Secretaría

Os interesados en validar algún módulo dos ciclos formativos impartidos no centro, deberán presentar o seguinte impreso na secretaría do centro, xunto coa certificado de notas dos módulos que desexa validar.

 Documentación a presentar para a matrícula nun Ciclo Formativo:

q  Fotocopia do DNI do alumno

q  Fotocopia da tarxeta sanitaria

q  2 fotos tamaño carné

q  Certificación académica de acceso ó ciclo

q  Se é menor de 28 anos, xustificante de pago do seguro escolar a nome do alumno (1,12 euros) na conta de A Banca: ES08-2080-0183-26-3040001028

q  Autorización de imaxe (todos os alumnos): Pichar aquí

q Autorización saídas (só alumnado menor de idade): Pincha aquí

- Impreso matrícula ciclo medio Coidados Auxiliares de Enfermería (Réxime Ordinario)

- Impreso matrícula ciclo medio Coidados Auxiliares de Enfermería (Réxime Adultos)

- Impreso matrícula ciclo medio Coidados Auxiliares de Enfermería Dual

- Impreso matrícula ciclo superior Ensinanza e Animación Sociodeportiva

- Impreso matrícula ciclo superior Química e Saúde Ambiental (Réxime Ordinario)

- Impreso matrícula ciclo superior Química e Saúde Ambiental Dual

- Impreso matrícula ciclo superior Prevención de Riscos Profesionais (Modular distancia)

CALENDARIO MATRÍCULA CURSO 2024-2025.

Datas matrícula e documentación:

Impreso 1º Bacharelato

Autorización saídas

Autorización imaxe

Prazo de solicitude: do 24 de xuño de 4 de xullo (ás 13:00)

Para cubrir a solicitude e toda a información na páxina web: www.edu.xunta.ga./fp

Información FP dual: Admisión a FP dual | Xunta de Galicia

O Currículo co formato Europass, que se poderá elaborar no enderezo:  https://europass.cedefop.europa.eu/es/documents/curriculum-vitae

AVISO:

A partir do martes 16 de xullo de 2024 están dispoñibles os vales de material para a súa recollida no centro.

Horario: 9:30 a 13:30 (xullo)

Solicitude axudas material escolar. 2024/25

(Orde do 7 de maio de 2024).  DOG do 20/05/2024.

Destinatarios:

Axudas para a adquisición de material escolar: alumnado que se matricule en calquera curso de ESO con renda per cápita no ano 2022 igual ou inferior a 10000 €

Fondo solidario de libros de texto: Non hai fondo solidario  porque o centro está no proxecto E-dixgal (Libro electrónico) en toda a ESO

 A renda per cápita calcúlase sumando os recadros 435   e  460   da declaración da renda do ano 2022 e o resultado dividilo entre o número de membros da unidade familia (computarán por 2 os membros que acrediten unha minusvalía igual ou superior ó 33% ou percepción dunha pensión da S.Social por incapacidade permanente nos graos de total, absoluta ou grande invalidez, ou a equivalente de clases pasivas)

Lugar e prazo de presentación da solicitude:

A través da sede electrónica da Xunta de Galicia ou na secretaría do centro ata o 21 de xuño de 2024, en horario de mañá de 9:30 a 13:30 horas e luns tarde de 16:15 a 18:00 horas.

A solicitude será única para todos os fillos que estean matriculados na ESO no noso centro para o curso 2024/25. Poderá presentarse por dúas vías:

-          Por vía electrónica, a través da sede electrónica: Procedemento  ED330B  (premer aquí)

-          Presencialmente no centro: Para descargar o impreso (Anexos I e II) premer no seguinte enlace da aplicación Fondolibros https://www.edu.xunta.es/fondolibros  (premer aquí) .

 Tamén se poden  recoller os impresos na Conserxería do centro.

