Eventos
Dentro do programa de titoría entre iguais organízanse actividades conxuntas entre alumnado de 1º e 3º de ESO para facilitar o intercambio de ideas e o coñecemento mutuo. Estes días tocan unhas divertidas yincanas.
Fotos da reunión de hoxe na Xefatura Territorial da Coruña entre o Xefe Territorial, Indalecio Cabana Leira e o Director do IES Xulián Magariños, Adelino José Pose Reino.
Nesta reunión o Xefe Territorial comprometeuse a realizar as obras para a construción dun aparcadoiro frontea Rúa Teresa Fabeiro, tamén enviará a un técnico da xefatura para revisar o estado da calefacción do edificio principal, en vistas de cambiala, xa que ten unha antigüedade de 30 anos.
Interesantísima exposición de maquetas de plastilina sobre a célúla eucariota feita polo alumnado de 1º de ESO na materia de Bioloxía e Xeoloxía coordinado pola profesora Luisa Nieto. Lugar: Final do corredor edificio novo.
O 23 de febreiro de 9:30 a 11 o departamento de Economía organiza unha charla titulada "Eduemprende", na que un membro do IGAPE e un ex alumno do centro que creou a súa propia empresa falarán para o alumnado de 1º de Comercio, 2º de ASIR e 2ª BAC B (Economía)
No hall do 1º andar pódese ver a cúpula xeodésica que construiu o alumnado de 2º ESO Agr, con axuda do alumnado de 1º de Bach. da materia de "Modelado e impresión 3D" que aportaron os conectores pentagonais. Unha serie de paneis informativos axudan a entender as vantaxes, usos e forma de construcción destas interesantes estruturas.
O vindeiro 24 de febreiro cúmprense 180 anos dende o nacemento da gran escritora galega. Con motivo desa especial data, o alumnado de 3º de ESO, dentro das actividades organizadas polo equipo de dinamización lingüística, comenta para todos nós algúns dos seus poemas.
"Adiós ríos, adiós fontes" Sara e Gabriela
"Nasín cando as prantas nasen" Álex e Jorge
"Negra sombra" María
"Pra a Habana" Inés
"Quen ten mozo?" Ivan, Daniel , Alejandro
Poemas da emigración de Rosalía de Castro. Iria
"De soidás morríase" Lucía
"Por que?" Manuel
"Hora tras hora, día tras día" Pilar
"Campanas de Bastabales" Cristina
"Negra sombra" Noelia
"Miña casiña, meu lar" Pablo
VIDEOPOEMA: Adiós ríos, adiós fontes . Adriana
A RAG (Real Academia Galega) comparte na rede a colección de retratos que posúe de Rosalía.(acceder aquí)
Deixámosvos tamén unha ligazón á web do cantautor Amancio Prada onde podedes atopar unha magnífica versión da súa clásica adaptación musical do poema "Adiós ríos, adiós fontes". Disfrutádea.
O venres 24 de febreiro a 5ª e 6ª horas tivo lugar o tradicional festival de entroido con concurso de disfraces incluído. Participou o alumnado de ESO, FP Básica y Ciclo Medio de Comercio.
BASES DO CONCURSO DE DISFRACES
A "Voz de Galicia" informa sobre o aumento de comportamento autolesivos en adolescentes.
Os equipos de debate do noso instituto, coordinados polas profesoras Ana Barrientos e María Blanco, inician a competición.
O agradecemento a Cheche Carballo Villar por colaborar na preparación e a o Concello de Negreira polo apoio para poder participar.
INFORMACIÓN XERAL DE INTERESE (DATAS, HORARIOS, PRAZOS MATRÍCULA...)
Tedes toda a información na web da CIUG (Comisión Interuniversitaria de Galicia)
PROCEDEMENTO DE REALIZACIÓN
Instrucións onde se detalla o procedemento para a realización da ABAU (Avaliación de Bacharelato para o acceso á Universidade).
PARÁMETROS DE PONDERACIÓN
Colocación do calendario deseñado por Luis Davila no corredor de acceso á Sala de profesores e Biblioteca. Actividade organizada polo equipo de Dinamización Lingüística.
O coñecido debuxante e humorista presenta doce viñetas para cada mes do ano onde reflexiona sobre o uso e os tópicos sobre a lingua galega.
