IES Ramón Otero Pedrayo

Onte recibiamos no noso centro a 90 alumnos/as e 5 profes do instituto ferrolán para presentarnos o libro "Otero Pedrayo no IES Concepción Arenal", creado a partir dun manuscrito inédito de don Ramón atopado pola bibliotecaria Isabel Yáñez

O breve texto, de puño e letra do patriarca das nosas letras, acabou convertido, grazas a Elvira Roiz, xefa de departamento de Galego, e a implicación doutros colaboradores, nunha publicación de 54 páxinas que non só rende tributo á figura do autor, senón que recolle tamén parte da historia do emblemático centro ferrolán, como ben nos contaba onte Manuel Rei, director do IES.

Foi toda unha honra a presentación desta obra no noso centro; o centro de don Ramón alumno, o centro de don Ramón profesor.

 

Grazas ao programa Prensa-Escuela de La Voz de Galicia, onte pechamos a programación do 8M, Día da Muller, coa visita ao noso centro da científica Zulema Varela Río, investigadora con bolsa postdoctoral no departamento de Bioloxía funcional e do grupo ECOTOX. Falounos desde a súa perspectiva como muller e bióloga, aportando interesantes datos sobre o seu traballo e sobre as desigualdades que, pese a todos os esforzos, continúan presentes no mundo científico: o ser muller segue a ser un hándicap. Charla amena, pero con moito contido. Charla das que fai reflexionar. Charla moi necesaria.