O mércores inícianse as probas para acreditación en lingua inglesa según convocatoria da Xunta que financia a certificación en lingua estranxeira de alumnado de 4º ESO e Bacharelato. O noso centro foi beneficiario destas axudas nos niveis de 4º ESO, PluriBach e 2º BAC.

As probas dos niveis B1, B2 e C1 nos que participa o noso alumnado terán dúas partes: o mércores o alumnado examinarase de Reading e Writing e os días 8 e 9 de febreiro terán lugar as probas de Speaking e Listening. 

O alumnado que as supere obterá un certificado oficial do correspondente nivel polo Trinity College de Londres. Estes certificados teñen recoñecemento internacional e non caducan.

25 alumnos de 3º ESO van participar no programa de inmersión lingüística activa en lingua inglesa. O obxectivo deste programa é a estimulación da práctica oral inglesa e a súa utilización en contextos comunicativos máis amplos. O programa inclúe actividades académicas, de tempo libre e obradoiros e a metodoloxía será activa, lúdica e cooperativa, promovendo aprendizaxes significativas e incidindo en aspectos relacionados coa sostibilidade e o coñecemento da contorna. 

Ao alumnado e as familias iráselles proporcionando máis información en canto o noso centro dispoña desta.

Como xa se ven facendo dende hai varios cursos, este ano tamén resultamos centro beneficiario das axudas para a acreditación da competencia en lingua estranxeira do alumnado.

46 alumnos de 4º ESO, 1º Pluribach, 2º Pluribach e 2º BAC acreditaranse nos niveis B1, B2 e C1. As probas terán lugar no centro no mes de febreiro. 

Moito ánimo a todo o alumnado! Esperamos que os resultados sexan tan bos como en cursos pasados.

O martes 19 de novembro os alumnos de 1º e 2º de BAC achegáronse ao festival de cine de Xixón para ver a película Port Authority. Despois desprazáronse a Oviedo para visitar as igrexas máis representativas da arte do prerrománico asturiano.

A profesora de inglés do IES San Rosendo, Ana Belén López Pérez, está a realizar unha estancia profesional de dúas semanas no Christopher Whitehead Language College en Worcester (Inglaterra) coa finalidade de estudar a organización e o sistema educativo inglés. Esta estancia atópase enmarcada no programa de formación permanente do profesorado diseñado polo Ministerio de Educación, en colaboración coas Comunidades Autónomas, que ten entre os seus obxectivos favorecer a movilidade internacional dos docentes.

• A nova en Crónica 3.com

Convocadas axudas para a realización de actividades de formación en linguas estranxeiras para o ano 2019

Información: https://www.edu.xunta.es/axudasle/