Detectado un positivo por Covid nun dos alumnos do IES San Rosendo activouse o protocolo. Avisouse ao alumnado contacto directo e, sabiamente, outros optaron por autoconfinarse ao ter tido algún contacto co positivo.

Na segunda PCR feita, o resultado foi negativo. Tras ser realizada unha terceira proba PCR volveu a confirmarse o negativo do alumno e de toda a súa familia. Como consecuencia, confirmouse tamén  o desconfinamento de todo o alumnado que permanecía en corentena nos seus fogares por recomendación sanitaria.

Compartimos esta boa nova e insistimos na necesidade de que toda a comunidade educativa extreme as precaucións en todo momento e manteña o respeto ás normas de autoprotección.

Segundo a Orde do 6 de novembro de 2020 (DOG Nº230), dende o día 16 ata o 27 de novembro poden presentar solicitude (de forma presencial no Centro) para o subministro de máscaras (Anexos I e II), os representantes legais do alumnado que non fose beneficiario da axuda para adquirir material escolar por diferentes circunstancias, pero pertenza a familias cunha renda per cápita igual ou inferior a 6.000 €.

IMPORTANTE: O alumnado que obtivo axuda para adquirir material escolar 20/21, non ten que presentar a solicitude

Mais información en arquivo adxunto.

Solicitude

Dacordo aos Protocolos e Instrucións conxuntas da Consellería de Sanidade e da Consellería de Educación e Formación Profesional, debido á situación actual de pandemia provocada pola COVID 19, presentamos os seguintes documentos desde o noso centro:

• PLAN DE ADAPTACIÓN Á SITUACIÓN COVID 19 NO CURSO 2020-2021 NO IES SAN ROSENDO DE MONDOÑEDO (actualizado 20/10/2020)

• PLAN DE CONTINXENCIA PARA A ACTIVIDADE LECTIVA NON PRESENCIAL PARA O CURSO 2020-2021 IES SAN ROSENDO

• PLAN DE ACOLLIDA PARA O CURSO 2020-2021 IES SAN ROSENDO DE MONDOÑEDO

• PROTOCOLO COVID 19 PARA A BIBLIOTECA DO IES SAN ROSENDO DE MONDOÑEDO

DECLARACIÓN RESPONSABLE (COMPROMISO COVID 19 POR  PARTE DAS FAMILIAS)

A alumna de 2º de ESO Iria Bermúdez Barreira foi premiada no concurso Atrévete a ter unha idea, un certame enmarcado no Plan de Emprendemento no Sistema Educativo de Galicia, eduemprende.