Lingua Galega e Literatura

Velaquí as bases do 4° CERTAME DE RELATOS DO SAMAÍN do IES Otero Pedrayo.

Deixamos o enlace ao Dicionario dos seres míticos Galegos onde atoparedes seres, ritos e lugares do Alén e do Máis Alá.https://galiciaencantada.com/lenda.asp?cat=1&id=131

Esperamos os vosos relatos!!!

No mes das Letras Galegas, visitou o noso centro Paula Carballeira, gañadora do Premio Nacional de Literatura Dramática 2023; participamos na maior festa da lingua, o Correlingua, con música no Auditorio, camiñata pola zona histórica da cidade e concurso de pancartas e, como non, celebramos á autora homenaxeada co concurso que sobre Luisa Villalta nos organizou o noso EDL, coa exposición sobre a súa vida e obra e coa lectura dos seus poemas acompañados, como non podía ser doutra maneira, polo instrumento que ela tanto amou: o violín.

Seguiremos celebrando as nosas letras. Seguiremos celebrando a nosa lingua.

 

 

Grazas ás xestións do profe Henrique Sánchez, o alumnado do IES Otero Pedrayo tivo a honra de testar xa hai uns meses o "Ximnasio léxico", unha aplicación baseada no Diccionario da RAG coa que xogamos e aprendemos ao mesmo tempo.

Esta semana estreouse a aplicación, polo que vos animamos a que a descarguedes e... a xogar! (podes clicar na imaxe para probala).

Dentro da programación das nosas letras, o alumnado de 4º ESO e 1ª BAC realizou a semana pasada varias probas de orientación centradas en dúas das rutas literarias que nos ofrece a cidade de Ourense: a de Carlos Casares e a da Esmorga, de Blanco Amor.

Literatura e deporte xunguidas e cun resultado espectacular.