Educación Física

No DÍA DA EDUCACIÓN FÍSICA NA RÚA, o alumnado do IES OTERO PEDRAYO saíu ao Xardín do Posío para visibilizar e pór en valor a importancia do deporte nunha vida saudable.
Sumámonos á celebración con coreografias, voleibol, xogos populares, deportes alternativos..., acompañados dunha merenda sa a base de froita.
Grazas ao Departamento de Educación Física polo voso esforzo e a organización impecable da actividade.

IES OTERO PEDRAYO. ENSINO PÚBLICO. ENSINO DE CALIDADE

JAVIER GÓMEZ NOYA

Javier Gómez Noya, un dos mellores triatletas da historia, cinco veces campión do mundo, estivo hoxe coa rapazada do Otero Pedrayo! Hábitos saudables e deporte foron os temas principais arredor dos que xirou esta charla en liña na que o noso alumnado, xunto co doutros seis centros espallados pola península, tivo a oportunidade de preguntarlle todas aquelas curiosidades arredor da súa vida deportiva e os seus hábitos. A masterclass foi interesantísima e a participación dos rapaces e rapazas moi alta. Todo un luxo!

IES OTERO PEDRAYO. ENSINO PÚBLICO. ENSINO DE CALIDADE.

PROXECTO DEPORTIVO DE CENTRO

1 adxunto

BLOG DO DEPARTAMENTO DE EDUCACIÓN FÍSICA

https://iesoteropedrayoef.wordpress.com/

SAN MARTIÑO 2019

O xoves 28 de novembro, tivo lugar no salón de plenos do Concello de Ourense, a entrega de premios aos centros educativos con maior participación na pasada edición da Carreira do San Martiño.

Nesta entrega estivo presente o IES Otero Pedrayo, que recolleu o galardón por ser o sexto centro educativo en participación. Parabéns ao noso alumnado polo éxito acadado, esperamos que sexa un aliciente para incrementar a práctica deportiva saudable entre toda a comunidade educativa.