Filosofía

AGROECOLOXÍA LABREGA. UNHA ALTERNATIVA SUSTENTABLE AO PARADIGMA DE PROGRESO DO SISTEMA AGROALIMENTARIO INDUSTRIAL E GLOBAL.

O pasado xoves, Sergio Sánchez Taboada achegábase ao noso centro para falarlle ao alumnado de 1º BAC sobre a relación entre os modos de cultivo e produción alimentaria industrial capitalista e ecolóxico, ilustrando a relación entre eles e as súas consecuencias ecolóxicas (para a biosfera), económicas e de saúde (para o consumidor).

O doutor en Filosofía, Abraham Rubín, da UVigo, invitou ao noso alumnado de 1º BAC ao autocoñecemento. Pasada a fase de espello (Lacan), o inconsciente proxéctase sobre outras persoas á procura de modelos e, dese xeito, vaise construíndo a identidade persoal, deixando fóra aqueles caracteres desagradables que non recoñecemos como propios e detestamos nos demais (a sombra tal e como a definiría Jung). O ponente debuxou con claridade este proceso de autoidentificación, a súa relación co mundo virtual e a necesidade de asumir na consciencia a sombra para non caermos presos da impulsividade.

Todo un privilexio para o Otero Pedrayo poder contar contigo, Abraham. Grazas.

 

Tres alumnas de 1º BAC do IES Otero Pedrayo participaban o pasado venres, 20 de xaneiro, na última edición da Olimpíada filosófica, celebrada na facultade de Filosofía da Universidade de Santiago de Compostela. Un ano máis, foi un lugar de encontro para o alumnado que desexa facer do exercicio do pensamento libre non só unha obriga escolar, senón máis ben unha forma de vida.