación universitaria ven de publicar a Circular nº 2/2017 da Dirección Xeral de Educación, Formación Profesional e Innovación Educativa pola que se desenvolve a Orde do 22 de abril de 2010, pola que se establece o procedemento que cómpre seguir nas reclamacións das cualificacións outorgadas no segundo curso do bacharelato establecido na Lei orgánica 2/2006, do 3 de maio, de educación, para o curso 2016/2017.
Reclamacións no centro. Prazos
- Convocatoria ordinaria: 23 e 24 de maio de 2017 (ata as 14.00 horas).
- Convocatoria extraordinaria: 5 e 6 de setembro de 2017 (ata as 14.00 horas).
Reclamacións ante a comisión de supervisión (Dirección Xeral de Educación, Formación Profesional e Innovación Educativa. Subdirección Xeral de Inspección, Avaliación e Calidade do Sistema Educativo). Prazos
- Convocatoria ordinaria: antes das 14.00 horas do día 29 de maio de 2017.
- Convocatoria extraordinaria: antes das 18.00 horas do día 7 de setembro de 2017.
No pasillo do primeiro andar podedes ver unha preciosa mostra de traballos feitos por alumnado de debuxo de 4º ESO (Verónica Álvez, Raúl Rey, Yassine Bassami e Leticia Cunqueiro), nos que renden homenaxe á disciplina do debuxo científico. Este tipo de debuxo require de exactitude, realismo e capacidade descriptiva, e supera á fotografía en aspectos onde ésta amosa as súas limitacións, como é o contraste e a profundidade de campo. Visitádea e vos sorprenderá.
Por segundo ano consecutivo o noso centro resultou o brillante vencedor do Club de Debate 2017 na final celebrada, o pasado sábado 6 de maio, no Centro Sociocultural de Santa Marta, en Santiago de Compostela. O tema da final foi "O futuro da lingua depende da mocidade", tese que tiveron que defender a prol (fronte ao IES Leixa, de Ferrol) e en contra (fronte ao IES Luís Seoane).
O equipo estaba formado por: Raúl Cobas Campos e Cristina Campos Castro (de 3º ESO); Alba Espasandín Vázquez, María Lema Barca, Jonathan Blanco Vieites e David Vigo Pena (de 4º ESO); e José Caamaño Noya, Alejandro Rodríguez Becerra, Alba García Mato, Candela Fernández Carballo e Fátima Fathallah Ezzine (de 1º de Bacharelato). A coordinadora do equipo foi María Blanco Crespo, do Departamento de Lingua e literatura Galega.
Parabéns para todo o equipo polo seu esforzo e traballo, así como pola súa actitude humilde e respectuosa durante toda a xornada. Sentimos moito orgullo por este premio. Felicitacións tamén aos demais equipos participantes polo alto nivel demostrado ao longo da competición.
O alumnado que remate Bacharelato neste curso 2016-2017 cunha media superior a 8,75 pode presentarse a estes premios dotados cun importe de 1000 € e a exención de pagar a matrícula do primeiro curso nunha universidade pública. A participación consistirá nunha proba estruturada en dúas partes.
O prazo de presentación comeza o 5 de maio e remata un mes despois. Tedes toda a información na Orde de convocatoria.
O alumnado e profesorado que foron de viaxe a París xa están de volta e polo que nos contan chegan encantados. Podedes ver as fotos que nos mandan no Facebook do insti. Nesta visita didáctica o alumnado está acompañado polos profesores Lucía Pérez Romero, Juan Alves e Joseba Lebrancon.
Proximamente poderedes ler unha crónica da viaxe na revista do instituto.
O pintor e ilustrador de Logrosa, D. Xosé Cobas fixo doazón dun lote de publicacións para CEIBAR (Centro de Estudos e Investigacións Barcalesas) do IES Xulián Magariños, xesto polo que a comunidade educativa do noso centro quere expresarlle o seu agradecemento.
A alumna de 2º ESO Lara López pasou á Fase Final da Olimpiada Matemática, que se celebrará en Lugo o vindeiro xoves día 18.
Noraboa e moita sorte!
A este prestixioso certame presentáronse 129 obras.
Na segunda categoría (dos 14 aos 17 anos) a gañadora foi Iria Freire, do IES Xulián Magariños de Negreira, coa obra Unha gaiola para a luz. A segunda clasificada foi Ana Barros, de Marín, coa peza Bala Perdida, e na terceira posición quedou Lucía Fuentes, tamén de Negreira, co traballo A vida de Marta.
Parabéns a todos/as os/as premiados/as e moi especialmente a Iria e Lucía.
Esta semana organizamos unha serie de actividades e exposicións para todas as persoas interesadas en aprender máis sobre os procesos de impresión 3D e as súas posibilidades. Haberá proxeccións de vídeos explicativos, mostra de obxectos impresos nas impresoras 3D do centro e posibilidade de ver as impresoras en acción.
ACTIVIDADES CON MOTIVO DA CELEBRACIÓN DO DÍA DAS LETRAS GALEGAS
A. EXPOSICIÓN SOBRE CARLOS CASARES
Por cortesía da Secretaría Xeral de Política Lingüística, que nos cedeu unha serie de paneis sobre a vida e obra de carlos Casares. Esta exposición atópase no pasillo de unión dos edificios principal e novo.
B. CONCERTO HOMENAXE
El Correo Gallego adica unha páxina aos éxitos do IES Xulián Magariños nas competicións de debate onde participa o noso alumnado
A nosa alumna Lara López, xunto con Brais Rodríguez do IES Rio Cabe de monforte e Daniel Piqueras do IES Perdouro de Burela serán os representantes galegos na fase nacional da Olimpiada Matemática que terá lugar en Valladolid do 21 ao 25 de xuño. Bravo Lara!
Do 24 ao 27 de maio alumnado de 1º de Bacharelato está a disfrutar dunha viaxe didáctica a Dublín (Irlanda) acompañado polos profesores Amancio Liñares e Kety Lois. Coma sempre, podedes ver as fotos no facebook do instituto.
Do 24 ao 27 de maio alumnado de 1º de Bacharelato está a disfrutar dunha viaxe didáctica a Dublín (Irlanda) acompañado polos profesores Amancio Liñares e Kety Lois. Coma sempre, podedes ver as fotos no facebook do instituto.
Do 24 ao 27 de maio alumnado de 1º de Bacharelato está a disfrutar dunha viaxe didáctica a Dublín (Irlanda) acompañado polos profesores Amancio Liñares e Kety Lois. Coma sempre, podedes ver as fotos no facebook do instituto.