94,8% DE APROBADOS NAS ABAU 2024 e 10 DOS NOSOS ALUMNOS/AS ENTRE OS MELLORES EXPEDIENTES de GALICIA
Parabéns ao noso alumnado de 2º BAC polos magníficos resultados acadados nas probas ABAU 2024. Sodes excelentes!
Máis parabéns, aínda, para os 10 alumnos e alumnas do Otero Pedrayo recoñecidos/as polas 3 universidades galegas por estar entre os MELLORES EXPEDIENTES DE GALICIA. O vindeiro venres, 21 de xuño, asistirán ao acto de recoñecemento MEGABAU 2024, no Coliseum da cidade da Coruña. Todo un orgullo!
PAULA ANDRÉS DIÉGUEZ
TANIA BARREDA CID
SARA CALVO FERNÁNDEZ
XOEL CID MOJÓN
PABLO DOMÍNGUEZ ESTÉVEZ
SARA FERNÁNDEZ RODRÍGUEZ
LUCÍA GONZÁLEZ VÁZQUEZ
CARMEN LUCÍA SEOANE
CELIA RODRÍGUEZ FERNÁNDEZ
JIMENA SOTO FERNÁNDEZ
Hoxe repetimos ben alto:
IES OTERO PEDRAYO. ENSINO PÚBLICO. ENSINO DE CALIDADE.
Que velada tan bonita a que vivimos onte! O noso alumnado de 2º BAC vestiu de gala para despedir como se merece a súa etapa de secundaria: con música, con palabras desde o corazón, recordando todo o vivido e recollendo a banda e o seu título tan merecido. Que orgullo para o Otero Pedrayo ter contado cunha xeración coma a vosa! Continuade así, coas mesmas ganas, coa mesma ilusión, e o éxito terédelo asegurado.
IES OTERO PEDRAYO. ENSINO PÚBLICO. ENSINO DE CALIDADE.
Que mellor maneira de celebrar o Día da arte que cunha exposición dos nosos artistas! O alumnado de 1º BAC de Debuxo artístico, co seu profe Manuel Sánchez á fronte, deixounos abraiadxs coa marabilla de debuxos que nos presentaron. A inauguración da mostra foi esta semana e poderémola disfrutar no centro ata o mes de maio. Bravo. Parabéns á nosa rapazada!
IES OTERO PEDRAYO. ENSINO PÚBLICO. ENSINO DE CALIDADE.
O peche dunha etapa sempre é motivo de celebración, máis cando esa etapa é a secundaria obrigatoria. O venres pasado, polo tanto, tocou festexar a despedida da nosa rapazada de 4º ESO. Fixémolo nun acto de graduación repleto de emotividade, lembranzas e moita, moita alegría. Ademais de elegancia, claro está!
Agora toca descansar para comezar en setembro a postobrigatoria con todas as ganas do mundo. Parabéns, nosos nenos e nenas!
IES OTERO PEDRAYO. ENSINO PÚBLICO. ENSINO DE CALIDADE.
Na súa viaxe de fin de curso, o alumnado de 4º ESO disfruta estes días da capital británica: Londres.
St Paul´s Cathedral, City, Tower of London, London Bridge, Tate Modern, National Gallery, Trafalgar Square, Buckingham Palace, Big Ben, Wetminster Abbey, Picadilly Circus... son algúns dos lugares xa visitados... e aínda quedan dous días! Aínda queda moito por ver! Que importantes e didácticos son este tipo de viaxes. E que felices están os nosos rapaces e rapazas!
IES OTERO PEDRAYO. ENSINO PÚBLICO. ENSINO DE CALIDADE.