Skip to Content

Exames materias pendentes 2024-25

As datas dos exames de materias pendentes do presente curso poden consultarse a continuación:

1º exame materias pendentes

Exames finais materias pendentes - ESO

Exames materias pendentes - convocatoria ordinaria Bacharelato

Entrega de notas da 1ª Avaliación 2024-25

ESO: VENRES, 20 DECEMBRO

1º BACHARELATO: XOVES, 5 DECEMBRO

2º BACHARELATO: VENRES, 22 NOVEMBRO

Os boletíns de notas entregaranse ao longo da mañá e tamén se enviarán por ABALAR nas mesmas datas.

MAGOSTO INTERXENERACIONAL 2024

Se un magosto xa é todo unha festa, tendo de convidados aos nosos amigos e amigas do Centro Interxeracional da Farixa, aínda o é máis!
O pasado venres, compartimos xogos populares, escoitamos música tradicional, regueifas, refráns relacionados co magosto, tomamos os estupendos doces elaborados polo noso alumnado e, como non, moitas, moitas castañas...
 
 
IES OTERO PEDRAYO. ENSINO PÚBLICO. ENSINO DE CALIDADE
 
 
Álbum: CURSO 24-25 -> MAGOSTO INTERXENERACIONAL 24-25

CONCURSO DE SOBREMESAS DE OUTONO. MAGOSTO 2024

Un ano máis, o noso concurso de sobremesas foi todo un éxito! Bicas, biscoitos, galletas, filloas, tortas, magdalenas, arroz con leite... endozaron o noso magosto. Pedazo chefs reposteiros temos entre o noso alumnado! E que labor tan complicada a do noso xurado escoller a sobremesa gañadora...
Parabéns a Zoe Gómez Vidal, de 4º ESO, por ese primeiro premio e, o máis importante, grazas a todos e a todas pola vosa participación!
 
 
IES OTERO PEDRAYO. ENSINO PÚBLICO. ENSINO DE CALIDADE
 
 
Álbum: CURSO 24-25 -> MAGOSTO 24-25 CONCURSO SOBREMESAS

PRIMEIROS AUXILIOS

A pasada semana, o Departamento de Educación Física do Otero Pedrayo, dentro do programa de innovación educativa de fomento da vida activa e saudable, impartiu un obradoiro de primeiros auxilios para o profesorado, no que se practicaron as técnicas básicas de actuación ante atragoamentos, desmaios, reanimación cardiopulmonar e uso do desfibrilador.
Posteriormente, como cada curso, será impartido tamén a todo o alumnado.
 
 

 

IES OTERO PEDRAYO. ENSINO PÚBLICO. ENSINO DE CALIDADE.

VISITA AO ARQUIVO HISTÓRICO

 

O alumnado de Oratoria e Cultura Clásica visitou o Arquivo Histórico, espazo marabilloso que garda documentación de Ourense. Coñeceron, tocaron e experimentaron os materiais e o xeito de escribir, desde as primeiras civilizacións ata os nosos días. Ata elaboraron a súa carta de fidalguía! Outro día completaremos a visita! Tesouros que cómpre coñecer e apreciar!
 
IES OTERO PEDRAYO. ENSINO PÚBLICO. ENSINO DE CALIDADE.

 

EDUCACIÓN CÍVICO- TRIBUTARIA

 

Co obxectivo de transmitir á cidadanía máis nova valores e actitudes favorables á responsabilidade fiscal e contrarios ás condutas defraudadoras, a pasada semana, a Axencia Tributaria visitou o noso centro para impartirlle ao noso alumnado de BAC unha interesante charla en educación cívico-tributaria.

Actividade proposta e organizada polo Departamento de Economía.

 
IES OTERO PEDRAYO. ENSINO PÚBLICO. ENSINO DE CALIDADE.

 

SAMAIN NO OTERO PEDRAYO

Chega o SAMAÍN!
Cabazas, pantasmas, seres e historias do Alén déixanse ver e oír polos corredores do noso instituto.
Na mesa da entrada podedes disfrutar das historias de medo en tres palabras do alumnado de 2 ESO, dunha enmeigada cabaza de terras luguesas e inda podedes participar no concurso de relatos "O río levaba uns ollos". ( Hai uns premios castañudos!)
Nos corredores diante da Biblioteca non podedes deixar de ver a exposición de libros clásicos e modernos de Medo e Terror, así como dos relatos ilustrados de profes e alumnado preparados polo seu Equipo.
Arrimádevos á mesa,
pasade pola Biblioteca,
e disfrutadeda festa!
 
 
IES OTERO PEDRAYO. ENSINO PÚBLICO. ENSINO DE CALIDADE

 

"OUTROS MUNDOS"

O alumnado de 3º ESO de Cultura Clásica visitaba onte a exposición "Outros mundos: Viaxe polo sistema solar da man de Michael Benson" (Caixaforum), na que puido observar corenta impactantes imaxes dos planetas do noso sistema solar, captadas polas sondas da NASA e a ESA e seleccionadas e tratadas polo fotógrafo Michael Benson.
 
 
IES OTERO PEDRAYO. ENSINO PÚBLICO. ENSINO DE CALIDADE.

 

14 de outubro: DÍA DAS ESCRITORAS

O IES Otero Pedrayo, sempre coa lectura.
O IES Otero Pedrayo, sempre coas nosas escritoras.
Grazas, equipo de Biblioteca, pola organización da actividade.
 
IES OTERO PEDRAYO. ENSINO PÚBLICO. ENSINO DE CALIDADE.
Distribuir contido


by Dr. Radut