Se desexas obter praza nun ciclo formativo para o curso 2021/2022, debes presentar a túa solicitude durante o período extraordinario, desde o día 1 ao 9 de setembro (ás 13h). No portal de FP da Consellería de Educación podes consultar a información xeral sobre o proceso de admisión.
Neste centro ofrecémosche catro ciclos de grao medio (Instalacións de telecomunicacións, Mecanizado, Peiteado e cosmética capilar, Xestión administrativa) e un de grao superior (Administración e Finanzas). Infórmate sobre a oferta de ciclos formativos do IES Perdouro.
FP Dual. Agora tamén podes cursar calquera dos ciclos de grao medio do IES Perdouro en modalidade Dual (polo réxime ordinario):
- Con seis meses de formación en empresa
- Cobrando unha remuneración
- De alta na Seguridade Social
- Con unha maior probabilidade de obter un contrato de traballo ao finalizar
- Sen requisitos de idade
Solicitude: do 1 ao 9 de setembro ás 13h
A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario. Logo de realizada, a aplicación informática emite un impreso de solicitude e indícache se debes presentalo na secretaría dun centro de secundaria e qué documentación terás que achegar. Para realizar a solicitude web accede á aplicación en liña e ás instrucións. Se precisas axuda non dubides en contactar ou acudir á secretaría do IES Perdouro.
Atención á publicación das listaxes
Despois de presentar a solicitude deberás prestar atención ás listaxes que publicará a Consellería:
- Listaxe provisional de solicitudes: día 14 de setembro (reclamación do 14 ao 16 ás 13h)
- Listaxe definitiva de solicitudes: día 21 de setembro
- Listaxe da 2ª adxudicación: día 21 de setembro
Matrícula ou renuncia á praza: do 21 ao 24 de setembro
Publicada a listaxe de adxudicación, deberás acudir á secretaría do centro que che foi adxudicado, do 21 ao 24 de setembro ás 13h, para matricularte ou renunciar á praza co fin de seguir optando ás que solicitache con maior preferencia.
Matrícula directa en prazas liberadas
Máis adiante (a partir do 21 de setembro) liberaranse as prazas vacantes e poderás matricularte directamente (por orde de chegada ata esgotar as prazas).
Máis información
O portal de FP da Consellería de Educación ofréceche toda a información necesaria:
- Oferta de FP en toda Galicia e para todos os réximes
- Folletos informativos sobre as familias profesionais e ciclos
- Instrucións xerais do proceso de admisión
- Calendario do proceso de admisión
- Instrucións para realizar a solicitude web
- Normativa
- Seguimento das listaxes publicadas
- Etc
Datos de contacto do IES Perdouro:
- Teléfono: 982 870 102
- Correo electrónico: ies.perdouro@edu.xunta.es
- Rúa do Instituto, s/n; 27880 Burela (Lugo)
- GPS: 43.652140, -7.357292
|
Oferta educativa de FP no IES Perdouro Folletos informativos: centros onde se imparte a formación profesional inicial, perfís profesionais (competencia xeral, postos de traballo máis relevantes, módulos, título que se obtén, acceso a outros estudos) e información dos centros educativos.
|