Documentos que  deben acompañar coa  solicitude:

CANDO AUTORICE TODAS AS CONSULTAS TELEMÁTICAS:

•   Fotocopia do libro de familia onde figuren todos os membros computables a data 31/12/2022. Si non coincidira deberán presentar:

                   - Sentenza xudicial de separación/divorcio ou convenio regulador.
                   - Certificado de convivencia (na que consten todos os membros da unidade familiar a 31-12-2022)
                   - Informe dos servizos sociais
                  - Certificado de falecemento

CANDO NON AUTORICE NINGUNHA CONSULTA TELEMÁTICA:

•     Identidade: copia do DNI ou NIE de todos os membros computables da unidade familiar
•     Grao de discapacidade emitido polo órgano competente da condición de perceptor de pensión da Seguridade Social
•     Renda Familiar: copia da declaración ou certificado tributario  do ano 2022
•     Violencia de Xénero: Calquera das formas prevista no artigo 5 da lei 11/2007 de 27 de xullo
•     Incapacidade Xudicial (A correspondente resolución)
•     Tutela outorgada da Xunta de Galicia (Resolución xustificativa ou carta do centro de menores).

CURSO 2023/24

 Alumnos bacharelato

 Os alumnos de 2º de bacharelato que aproben todas as materias en XUÑO  de 2024, antes de matricularse para a ABAU teñen que facer o depósito para o TÍTULO DE BACHARELATO.

 Importante: O pago do título ten que facerse a partir da data de avaliación (15 de maio de 2024)

             Documentación necesaria:

·    Fotocopia DNI

·    Recoller na secretaría do centro un impreso para pagar nunha entidade bancaria a seguinte cantidade:

Ordinaria:  54 €

Familia Numerosa: Categoría xeral:  27,03 €  -  Categoría especial: 0 € (TRAER FOTOCOPIA CARTILLA Fª Nª. actualizada).

Tamén se pode realizar o pago telemático dende a web de  Axencia Tributaria de Galicia (ATRIGA):

https://ovt.atriga.gal/#!/detalle_servizo/?Pago+de+taxas+e+prezos/11609748/4126995/11610401/2.1/item-pink

Os códigos para cumplimentar o impreso son os seguintes:
Consellería de Educación, Universidade e Formación Profesional ...................................... Código: 07
Delegación de Servizos Centrais .................................................................................. Código: 13
Servizo de Ensino Medio ............................................................................................. Código: 03
Taxa: denominación: Expedición de Títulos Académicos e Profesionais correspondentes as
ensinanzas establecidas pola LOE ................................................................................. Código: 302003

 Obxecto da taxa: Título de Bacharelato

--------------------------------------------------------------------------------------------------------

Para matricularse na ABAU os aprobados en MAIO 2023  (Avaliación de Bacharelato para o Acceso a Universidade):

Matrícula:  17  de  XUÑO  de 2024  (horario 9:15 a 13:45)

Lugar: Secretaría do centro.

Documentación necesaria:

·    Resgardo acreditativo de ter efectuado o depósito do título de bacharelato.

·    Cubrir impreso de matrícula da ABAU, que facilita o centro ou que se atopa  nun arquivo adxunto.

·       Impreso de prematrícula que lle será entregado por parte de secretaría para que o alumnado comprobe os seus datos persoais e académicos. Logo da súa comprobación, o alumno/a debe entregalo asinado xunto co resto da documentación no momento de matrícula na ABAU (comprobar tlfno. móbil e e-mail e comunicar os erros en secretaria)

·      Recoller na secretaría do centro ou descargar e cubrir  o impreso de  taxas da ABAU  para pagar na entidade bancaria elexida a seguinte cantidade: 

-       Matrícula ordinaria:   63,67 €

-       Familia Numerosa 1ª - 2ª Categoría Xeral:  31,84 €  (Traer fotocopia da cartilla de  Fª Nª. actualizada)

-       Familia Numerosa Honra-Especial: GRATUITA (Traer fotocopia da cartilla de Fª Nª actualizada)

-   Persoal das Universidades do SUG (*): GRATUITA

            (*) Serán beneficiarios de matrícula gratuíta o persoal docente e de administración e servicios, así como o seu cónxuxe e fillos, das Universidades do SUG . A gratuidade deberá acreditarse mediante certificación dos respectivos servicios de persoal  e por medio da Fotocopia do libro de familia.

- Persoas con discapacidade ≥ 33%, victimas actos terroristas ou victimas de violencia de xénero: GRATUITA.    Acreditarase mediante resolución administrativa.

