Complementarias

Este xoves puidemos contar co debuxante Primitivo Marcos, que ofreceu unha charla para o alumnado de 1º e 4º de ESO. Nunha primeira parte, o autor falounos do proceso creativo na elaboración do seu cómic "O paso do Noroeste. As aventuras do capitán Duchesnoy". A segunda parte centrouse na figura de Castelao como creador plástico.

Álbum: Curso académico 2024/25 -> Charla de Primitivo Marcos

O martes 28 de Maio o alumnado de 2º e 4º da ESO, así como de 1º de Bacharelato, acompañados do profesorado do Departamento de Historia, visitou a cidade portuguesa de Chaves. Nesta xornada tívose ocasión de coñecer diferentes monumentos desta histórica localidade da Gallaecia, como o castelo, a ponte, o museo ou as recentemente descobertas termas romanas. Do mesmo xeito, tívose ocasión de degustar o famoso pastel de Chaves e practicar a lingua aplicando os coñecementos do alumnado da materia de Português de 2º da ESO.

Álbum: Curso académico 2023/24 -> Excursión a Chaves (Portugal)

O 17 de xaneiro fixemos a visita aos xulgados de Lugo co programa "Educar en xustiza" con grupos de 3ºESO e 2ºBAC.

Álbum: Curso académico 2023/24 -> Visita aos xulgados de Lugo

O pasado día 25 de novembro celebramos o día Contra a violencia machista nunha xuntanza moi fermosa do noso alumnado co do CEIP Plurilingüe de Palas de Rei, ao que agradecemos moito a súa hospitalidade. Xuntos visualizamos un vídeo do seu alumnado de 5º curso e asistimos á lectura dun manifesto e duns poemas do noso alumnado. Todos comprometidos coa erradicación da violencia contra as mulleres.

Álbum: Curso académico 2023/24 -> 25N: Contra a violencia machista

O IES do Camiño prepárase para a Semana do Cine en Galego. Xa se pode ver nos corredores do centro a exposición de carteis sobre a mesma, elaborados polo alumnado de TICS de 2º de Bacharelato.

Álbum: Curso académico 2023/24 -> Semana do cine en galego

O día 16 de outubro tivemos unha charla de educación viaria por parte da autoescola Curson sobre os riscos de conducir baixo o efecto do alcohol e das drogas ou do uso dos dispositivos móbiles ao volante. Ademáis ao rematar sortearon entre o noso alumnado un vale pola teórica e seis prácticas e dous vales pola teórica para o carnet de coche.

Álbum: Curso académico 2023/24 -> Charla de educación viaria

 O venres 11 de outubro, os alumnos e alumnas de 1º da ESO,  participaron na actividade: "Mozas do rural con proxecto" e viviron de primeira man, grazas aos alumnos e alumnas do CS de Gandería e asistencia en sanidade animal de Coristanco, como emprenden as mulleres do rural a través de tres iniciativas que se dan na Comarca da Ulloa:

Os alumnos e alumnas de 3º, 4º de ESO e 1º e 2º de Bac visitaron hoxe o Parque Eólico Experimental de Sotavento. Trátase dunha instalación produtora de enerxía eólica, pero tamén é  centro de divulgación e promoción das enerxías renovables en xeral, do aforro e a eficiencia enerxética. Non hai dúbida de que despois desta experiencia o compromiso do alumnado co Medio Ambiente fíxose máis forte.

E pola tarde visitamos o Pedregal de Irimia, na Serra de Meira, onde nace o Miño.