Educación Física

Este trimestre, voleibol.

Fomentando hábitos saudables!

 

O pasado martes, o noso alumnado disfrutaba dunha xornada polideportiva en Castrelo de Miño. Remo, barco dragón, fútbol, baloncesto, padel... ocio saudable na natureza para disfrutar activamente do tempo de lecer, dirixido polo noso magnífico departamento de Educación Física. E de remate, un merecido chapuzón.

 

 

Un ano máis, La Región organizou a Gala + Deporte para premiar aos mellores deportistas deste 2023. Celebrouse onte á tardiña, no Auditorio, e o IES Otero Pedrayo estivo moi presente nela, xa que foi premiado coa distinción de "Mellor equipo absoluto" o CLUB DE VOLEIBOL, que adestra no noso pavillón e del forma parte moito do noso alumnado; o CLUB ATILA, "Mellor equipo promesa", que tamén adestra no Pompeo e a el pertence alumnado noso (podemos ver a Artai na foto); na gala tamén participou a alumna de 1º BAC Alba Miranda cunha exhibición de acrobacia e, por suposto, o "Mellor deportista base masculino" foi para o noso alumno de 1º BAC PEDRO CASTAÑO.

Parabéns para todos e todas! Orgullo de alumnado.

 

 

 

 

 

 

No magosto do Otero Pedrayo nos nos faltou de nada:

- Obradoiro de zonchos, organizado polo EDL e con moita, moita participación. Que guapos lucimos cos colares das castañas cocidas. E canto aprendemos!

- Concurso-degustación de sobremesas de outono: a tarefa do xurado foi complicada, porque escoller a mellor sobremesa entre tanta excelencia... Parabéns para Gabriela Fernández, de 1º BAC, por esa delicatessen de trufas!

- Xogos populares. Nun magosto non poden faltar os nosos xogos de sempre (brilé, tirasoga, pano, carreiras...) e non hai ninguén que os organice mellor ca o Departemento de Educación Física.

- E, como non, non faltaron as castañas. Ata o tempo nos deu unha tregua para comelas a gusto no patio exterior.

- E aínda nos deu para entregar os premios aos mellores relatos de medo do Samaín, concurso organizado tamén polo EDL.

Que marabilla de xornada! Que viva o magosto!