Hoxe desenvolveuse unha actividade sobre a historia da alimentación en Galicia, para o alumnado de historia contemporánea, coordinado polo doutorando da USC Pablo Brocos e polo profesor da materia Amancio Liñares. Fíxose unha análise de varios textos sobre esta temática, que logo se poñerán en común.
Excelente traballo do noso equipo de debate de 1ºBACH. Era a primeira vez que participaban nesta actividade despois de ser campións o curso pasado no Club de Debate da Lingua. Parabéns a Alba, Brais, Candela e Fátima tiveron un comportamento excelente e un nivel de traballo elevadísimo durante estas semanas. Gañaron dous dos tres debates nos que participaron e recibiron moi boas valoracións por parte dos diferentes xurados.
- Probas de acceso a ciclos formativos de grao medio: O prazo de presentación da solicitude de inscrición estará abranguido entre os días 13 e 23 de marzo de 2017, ambos os dous incluídos. As probas de acceso aos ciclos de grao medio terán lugar o día 31 de maio de 2017.
- Probas de acceso a ciclos formativos de grao superior: O prazo de presentación da solicitude de inscrición estará abranguido entre os días 6 e 15 de febreiro de 2017, ambos os dous incluídos. As probas de acceso aos ciclos de grao superior terán lugar o día 20 de abril de 2017.
As solicitudes deberán presentarse en papel, no centro de inscrición, utilizando o formulario normalizado dispoñible na sede electrónica da Xunta de Galicia, https://sede.xunta.gal.
En caso de enviarse por correo, o envío deberá ser certificado, co selo de Correos na cabeceira da primeira folla do documento que se queira enviar, para garantir que a data de remisión sexa anterior á finalización do prazo de presentación.
As persoas interesadas tamén poderán cubrir a solicitude a través da aplicación dispoñible desde a páxina web http://www.edu.xunta.es/fp, que xerará a solicitude que a persoa interesada deberá imprimir e posteriormente presentar no centro de inscrición.
REFERENCIA NORMATIVA
O alumnado de Cultura e Lingua portuguesas estiveron a facer unha serie de enquisas entre a veciñanza da nosa comarca para ver o grao de coñecemento que se ten na mesma do país irmán.
Este é o primeiro dos vídeos destas enquisas. Foi realizado por Laura Fresco Rey e Milena Silva Antelo de 4º ESO.
Noraboa ao alumnado do IES Xulián Magariños que gañou o premio ao mellor dossier do Parlamento Xove 2017!
SOLICITUDES DE ADMISIÓN
Está aberto o prazo hasta o 20 de marzo para entregar as solicitudes de admisión neste centro
NOVIDADES
A Consellería de Cultura, Educación e Ordenación Universitaria publicou unha orde que modifica a Orde de 12 de marzo de 2013 pola que se regula o procedemento de admisión de alumnado.
O obxectivo é facilitar o procedemento e xestión tanto para os/as solicitantes como para os centros por medio dunha aplicación informática "admisionalumnado".
Poden atopar máis información na web da Consellería
REFERENCIA NORMATIVA
Decreto 254/2012 de 13 de decembro
Orde de 12 de marzo de 2013 (procedemento de admisión). Corrección de erros
Debido ás condicións meteorolóxicas suspéndese mañá mércores e pasado xoves parte do transporte escolar nalgunhas zonas.
A Comisión Escolar de Alertas tomou hoxe a seguinte decisión:
A SUSPENSIÓN do TRANSPORTE ESCOLAR por alerta LARANXA, entre as 12:00 horas do día 22 e as 12:00 horas do día 23 de marzo, por acumulación de neve de ata 5 cm de espesor, que afectará as zonas de predición meteorolóxica do Interior da Coruña, do Centro e Sur de Lugo, do Noroeste de Ourense e do Interior de Pontevedra
A SUSPENSIÓN das ACTIVIDADES NO EXTERIOR das instalacións dos centros escolares situados nas zonas de predición meteorolóxica indicadas anteriormente (puntos 1 e 2), con seguimento das condicións climáticas.
O Concello de Negreira atópase incluído na zona climática Interior da Coruña. (Ver descrición de zonas de predición meteorolóxica)
Máis información no Portal da Consellería de Educación