O pasado xoves 8 de novembro, os alumnos de latín de 2BAC do MGB estiveron visitando as dependencias da Biblioteca América da USC no Pazo de Fonseca, onde puideron admirar a edición facsímil do Libro de Horas de Fernando I de León, un códice de 1055, anterior ao códice Calixtino.

O día 6 de novembro os alumnos de 1º Bacharelato da materia de Economía acudiron ao Parlamento de Galicia. A visita iniciouse cunha explicación dos órganos, funcións e composición do Parlamento, a continuación detivémonos no Salón dos Reis, as bibliotecas, as dependencias dos grupos parlamentarios, patios interiores e o Hemiciclo, onde os alumnos puideron presenciar unha sesión plenaria.

A actividade foi organizada polo Dpto. de Economía e acompañaron aos alumnos as profesoras Raquel Carballo e Sonia Iglesias.

Os días 25 e 26 de outubro o noso alumnado de 1º ESO viaxou ás Fragas do Eume onde realizaron numerosas actividades físicas en contacto coa natureza. Estiveron acompañad@s polas profesoras Loly Castro e Norma Pillado.

Podedes ver tódalas fotos nesta ligazón.

Lembrade que o día 2 de novembro non haberá clases no noso instituto ao ser autorizado como non lectivo polas autoridades educativas.

O noso alumno de 3º PMAR Mehdi El Nabaoui vén de gañar por terceiro ano consecutivo a Carreira Pedestre de Santiago na categoría sub 18.

Parabéns!

Máis información nesta ligazón.

Hoxe mércores 24 de outubro, tivo lugar na MeGaBiblioteca a entrega de diplomas aos axudantes de cursos anteriores e do curso actual. A entrega foi realizada por Pilar Sampedro.

Este mércores, 24 de outubro, é o Día da Biblioteca Escolar. Haberá 2 eventos nos recreos: no primeiro recreo, a entrega de diplomas (a cargo de Pilar Sampedro) aos ex axudantes da biblioteca, e a entrega das identificacións, horario e libreta, para os novos.

No 2º recreo, coa axuda de Pepe, intentaremos cumprir ao pé da letra o lema "Enróscate na lectura". Estades todos invitados!

Do 8 ao 19 de outubro teremos no noso centro a exposición "UNHA INVASIÓN SILENCIOSA. A BIODIVERSIDADE BAIXO AMEAZA". Trátase dunha iniciativa da asociación ecoloxista ADEGA que nos presenta a realidade das especies invasoras de flora e fauna que existen en Galicia e a problemática asociada ás mesmas.

Máis información nesta ligazón.

A ANPA do centro celebrará unha asemblea xeral ordinaria o vindeiro 16 de outubro. 

Convocatoria.

Este luns 8 de outubro ás 8:45 h., comeza Hora de Ler. Nas aulas da ESO, alumnos e profesores disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.

Recorda que a próxima semana terás outros 20 minutos. Consulta o calendario, porque sempre cambia.

O vindeiro martes 9 de outubro no 2º recreo terá lugar na sala de Usos Múltiples do centro unha reunión para o alumnado de Bacharelato interesado en participar na actividade de esquí en Andorra. Podes consultar dende esta páxina toda a información sobre a mesma.

O vindeiro venres 5 de outubro a MeGaBiblioteca abrirá o seu servizo de préstamo para o curso 2018/19.

En breve informaremos das novidades editorias e outras de interese para este novo curso.

O vindeiro martes 2 de outubro titores e equipo directivo reunirémonos coas familias do noso alumnado a partir das 18:15. Podedes consultar o horario na Circular Nº 2 xa enviada.

Circular.

O venres 14, ás 10, faremos públicas no Centro as listas provisionais de grupos e materias. Atenderemos calquera erro ou omisión ata as 11:30.

O luns 17 arranca o curso 2018-2019. O alumnado deberá presentarse no Centro no seguinte horario:

• 9:30, 2º de Bacharelato (recepción polos titores)
• 10:00, 1º de Bacharelato (reunión en Usos Múltiples con Dirección e titores)
• 11:00, 4º da ESO (recepción polos titores)
• 11:30, 3º da ESO (recepción polos titores)
• 12:00, 2º da ESO (recepción polos titores)
• 12:30, 1º da ESO  (reunión en Usos Múltiples con Dirección e titores)

A prensa de hoxe recolle os excelentes resultados do alumnado do García Barros nas probas ABAU, e mesmo detaca a singularidade do noso Centro, o terceiro de Galicia entre os que presentan entre 50 e 99 alumnos.

Noticia completa.