Hoxe, 23 de maio, alumnado de 4º ESO C e 1º BAC B, visitaron a Facultade de Filoloxía (UDC). Ademais de asistir a unha charla sobre os estudos que se poden realizar e as saídas profesionais, visitamos as súas instalacións: Aula Magna, Aulas de Idiomas e a Biblioteca.

Moitas grazas a Félix Córdoba, Decano da Facultade, pola súa atención co noso alumnado e profesorado acompañante.

Hoxe o noso alumno Anxo Fernández Santamaría recibiu en Santiago de Compostela o merecidísimo premio extraordinario da ESO á superación persoal. Parabéns, Anxo. Estamos moi orgullosos de ti e moi honrados por termoste acompañado no teu camiño na ESO e seguir facéndoo no Bacharelato.

 O calendario que segue está elaborado segundo as  Instrucións do 2/2023 da Dirección Xeral de Ordenación e Innovación Educativa pola que se precisan da Orde do 2 de marzo de 2021 pola que se regula o dereito á obxectividade na avaliación e se establece o procedemento de reclamación das cualificacións obtidas  e das decisións de promoción e titulación para o curso 2022-23

De non estar conformes coas cualificacións as persoas que representen ao alumnado menor de idade, poderán solicitar unha revisión da cualificación das materias de que se trate. 

A primeira revisión sería dirixida á Dirección do centro, e de persistir o desacordo poderían solicitar unha reclamación ante Xefatura Territorial. 

As reclamacións faranse cubrindo os impresos correspondentes, e dentro das datas indicadas para cada caso:

• Reclamación ante o centro.
• Reclamación ante  a Xefatura Territorial.

É preciso ter solicitado revisión no centro antes de reclamar en Xefatura Territorial. En ambos casos entregarase en Administración o impreso correspondente, debidamente cuberto e asinado, con rexistro de entrada. 

Coa finalidade de incentivar a creatividade e de difundir mensaxes que poñan en valor o galego, desde o Equipo de Dinamización da Lingua Galega (EDLG) convócase este certame de deseño de bolsas de tea (tote bag).

Para participar debes pensar no deseño e frase/lema/verso en galego, recoller a túa bolsa de tea en branco durante un recreo na zona da biblioteca, deseñala coas técnicas que ti queiras (rotuladores téxtiles ou permanentes, estampación, bordado, cosido…) e entregala ao concurso (e despois lucila canto máis mellor!).

Consulta os premios e as bases completas no documento anexo.