Premios 2022-2023

A asociación cultural Os Matos do IES Perdouro presentou o nº 29 da publicación Maruxía en colaboración co Equipo de Dinamización e coa Biblioteca.

 Hoxe, 21 de xuño, estamos de triple celebración: celebramos o día da música, a nosa festa anual das letras: a presentación da revista escolar Maruxía e o final de curso. Aroa e Noel, alumnos de 4º ESO TIC, conduciron o acto e encargáronse de explicar como tiveron que traballar en equipo para poder sacar adiante unha nova edición da revista. Nela recóllense unha mostra das actividades e traballos realizados polos reporteiros do Perdouro así como os premios do XVI Concurso de relato curto e poesía e do XIVConcurso de imaxe convocados anualmente pola Asociación Cultural "Os Matos".

Accede á completa reportaxe fotográfica realizada por Lucía Rivas, a nosa fotógrafa oficial de Proxecto Neo, AQUÍ.

Hoxe mércores 24 de maio Shiva recibiu o primeiro premio da 2ª categoría (de 12 a 18 anos) do IX Concurso de debuxo para a eliminación da discriminación racial do Concello de Burela. 

É o seu noveno premio este curso e na ilustración gañadora do concurso reuniu persoas de distintas procedencias baixo o sinal da vitoria simbolizando con esta imaxe que manténdonos unidos somos capaces de vencer as diferenzas. 

Moitos parabéns, Shiva!

Onte 17 de maio celebrouse a cea de graduación do alumnado de 2º de Bacharelato do IES Perdouro. Na xuntanza participaron 35 rapazas e rapaces e gran parte do profesorado que lles deu clase durante o tempo que cursaron estudos no centro. A cea desenvolveuse nun ambiente festivo, dada a alegría de chegar á meta: acabar 2º de Bacharelato.

 Podedes acceder ao álbum de fotos AQUÍ. 

O alumnado de 4º ESO B2 viaxou o día 27 de febreiro a Santiago para recoller o premio do I Concurso de Reanimación cardiopulmonar a nivel galego convocado polo Colexio Oficial de Médicos da Coruña, no que resultou premiado o traballo feito por Shiva Eliska Alinda Nurhakim e os seus compañeiros. O traballo tiña como requisitos elaborar un cartel, un podcast ou vídeos. No seu caso, elixiron crear un cartel no que se amosaban as instrucións para realizar a RCP e unha gravación de audio na que todo o alumnado do grupo narraba os pasos para executar as manobras correspondentes. 

O grupo chegou a Santiago sobre as 11:00h. Estaban citados na sala Eisenman da Cidade da Cultura e alí foron recibidos por responsables do Colexio Oficial de Médicos da Coruña e por Manuel Vila, Secretario Xeral Técnico da Consellería de Cultura, Educación e Universidade. 

Antes da entrega dos premios, a nosa compañeira Shiva foi entrevistada por unha xornalista. Uns minutos despois, presentaron os distintos grupos premiados e os representantes de cada centro educativo foron chamados para recibir o premio e expoñer os seus traballos ás persoas presentes. 

Á parte do IES Perdouro, estaban presentes o CPI Isidro Parga Pondal de Oleiros, o CPI O Cruce de Cerceda e o Colexio Peleteiro de Santiago. Para finalizar a entrega, todos os centros educativos posaron para unha fotografía conxunta. 

A continuación, convidáronos a un almorzo con café, leite, pastas, froita... 

Logo, foron visitar a catedral e os seus arredores. O profesorado foi explicando datos sobre os lugares por onde foron pasando: a praza da Quintana, a do Obradoiro, a Acibechería... E xa dentro da catedral a exposición tratou sobre a cripta do apóstolo Santiago, os estilos arquitectónicos, o funcionamento do botafumeiro, a recente limpeza da pedra polo que agora se ve policromada... 

Para rematar, comeron no centro comercial As Cancelas antes de volver a Burela. 

Podedes acceder ao álbum de fotos AQUÍ.

Alumnado de 4º ESO B2

A 4ª e a 5ª hora os grupos que pasaron á final disputarán os partidos no pavillón e os seus compañeiros de clase acompañaranos como público. Asemade o profesorado que teña clase a 4ª hora encargarase de levar o grupo co que está ao pavillón e o profesorado que teña clase co grupo a 5ª hora será o responsable de traelo de volta á aula. 

Se se necesita toda a 5ª hora para a entrega de premios collerase e se non fai falta na súa totalidade, volveremos ao centro para continuar coas clases normalmente. 

O alumnado do ciclo medio de Instalacións de Telecomunicación rematou o último día antes de Nadal cunha competición de montaxe e configuración, traballando en grupos de alumnos de 1º e 2º curso. Demostrando as súas destrezas nas diferentes tecnoloxías vistas en distintos módulos profesionais, instalaron paneis con circuítos de alumeado, tomas de corrente eléctrica, sinais de televisión e instalación de videovixilancia. 

• Bruno (1° CM) 
• Daniel (1° CM) 
• Christian (2° CM) 
• Izan (2° CM)

• Javier (1° CM) 
• Miguel (1° CM) 
• Kemer (1° CM) 
• Breixo (2° CM)
• Adrián (2° CM)

O traballo que realizastes foi cuantioso en pouco tempo, sobre todo o do alumnado de 1º de Bacharelato, que chegou do intercambio a Francia e xa se puxo mans á obra. 

Foi moi difícil decidir cales eran os mellores porque hai taboleiros preciosos. 

O fallo do xurado foi o seguinte: 

• 1º premio para a aula 116, a de 2º ESO A, 

• 2º premio para a aula 101, a de 3º ESO PDC, 

• e empataron a puntos para o 3º premio, as aulas 113 e 208, as de 1º ESO A e 4º ESO B2, respectivamente.