Publicado o número de xullo da revista 'Betanzos e a súa comarca', facemos público o acta do xurado que deliberou os gañadores nas dúas categorías do concurso convocado polo IES Francisco Aguiar, o Concello de Betanzos e a Asociación de Comerciantes e Empresarios de Betanzos Centro Comercial Aberto,

Betanzos Detalles de 800 Anos

a) Na categoria de alumnos de centros educativos resultan dous concursantes empatados con todas as cuestións resoltas correctamente. Realizado o correspondente sorteo, resulta gañador D. MARCELO BARREIRO SÁNCHEZ

b) Na categoria de público en xeral, resultan dous concursantes empatados con todas as cuestións resoltas correctamente. Realizado o correspondente sorteo, resulta gañador D. ANTONIO VIDAL MAZAS

Os premios do concurso entregaranse o vindeiro 3 de xullo ás oito da tarde no Salón Azul do Edificio Arquivo do Antigo Reino de Galicia. O premio da categoría público en xeral é un acebecheque de 100 € e o da categoría escolar unha tablet.

Dende o 'Aguiar', agradecemos a todos os participantes o seu interese nesta a nosa proposta para dar máis valor, se cabe, a este 2019 tan especial para todos os brigantinos. O reto non era sinxelo, e sorprendeu a grande exactitude na meirande parte das respostas recollidas. Para os que querades saber máis, facemos aquí públicas as solucións do concurso.

Pregunta nº 6

A placa da fotografía 30 está situada na fachada dun edificio edificado en 1764 sobre un proxecto de Feliciano Míguez, para ser sede dunha institución que nunca chegou a albergar.

Que institución ía albergar inicialmente este edificio?

Pregunta nº 5

O detalle da fotografía 25 corresponde dun edificio público reformado en 1778 baseándose no proxecto dun dos máis importantes arquitectos desa época,


Quen foi este destacado arquitecto?

Pregunta nº 4

A fotografía 20 corresponde a unha igrexa onde foi bautizado un personaxe betanceiro que acadou importantes cargos académicos en Galicia e eclesiásticos en América.

Quen foi este importante personaxe?

Pregunta nº 3

O lucernario oval da fotografía 15 está na fachada dun pazo construído nos primeiros anos do século XIX e reformado a mediados do XX.
Que familia da nobreza o levantou?

Pregunta nº 2

A fotografía 10 forma parte dunha fonte inspirada nunha escultura francesa e inaugurada o 17 de novembro de 1867. A traída de augas foi proxectada polo enxeñeiro Pedro Vilar.
Onde está o manancial do que procede a auga?

Pregunta nº 1

 A fotografía 5 corresponde a un edificio relixioso no que se conservan sartegos dedicados a mercadores, burgueses e artesáns. Un deses comerciantes foi un líder da Segunda Revolta Irmandiña. Cal era o seu nome?

O IES Francisco Aguiar en colaboración co Concello de Betanzos e ACEBE CCA organiza o concurso "Betanzos en Detalle".

Está dirixido a escolares e ao público en xeral buscando a promoción e posta en coñecemento e valor do casco histórico brigantino.

O concuso desenvolverase ao longo de seis meses. Cada mes faranse públicas cinco fotografías correspondentes a pequenos detalles agochados en diferentes puntos do casco histórico. Trátase de identificar a ubicación destes detalles e contestar unha pregunta ao mes relacionada con elas.

As fotografías, orixinais do alumnado de Educación Plástica e Visual do centro, publicaránse en "Betanzos e a súa comarca", nun taboleiro no edificio do Liceo e na páxina web do IES Francisco Aguiar.

Para completar o concurso haberá que identificar 30 fotografías e contestar a 6 preguntas.

Estableceranse dúas categorías e un premio para cada unha delas. Os escolares optarán a unha tablet e o público en xeral a un tarxeta regalo ACEBE CCA por valor de 100€.

Animádevos todos a participar.