Moitas grazas a Lorena Rey pola cobertura informativa das celebracións que nos vindeiros meses imos facer no IES de Sar para festexar as nosas tres décadas de vida.

Compartimos algúns traballos do alumnado de 1° de Bacharelato E e F para o Proxecto Salvavidas, no que este ano participan as nosas profesoras Chus Gómez, Pamen García, Tamara Paredes e Zoraida Barral para concienciar da importancia de doar sangue desde idades temperás.

Neste mes de xaneiro,  o IES de Sar vén de facer 30 anos. Por iso quixemos preparar unha programación de actividades moi especial para celebralo con toda a comunidade educativa. Entre febreiro e maio, o noso alumnado terá ocasión de participar nunha chea de propostas educativas, culturais e científicas que confiamos en que non esquezan.

Xa está en Compostela o alumnado e profesorado que participa do intercambio co IES de Sar a través do programa Eduexchanges. Trátase dun intercambio co centro italiano Alessandro Volta .Esperamos que desfruten da cidade e do trato hospitalario das familias do noso alumnado que os acollen estes días.

Contra vento e marea. o noso alumnado voluntario do noso centro, acompañado por Pancho Lapeña e Sonia Dopazo, deu unha lección de compromiso co medio ambiente, recollendo 312 kg de plásticos nas praias de Aguiño e algúns gramos de pellets nas praias de Ribeira e Porto do Son.

Todo un exemplo. Un día para aprender doutro xeito.

Saiu publicada no DOG do pasado día 8 de xaneiro a convocatoria das probas de acceso a ciclos de Grao Medio e Superior. Aberto aos que xa teñades 17 anos ou os cumprades durante 2024 (Para as de Grao Medio) e aos que teñades 19 anos ou os cumprades en 2024 (para as de Grao Superior)

Enlace á convocatoria no DOG: https://www.xunta.gal/dog/Publicados/2024/20240108/
AnuncioG0655-221223-0002_gl.html

Enlace á información xeral sobre as probas: https://www.edu.xunta.gal/fp/webfm_send/10510

Calendario do proceso: https://www.edu.xunta.gal/fp/webfm_send/10509

O noso alumnado de 4º da ESO tivo a ocasión de coñecer dous dos centros científicos máis importantes da cidade da Coruña: o Museo Nacional de Ciencia y Tecnología (Muncyt) e o Aquarium Finisterrae.