Eventos
O alumnado de E1 puido gozar da visita da escritoria Andrea Maceiras.
Alumnado de B1 de Xeografía e Historia visitan o Pazo de Meirás, onde aprenden sobre a súa orixe e o seu rol na historia de España e de Galicia.
O pasado martes 28 de maio o alumnado de bioloxía e xeoloxía de 4º de Eso realizou unha ruta dende o centro escolar ata a praia de Ponte po Porco co galo de facer unha avaliación da paisaxe da zona. Para iso desenvolveuse durante unha xornada escolar un roteiro de 16 km desde o centro escolar á próxima praia de Ponte do Porco. Durante o roteiro tiñan que avaliar, mediante unha recollida de datos nunha ficha, tres zonas diferenciadas: unha primeira urbana e agrícola, unha segunda máis rural, e por último unha terceira do río Lambre máis natural. Os aspectos recolleitos da paisaxe dividíronse para iso en tres bloques: elementos realizados polo ser humano , elementos naturais bióticos e elementos naturais abióticos. Tras esta análise deberían tipificar cada paisaxe e realizar unha valoración cuantitativa dos diversos aspectos atopados, tanto positivos como negativos. Con esta actividade pretendíase que recapacitasen sobre os distintos elementos que compoñen a paisaxe, así valorizar da paisaxe como un elemento importante na sustentabilidade, pola súa importancia ecolóxica, social e mesmo económica coimo fonte de turismo.
No ficheiro adxunop pode verse o mapa do percorrido e a ficha de recollida de datos para a avaliación da paisaxe
Durante o curso 2013-2014 comezaron as primeiras reunións dos Clubs de Lectura.
Extendemos a convocatoria ás familias (e outros adultos da comunidade educativa) no inverno do 2013.
A primeira reunión sucedeu o 19 de marzo de 2014.
Iso significa que o 27 de marzo deste 2024, día da visita de José Ovejero, poderiamos ter conmemorado o décimo aniversario do noso Club de Lectura.
Aproveitaremos a xuntanza deste próximo mércores 29 de maio para festexar esta longa andaina.
19 horas
Biblioteca Sebastián Buedo Jiménez
IES Francisco Aguiar
O IES Francisco Aguiar organizou un torneo intercentros de fútbol feminino no marco do programa Xogade da Xunta. Participaron o IES As Mariñas, o IES de Breamo, o IES de Mugardos, o CPI Virxe da Cela, o CPI Vales Villamarín e o CPI Castro Baxoi.
Parabéns polo 3º posto conseguido tanto polo equipo infantil coma polo cadete!
A Consellería de Educación vén de publicar información sobre o programa EduMob de intercambio individual de alumnado en réxime de reciprocidade con alumnado de Francia durante o curso 2024/2025.
CARACTERÍSTICAS DO PROGRAMA: o alumnado residirá coa familia do seu homólogo francés e asistirá a clase no centro docente do seu anfitrión/anfitrioa, garantindo así a continuidade dos obxectivos curriculares e as competencias correspondentes á etapa educativa. Ao mesmo tempo, a familia do alumnado participante comprométese a acoller no seu domicilio e integrar na vida e actividades familiares a un alumno/a francés/a.
As datas previstas son as seguintes:
- Estadía en Francia: do 16/09/2024 ao 11/10/2024
- Acollida en Galicia: do 28/10/2024 ao 22/11/2024
DESTINATARIOS: alumnado que o vindeiro curso estea matriculado en 1º de Bacharelato, que curse francés como 1ª ou 2ª lingua estranxeira, que teña unha nota mínima de 7 no expediente da ESO e de 7 na materia de 4º de francés de 4º da ESO (ver outros requisitos na resolución que se achega).
PROCEDEMENTO E CRITERIOS DE SELECCIÓN: (ver Anexo II)
DOCUMENTACIÓN QUE O ALUMNADO DEBE PRESENTAR: solicitude de participación (ver Anexo I)
DATA TOPE DE PRESENTACIÓN: mércores día 5 ás 14.15
Claudia Pérez Villalta, alumna de 2º Bac C, quedou finalista no 19º Concurso de fotografía Xurxo Lobato, convocado pola Asociación de Amigos do IES Monelos da Coruña.
Coma a entrega de premios concindiu coa tarde da graduación, o propio Xurxo Lobato acercouse ao noso instituto co diploma e o premio. Grazas a el e PARABÉNS a Claudia!
Con data do 12 de abril de 2024 publicouse o extracto da Resolución da Secretaría de Estado de Educación, pola que se convocan axudas para alumnado con necesidade específica de apoio educativo para o curso académico 2024/25.
Podedes atopar toda a información en:https://www.becaseducacion.gob.es/becas-y-ayudas.html
As solicitudes débense cumplimentar mediante formulario accesible por internet na dirección www.educacionyfp.gob.es ou a través da sede electrónica do Ministerio de Educación e Formación Profesional na dirección https://sede.educacion.gob.es
O prazo de presentación de solicitudes extenderáse dende o día 30 de abril de 2024 ata o día 13 de setembro de 2024, ambos inclusive.
Ao longo do curso, o Departamento de Matemáticas foi o encargado da realización da toma de datos meteorolóxicos (tarefa realizada por alumnado de 1º e 2º ESO). A posterior análise de datos realizouse no bloque de Estatística, elaborando os informes e as gráficas correspondentes (1º ESO e 1º BAC). O alumnado de 1º da ESO representou de forma gráfica e con climogramas os datos obtidos na medición da estación meteorolóxica. Noutro nivel, pero no mesmo Bloque de Estatística e probabilidade, o alumnado de 1º de Bacharelato traballou con estes datos incidindo na parte de probabilidade: probabilidade de choiva en cada mes, probabilidade condicionada...
Como xa é tradición dentro do Programa, rematamos o curso coa elaboración de distintos climogramas empregando os datos recollidos na estación. O alumnado de matemáticas de 1⁰ ESO B,C,D e E adicou dúas sesións do Bloque de Estatística e Probabilidade a traballar cos datos: extracción da páxina web de MeteoGalicia, conversión de .csv a .odf, comprensión do significado de cada columna, análise e representación de diferentes gráficos coa folla de LibreOffice Calc... Como produto final, cada alumno tivo que entregar un climograma dun mes ou unha quincena escolleito por eles mesmos. Velaquí uns exemplos:
![Events at <em>IES Francisco Aguiar </em> Distribuir contido](/centros/iesfranciscoaguiar/misc/feed.png)