O martes 22 de Xuño O reitor da Universidade da Coruña fixo entrega aos Proxectos de Investigación realizados polo alumnado do IES Sofía Casanova correspondentes ao bienio 2019-2021.
            Proxectos de investigación:
“Innovación con impresoras 3D para crear produtos de apoio para persoas con diversidade funcional”. Thais Pousada García. Facultade de Cienciasda Saúde. UDC. Realizado polas alumnas: Irene Fernández Arias e Laura Caaveiro Martínez
“Desenvolvemento de novos Biomateriais para o seu uso en dispositivos médicos”(EUDI). Rebeca Bouza Padín. EUP-Campus de Ferrol. UDC. Alumnado que o realizou: Sofía Belén Pérez Quintanilla e Isai Ogando Santalla
“Explorando a Intelixencia Artificial: diagnose de pacientes con Parkinson a partir de gravacións de voz”. Andrés Piñón Pazos e Óscar Fontenla Romero. EUP-Campus de Ferrol. UDC. Realizado polo alumnado: Lucía Toval Bacelo e Brais Romalde Campos.
“Clonación dun xene humano nun vector bacteriano para producir unha proteína recombinante con valor farmaceutico ou industrial: Expresión e produción da proteína HMGB1 e Expresión e produción heteróloga da eritropoietina humana (EPO)” .Manuel Becerra Fernández, MªEster Rodríguez Belmonte e Mónica Lamas Maceiras. Facultade de Ciencias. UDC. Realizado polas alumnas Iria González Soto e Sara Penabad Garrote.
     Parabéns a todo o alumnado e moita sorte no voso futuro universitario!

    La Voz de Galicia recolleu o evento nas súas páxinas.

    A prensa local recolle os bos resultados acadados pola alumna do Sofía, Lucía Toval Bacelo, nas recentes probas da ABAU (Selectividade).

    Lucía obtivo 13,65 puntos sobre 14, o que a convertiu na alumna coa mellor nota da comarca.

     Para o próximo curso pensa matricularse no grao de Enxeñaría de Deseño Industrial e Desenvolvemento do Produto, no Campus de Ferrol.

  Diario de Ferrol                 La Voz de Galicia

     Xa temos as fotografías gañadoras do I Concurso de Fotografía Convivencia e Igualdade.

    A calidade das fotos presentadas polo alumnado de Bacharelato fixo que decidiramos elixir tres das imaxes presentadas.

    Noraboa a participantes e gañadoras!

      Publicamos o vídeo que se vai presentar no acto de clausura do proxecto Talentos Inclusivos e no que participaron os alumnos, Gloria Murcia Hermida, Iago Grandal del Río, David Gutiérrez Fernández e David Parga Torrente, estudantes de 1º de bacharelato do STEMBach e de TIC I.
      Talentos inclusivos é un proxecto que pretende espertar vocacións STEM entre os mozos e dar a coñecer a realidade da discapacidade a través de equipos colaborativos de traballo para resolver retos tecnolóxicos expostos por persoas con parálise cerebral.
      Densenvólveo o CITIC (Centro de Investigación en Tecnoloxías da Información e as Comunicacións) da Universidade da Coruña e ASPACE é apoiado polo Consello Social da Universidade da Coruña e promovido pola Fundación para a Ciencia e a Tecnoloxía de Ciencia ( FECYT) en colaboración con centros educativos de secundaria.