Onte, 1 de marzo, algunhas alumnas do IES Rego de TRabe e do IES Eduardo Blanco Amor asistiron a un obradoiro motivacional sobre novas tecnoloxías organizado pola Asociación Nacional Presencia Gitana  xunto co Concello para animar ás mulleres, en especial ás da comunidade xitana, a continuar formándose para ter maiores oportunidades e reducir a discriminación e a fenda de xénero dixital. Tivemos a grande sorte de poder conversar e escoitar a vivencia persoal de Gisela, unha moza xitana que estuda na Universidade da Coruña. 

Tras a lectura do libro de Arantza Portabales, Beleza Vermella, o alumnado da ESA fixo chegar á autora por medio do seu profesor unha serie de preguntas para completar a experiencia. Arantza enviounos un vídeo no que se apoia nas impresións que recibiu para afondar nas ideas que pretendía transmitir. 

Hoxe o noso alumnado de Ciencias de 4°ESO e 1°BACHARELATO visitaron a Facultade de Ciencias (UDC).

Levaron a cabo distintos obradoiros.

MÁIS FOTOS AQUÍ

PARTICIPACIÓN DO IES REGO DE TRABE NO TORNEO DE DEBATE ACADÉMICO DA FUNDACIÓN BARRIÉ

(23 de xaneiro)

Un ano máis o IES Rego de Trabe participou no Torneo de Debate Académico da Fundación Barrié. Este ano o equipo está integrado por dous alumnos de 3º da ESO e tres de 2ª da ESO que cursan a materia de Oratoria. A pregunta que se nos plantexou é :

Rural ou urbano, qué entorno é o máis favorable para un adolescente?

Despois de moito traballo buscando argumentos que apoien unha ou outra opción, o día 23 de xaneiro enfrontámonos a equipos de tres institutos. Conseguimos vencer en dous dos tres debates, pero non no clasificamos para a seguinte fase.

Podedes acceder a unha entrevista realizada para Radio Culleredo a dous dos integrantes do equipo e aos docentes que os adestraron. 

Parabéns para o noso equipo e grazas a Goretti e a Nel!!