Skip to Content

XORNADA DE PORTAS ABERTAS

IES OTERO PEDRAYO. ENSINO PÚBLICO, ENSINO DE CALIDADE

FESTIVAL DE NADAL

No Otero, non pode rematar o primeiro trimestre sen un bo festival de Nadal. Así manda a tradición e así o fixemos. Actuacións de ballet, de violín, cancións en solitario, dúos, coreografías, panxoliñas... e ata a nosa súper produción: o musical Grease, compuxeron un festival cheo de talento e de maxia.
Con el, queremos desexarvos que pasedes un bo nadal e unhas moi felices festas.
 
IES OTERO PEDRAYO. ENSINO PÚBLICO. ENSINO DE CALIDADE.

"ESTES ROMANOS ESTÁN TOLOS"

 

Este foi o título da charla que Ana Suárez Piñeiro, profesora de Historia Antiga da Universidade de Santiago de Compostela, impartiu para o alumnado de 4º ESO e 1º BAC de Cultura Clásica, Latín e Grego.
A profesora falou dos logros dos romanos na arquitectura, enxeñaría e urbanismo. Puxo moita énfase en como moitas destas construcións seguen hoxe en uso, e como algunhas das súas ideas non se volveron levar á práctica (como un trazado de estradas en Hispania descentralizado, ou un plan de estradas para a Europa que formaba parte do imperio). Por último, animou o alumnado a poñer empeño nos seus proxectos, como fixeron os romanos, non desistir e aprender dos erros sen caer no desánimo. Oxalá así o fagan, eles e todos e todas nós!
 
IES OTERO PEDRAYO. ENSINO PÚBLICO. ENSINO DE CALIDADE.

 

ENGÁNCHATE AO VOLUNTARIADO!

A través de APES (Asociación para a prevención e educación social) o alumnado de 1º ESO puido asistir esta semana a unha charla impartida por catro persoas reclusas do cárcere de Pereiro na que se falou sobre a importancia do voluntariado como alternativa para favorecer o desenvolvemento e as relacións sociais, desde unha visión positiva e comprometida coa comunidade. Ademais, tamén se insistiu en como o voluntariado é unha ferrramenta eficaz para previr a aparición de condutas de risco, ao mesmo tempo que fomenta hábitos positivos nas persoas. Charla impactante e moi, moi necesaria.

 

IES OTERO PEDRAYO. ENSINO PÚBLICO. ENSINO DE CALIDADE

XACOBEO PEREGRINAS

Onte, 15 de Decembro, arrancaba no Paraninfo do IES Otero Pedrayo a segunda edición do Xacobeo Peregrinas.

A directora de Turismo, Nava Castro, e o delegado da Xunta en Ourense, Gabriel Alén, participaron neste primeiro encontro , unha conversa presentada por Marta Gómez e portagonizada por dúas mulleres referentes na súa traxectoria profesional: LYDIA DEL OLMO, Estrella Michelín, copropietaria do restarurante "Ceibe" de Ourense, e CRISTINA PATO, gaiteira, compositora e pianista galega residente en New York.
 
Toda unha honra para o Otero Pedrayo albergar este tipo de actos
 
IES OTERO PEDRAYO. ENSINO PÚBLICO ENSINO DE CALIDADE

CLUB DE LECTURA "ALEITANDO". BIBLIOTECA DO IES OTERO PEDRAYO.

Se o club de lectura de adultos foi un éxito, o dos máis pequerrechos aínda o superou! O alumnado de 1º ESO escolleu a Harry Potter para este primeiro trimestre e supuxo que todos e todas nos trasladaramos a Hogwarts. Non faltou o director do centro, nin profes, nin experimentos de maxia, nin corvos nin bruxas...
Foi unha experiencia ben chula que se completará a vindeira semana co visionado do filme.

 

IES OTERO PEDRAYO. ENSINO PÚBLICO. ENSINO DE CALIDADE.

VISITA Á CATEDRAL DE OURENSE. DEPARTAMENTO DE XEOGRAFÍA E HISTORIA

O alumnado de Historia da Arte de 2º BAC do Otero Pedrayo realizaba unha completa visita á un dos grandes templos románicos de España: a catedral de Ourense. Que importante é coñecer e pór en valor o noso!

 

IES OTERO PEDRAYO. ENSINO PÚBLICO. ENSINO DE CALIDADE.

TERTULIA LITERARIA DE ADULTOS DO OTERO PEDRAYO

Onte á tardiña, xuntabámonos na biblioteca do Otero Pedrayo nais, pais, profes e as nosas amigas-convidadas da Cruz Vermella de Ourense, co escritor JUAN TALLÓN. Pasamos un anaco ben agradable conversando sobre a súa novela REWIND, tan magnífica como sobrecolledora.
A experiencia non puido ser máis positiva e Tallón non puido ser máis próximo, encantador e humilde. Que gusto contar na nosa cidade con escritores da talla literaria e humana de Juan Tallón! Mil grazas por acompañarnos. Todo un luxo para o Otero Pedrayo.
 
IES OTERO PEDRAYO. ENSINO PÚBLICO, ENSINO DE CALIDADE

25N. A VIOLENCIA NO NOVO CONTEXTO DIXITAL

 

Con este obradoiro dirixido ao alumnado de 1º ESO, pechabamos hoxe no IES Otero Pedrayo as V Xornadas contra a violencia.
Grazas ao Plan Proxecta "Por 365 días de respecto e igualdade" por concedérnolo; grazas a Pantallas Amigas por ofrecernos unha formación tan interesante e necesaria relacionada coa violencia e o mundo dixital.
 
IES OTERO PEDRAYO. ENSINO PÚBLICO. ENSINO DE CALIDADE

ENCONTRO INTERCENTROS DE ATLETISMO

 

Gran campionato do noso alumnado no Encontro Intercentros de Atletismo, celebrado o pasado venres en Expourense.
Non acadamos a victoria na clasificacación xeral, pero competimos moi ben, destacando no relevo mixto onde, empezando de últimos, fomos remontando ata acadar a victoria final nunha emocionantísima carreira.
Que gran experiencia de convivencia deportiva para o noso alumnado!
 
IES OTERO PEDRAYO. ENSINO PÚBLICO. ENSINO DE CALIDADE
Distribuir contido


by Dr. Radut