Información sobre a ABAU e acceso a universidade: http://ciug.cesga.es

As probas libres teñen por finalidade permitir ás persoas participantes obteren directamente algún dos títulos de técnico ou de técnico superior de formación profesional, sempre que demostren ter alcanzados os obxectivos establecidos na Lei orgánica 2/2006, do 3 de maio, para a formación profesional, así como os fixados no currículo respectivo.

Como novidade, nesta convocatoria de probas libres ofértanse por primeira vez os títulos LOXSE. Polo tanto nesta convocatoria amplíase a oferta coas tres titulacións derivadas da LOXSE que non foron transformadas en títulos LOE:

• Ciclo medio de Coidados auxiliares de enfermaría.
• Ciclo superior de Dietética.
• Ciclo superior de Prevención de Riscos profesionais.

 Prazo de solicitudes de admisión

Unicamente poderá presentar a solicitude de admisión quen cumpra os requisitos de acceso no período da inscrición.

O prazo de presentación de solicitudes de admisión é o seguinte (período ordinario): do 17 de abril ás 9:00h ata 30 de abril de 2024  as 13:00 h.

• Calendario de admisión

Publicado o calendario, a oferta clasificada por provincia e concello, e a actualización da información das Probas libres para a obtención de títulos FP (LOE e LOXSE). Curso 2023-2024.

Máis información

O prazo de presentación de solicitudes de beca,  é do 19 de marzo ao 10 de maio de 2024, inclusive.

A presentación realízase a través da sede electrónica do Ministerio de Educación: https://sede.educacion.gob.es  ou  www.educaciónyfp.gob.es

 Poñer atención en finalizar envío ata obter resgardo de presentación.

Procedemento:

Primeiro hai que rexistrarte na Sede electónica do Ministerio de Educación:

- Si xa se está rexistrado previamente para calquera outro trámite, a conta segue sendo válida e non fai falta que rexistrarse de novo.

- Si nunca se rexistrou, hai que acceder en "Regístrese" e seguir os pasos para crear unha conta.

Para acceder á solicitude de beca, pódese facer de duas formas:

- Con Cl@ve (claves electrónicas das administracións públicas) ou certificado electrónico

- Mediante o mesmo usuario e contrasinal cos que te rexistrache na sede electrónica

Nunha 1ª Fase preténdese realizar as comprobacións económicas.
As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.

Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede.
Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.

Máis información na seguinte ligazón:
https://www.becaseducacion.gob.es/portada.html

A convocatoria de axudas para alumnos con necesidades específicas de apoio educativo publicarase despois da convocatoria xeral

Documento informativo becas 24-25: pinchar aquí

RESERVA:

AVISO: Todo o alumnado de 6º de Educación Primaria do CEIP Plurilíngüe Vista Alegre que presentou solicitude  de reserva de praza para 1º de ESO no IES Monte Castelo, teñen adxudicada praza.

Poden ver as listaxes no tablón de anuncios deste centro  do CEIP Plurilíngüe Vista Alegre e tamén na aplicación www.edu.xunta.es/admisionalumnado.

O prazo de matrícula  será no mes de xuño.

Está aberto o prazo de RESERVA DE PRAZA para o alumnado de 6º de Primaria do CEIP Plurilíngüe Vista Alegre de Burela que queira continuar os seus estudos de 1º de ESO no IES Monte Castelo.

A solicitude de reserva presentarase no CEIP Plurilíngüe Vista Alegre do 15 de xaneiro ó 5 de febreiro.

Tamén se pode presentar pola sede electrónica da Xunta ou a través da aplicación "admisionalumnado"  

ADMISIÓN

AVISO: Todo o alumnado que presentou solicitude  de praza para 1º de Bacharelato e ESO no IES Monte Castelo, teñen adxudicada praza.

Poden ver as listaxes no tablón de anuncios deste centro e tamén na aplicación www.edu.xunta.es/admisionalumnado.

Resto de alumnado que queira realizar os seus estudos de ESO ou Bacharelato neste centro.

O prazo de presentación da solicitude será do 1 ó 20 de marzo do 2024.

