Lucía Toval Bacelo e Sofía Belén Pérez Quintanilla, alumnas de 2º do STEMBach, tras ter rematado e presentado os seus Proxectos de Investigación, crearon de xeito voluntario un novo proxecto baixo a dirección da profesora Elisa Moreira.

    Neste caso, deseñaron, construíron e programaron unha man robótica capaz de xogar ao mítico “pedra, papel, tesoira”. Para levala a cabo, empregaron material de uso cotiá, servomotores, unha tarxeta Arduino UNO e unha matriz LED.
    Agradecémoslle a súa implicación e dedicación e dámoslles os nosos parabéns polo resultado obtido que podedes ver no vídeo.

     Alumnado do Sofía Casanova está presente este ano na Maker Faire de Galicia pola súa participación no proxecto de Talentos Inclusivos.

    Talentos Inclusivos, desenvolvido conxuntamente polo CITIC da Universidade da Coruña, ASPACE Coruña e centros de ensino secundario, pretende espertar vocacións STEM entre a xuventude e dar a coñecer a realidade da discapacidade a través de equipos colaborativos de traballo para resolver retos tecnolóxicos propostos por persoas con parálise cerebral. No noso caso, Gloria Murcia Hermida, Iago Grandal del Río, David Gutiérrez Fernández e David Parga Torrente, estudantes de 1º de bacharelato do STEMBach ou de TIC I, aceptaron o reto de adaptar videoxogos clásicos como o Pong ou o Pacman para o seu uso por persoas con parálise cerebral, creando tanto a programación como os pulsadores necesarios.

    A pesar da pandemia, queremos demostrar que seguimos podendo facer diferentes actividades complementarias.

    Podemos ver a parte do alumnado de 1º ESO practicando un dos contidos obrigatorios do curriculum para este ano 20-21