IES Ramón Otero Pedrayo

MUSEO DO IES OTERO PEDRAYO

O pasado luns 24 de Octubro, o Conselleiro de Cultura, Educación, Formación Profesional e Universidades, D. Román Rodríguez González, acompañado do Xefe Territorial. D. Xosé Fisteos; da directora do MUPEGA, Dna. Beatriz Seco; o director do CEFORE, D. José Domínguez e a Directora Xeral de Ordenación e Innovación Educativa, Dna. Judith Fernández, visitaba o Otero Pedrayo para inaugurar o noso museo, que botara a andar no ano 2009 grazas ao traballo infatigable de docentes como Conchita López, María Xosé Camba, Maíta Borrajo, Ramón Romero, Antonio Villar, Arturo Fernández ou Luis Fernández, entre outros.

No ano 2019 decidiuse sacar os fondos museísticos da sala na que se atopaban e ubicalos nos corredores e paraninfo do edificio histórico, integrándoos na súa magnífica arquitectura.

Na actualidade, é posible realizar a visita seguindo as indicacións dunha audioguía plurilingüe (galego, castelán, inglés e francés) á que se accede facilmente a través de códigos QR. Este traballo foi dirixido maxistralmente polos compañeiros de Ciencias Pilar Rodríguez e José Manuel Puente e nel colaboraron os catro departamentos de linguas do Otero Pedrayo.

A partir de agora, o museo, pertencente á rede MUPEGA, queda aberto a toda a cidadanía en horario vespertino, facendo unha reserva previa.

Nota de prensa

IES OTERO PEDRAYO. ENSINO PÚBLICO. ENSINO DE CALIDADE

DÍA DAS ESCRITORAS

No día das escritoras, o Otero Pedrayo contou coa mellor para dar un obradoiro de teatro: Celia Díaz.

O alumnado de 1º ESO fixo improvisacións, coñeceu as principais características dun texto teatral, creou e representou. A nosa biblioteca encheuse de historias vividas por un sinfín de monicreques... Que actividade tan bonita!

Grazas, Celia, pola maxia que lle pos a cada actividade que desenvolves.

IES OTERO PEDRAYO. ENSINO PÚBLICO. ENSINO DE CALIDADE.

"FAI CLICK AO TEU BOCATA"

Grazas á Consellaría do Mar e co obxectivo de transmitir a importancia dos produtos en conserva, do peixe e do marisco na dieta, en relación coas súas achegas nutritivas, o noso alumnado de 1º ESO puido gozar hoxe dunha charla ben entretida, que rematou cun súper bocata de sardiñas, queixo e ensalada! Boíiiiiiisimo!

Plan de Innovación educativa. Plan Proxecta.

ENSINO PUBLICO. ENSINO DE CALIDADE

DÍA INTERNACIONAL DAS PERSOAS DE IDADE

O irmanamento coa Cruz Vermella- Ourense está a derrubar calquera estereotipo negativo ou idea errónea asociada ás persoas maiores e ao envellecemento. Para mostra do potencial que teñen os nosos e as nosas maiores, o Tik Tok que lanzamos co gallo da celebración do seu Día Internacional.

Só agardamos que gocedes tanto véndoo como o fixeron gravándoo adolescentes e menos adolescentes. (ver vídeo)

Programa de éxito educativo INCLÚE.

IES OTERO PEDRAYO. ENSINO PÚBLICO. ENSINO DE CALIDADE

CLARA CAMPOAMOR E O VOTO FEMININO EN ESPAÑA

O 1 de outubro de 1931, produciuse nas Cortes Constituíntes o debate e a votación que levaron a incorporar o voto feminino á constitución que se estaba elaborando e que sería aprobada no mes de decembro.

A principal impulsora de que o sufraxio feminino fora unha realidade foi CLARA CAMPOAMOR. Desde a biblioteca do Otero Pedrayo recordámola e rendémoslle homenaxe a esta abogada, feminista, autodidacta e muller valente, tan esquecida durante anos.

IES OTERO PEDRAYO. ENSINO PÚBLICO. ENSINO DE CALIDADE

INCLÚE

Hoxe botou a andar no Otero Pedrayo unha actividade ben bonita, desas que teñen moito moito corazón: o irmanamento Cruz Vermella- Otero Pedrayo durante este curso 22- 23, que se enmarcará dentro do Contrato-programa de éxito educativo "Inclúe".

Serán moitas as actividades que a mocidade de máis de 65 anos e a mocidade de 15 leven adiante, entrefebrando xeracións, experiencias, valores, xeitos diferentes de ver a vida...; favorecendo a solidariedade, a cohesión social, o entendemento mútuo, a harmonía...; impulsando valores e actitudes humanistas.

Hoxe coñecémonos, visitaron o noso instituto, o noso museo pedagóxico, bailamos... Que experiencia tan enriquecedora!

IES OTERO PEDRAYO. ENSINO PÚBLICO. ENSINO DE CALIDADE.

26 DE SETEMBRO: DÍA EUROPEO DAS LINGUAS

O IES Otero Pedrayo, a través das actividades propostas desde Biblioteca, únese á conmemoración proposta polo Consello de Europa do Día europeo das linguas co obxectivo de pór en valor a diversidade lingüística. As linguas sempre suman. Sempre.

“Os 46 estados membros do Consello de Europa animan a máis de 700 millóns de europeos a aprender outras linguas. Convencidos de que a diversidade lingüística é unha ferramenta clave para lograr unha maior comprensión intercultural e un elemento clave na rica herdanza cultural do noso continente, o Consello de Europa promove o plurilingüismo.”

IES OTERO PEDRAYO. ENSINO PÚBLICO. ENSINO DE CALIDADE.

Este é o certame escolar que o director xeral de Comercio e Consumo, Manuel Heredia, e a directora xeral de Ordenación e Innovación Educativa, Judith Fernández Novoa, presentaron hoxe no IES Otero Pedrayo. O obxectivo principal do concurso é achegar aos máis novos ao comercio de proximidade e traballar unha idea pioneira e innovadora, que contribúa ao densenvolvemento da súa contorna, ao tempo que se respecta o medio ambiente.