Procedemento:

• O alumnado que solicite praza no IES Monte Castelo para cursar ESO ou Bacharelato presentará o impreso de admisión a través da aplicación “admisionalumnado” (https://www.edu.xunta.es/admisionalumnado) ou de forma presencial na Secretaría do centro  utilizando o formulario normalizado de solicitude (Formulario ED550B), que se publica como anexo II da presente Orde do 21 de outubro de 2022.
  

• Tamén se poderá presentar a solicitude a través da Sede electrónica Procedemento ED550B

• Os formularios serán facilitados gratuitamente nos centros e tamén estarán dispoñibles na páxina web da consellería:   https://www.edu.xunta.es/admisionalumnado

Mais información na páxina web da Consellería de Cultura, Educación e Universidade

Documentación a presentar xunto coa solicitude:

• Copia DNI do alumno para o que se solicita praza.

• Copia do libro de familia ou documento equivalente donde figure o/a alumno/a e os demáis membros computables da unidade familiar

• Certificado de matrícula do curso actual (2023-2024). Para 1º Bacharelato certificado de notas de 3º ESO.
  

• En caso de separación dos pais deben  acompañar copia da sentenza de separación ou convenio regulador onde conste a custodia do/a menor.

Todos os datos persoais da solicitude deben coincidir exactamente cos que aparecen nos documentos de identificación (DNI, NIE, Pasaporte)

No anexo II bis debe reflexarse e asinar todos os membros da unidade familiar (no caso dos menores de idade asinaran o pai, nai ou titor/a). E  o proxenitor non solicitante SEMPRE debe asinar o anexo II bis (continuación).

IMPORTANTE: A solicitude de reserva ou admisión é única e ten carácter vinculante. Poderá anularse unha solicitude de admisión presentada nun centro mediante a presentación dunha nova solicitude noutro centro, indicando expresamente por escrito que queda sen efecto a presentada con anteiroridade.

Deben marcarse, no momento de presentación da solicitude de admisión, todos os criterios que se pensan alegar para a baremación. Artigo 13 da Orde do 21 de outubro de 2022 (DOG 8 de novembro de 2022)

Si existisen mais solicitudes que prazas ofertadas, solicitaríase con posterioridade a documentación acreditativa para a baremación, pero os criterios alegados xa non se poderían modificar. O prazo para presentar no centro a documentación acreditativa,  será de 10 días hábiles dende o 21 de marzo.

O número para resolver o empate na puntuación final é 0,70. Resolución 27 de febreiro de 2024

MANUAL PARA AS FAMILIAS

POSTOS VACANTES QUE SE OFERTAN PARA O CURSO 2024-2025: pinchar aquí

CRITERIOS BAREMACIÓN: pinchar aquí

Calendario do proceso de admisión:

Probas libres para a obtención do Título de Bacharel  para maiores de 20 anos. 2024

Convocadas as probas libres para a obtención do Título de Bacharel para maiores de vinte anos no ano 2024. DOG nº 16 do 23 de xaneiro de 2024.

Toda a información na sede electrónica da Xunta: https://sede.xunta.gal

   e na páxina web da Consellería de Educación: www.edu.xunta.gal

- O prazo de presentación de solicitudes para realizar estas probas será do  15 ó 28 de febreiro de 2024.

 Lugar para realizar a inscrición, na provincia de Lugo:

Centro EPAPU Albeiros, parque da Milagrosa, s/n, 27003, Lugo. Tfno: 982 828106

- As probas terán lugar o día  26 de abril de 2024 para o alumnado de toda Galicia no IES San Clemente de Santiago de Compostela en sesións de mañá e tarde.

A proba constará de dous exercicios:

 -Primeiro exercicio, de materias comúns

               Lingua galega e literatura/ Lingua castelá e literatura/ Lingua estranxeira/ Historia de España/ Filosofía.

-O segundo exercicio diferente para cada modalidade, versará sobre as materias de modalidade

• Materia troncal xeral propia da modalidade elexida:

           - Matemáticas I e II na modalidade de Ciencias

           - Latín I e II na modalidade de Humanidades

           - Matemáticas aplicadas as Ciencias Sociais I e II na modalidade de Ciencias Sociais

•   Duas materias  das troncais de opción da modalidade elixida.