Novas

Se queres conseguir o nivel B1 de lingua portuguesa e xa cursaches 4º ESO, matricúlate en CUALE.

Tes ata o 15 de setembro de prazo. 

Se es alumna/o do IES Perdouro, só tes que traer 2 fotografías tamaño carné. 

Se es alumna/o doutro centro, tes que traer: 

- as 2 fotos tamaño carné,
- fotocopia do DNI e
- certificación académica dos estudos realizados. 

Podes cubrir o formulario de matrícula na secretaría do IES Perdouro ou descargar o impreso. 

Matrícula: Martes 7 de setembro

Calendario e instrucións para a matrícula en ESO

Calendario e instrucións para a matrícula en Bacharelato

Nas ligazóns que figuran máis abaixo pódese acceder aos calendarios e horarios das probas extraordinarias de setembro. Como se indica nos propios documentos, hai que consultar as normas COVID de obrigado cumprimento nos días das probas.

Publicadas as listaxes de ciclos con prazas vacantes liberadas, ábrese un prazo de matrícula directa ata o día 30 de xullo, ás 13 horas.

Se non che foi adxudicada unha praza ou non a solicitache previamente, podes matricularte de maneira directa nas prazas vacantes (nº limitado). A matrícula realizarase por orde de chegada, só con acreditar os requisitos de acceso e presentar a documentación que se indica máis abaixo. 

Consulta a oferta de ciclos formativos do IES Perdouro agora tamén en modalidade Dual

Se es alumno/a de ESO ou Bacharelato e desexas que o centro che facilite os libros de texto que necesites para o curso 2021/2022, debes cubrir un impreso en Conserxería. Poderás facelo ata o 12 de xullo. Se tes que matricularte en setembro, o prazo será ata o 10 de setembro. Entregaranse libros ata fin de existencias. 

Recordamos que aínda estás a tempo de traer os libros de texto que xa non precises ao centro para doalos e así poderemos ampliar o noso banco solidario. 

Nas ligazóns que figuran máis abaixo podes consultar as listaxes de libros de texto (en papel) e material didáctico impreso para o curso 2021-2022.

Aviso: Modificouse a listaxe de 1º de ESO, ao retirar o libro de texto de Inglés.

Está aberto, ata o día 22 de xuño de 2021 (incluído) o prazo para participar na convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2021/2022

O próximo curso 2021/2022 incorpóranse os cursos de 3º e 4º ESO ao programa E-DIXGAL, polo que todos os cursos de ESO quedan excluídos da participación no fondo solidario de libros de texto. Non obstante, poderán solicitar a axuda para adquirir material escolar, así como ás establecidas nas disposicións adicionais primeira e segunda da orde.

Poden consultar a información resumida neste documento informativo.

As listaxes de alumnado admitido en ESO e Bacharelato están publicadas no taboleiro de anuncios interior do Instituto, xunto a Secretaría. Todo o alumnado que presentou a súa solicitude dentro do prazo foi admitido, excepto erro ou omisión (recomendamos consultar as listaxes persoalmente ou ben chamando ao centro - 982870102 -)

Acceden ao centro 11 alumnos/as de 1º de ESO, 1 de 3º de ESO e 13 de 1º de Bacharelato.