Bioloxía e Xeoloxía

Departamento de Bioloxía e Xeoloxía

A Guarda sen plásticos (manequín challenge)

Mar, 21/02/2017 - 21:57 — IES A Sangriña

Este manequín challenge forma parte do Proxecto Interdisciplinar de 1º ESO: "A Guarda sen plástico" onde traballan os Departamentos de Inglés, Matemáticas, Plástica e Bioloxía conxuntamente. Foi producido polo alumnado de 1º ESO coa axuda de Maria José Saborido, Beatriz Núñez, Pablo Gaiteiro, Sandra Santos e Xoana Alonso. Tamén axudou o persoal da cafetaría: Javi e Tamara.

O proxecto está dividido en tres fases:

Formación do alumnado sobre o uso dos plásticos e os efectos no medio, que se desenvolveu no primeiro trimestre.
Realización dunha enquisa e análise matemático das respostas, que se está a levar a cabo esta mesma semana no centro.
Interpretación e publicación dos resultados por distintos medios. Comparación entre os resultados da nosa enquisa e os resultados das enquisas doutros institutos europeos. Farase durante o terceiro trimestre.

Dentro do proxecto, creouse un TwinSpace en eTwinning. Este portal europeo permite a grupos de estudantes de toda Europa estar en contacto con estudantes doutros países para facer traballos xuntos. Neste caso, estamos en contacto con un instituto de Sassuolo (Italia) e outro de Kutaisi (Georgia) cos que imos comparar os resultados da enquisa.

Leer máis

Estudo topográfico e da biodiversidade da praia da Lamiña

Xov, 15/12/2016 - 20:36 — IES A Sangriña

Start: 15/12/2016 08:20

Timezone: Etc/GMT+1

Alumnado de Bioloxía e Xeoloxía e de Portugués de 4º de ESO realizaron unha actividade de campo na praia da Lamiña para determinar o seu perfil topográfico e estudar a súa biodiversidade vexetal. A actividade estivo guiada pola profesora de Portugués Marisa Guerra e o profesor de Bioloxía e Xeoloxía, Juan Hermida.

A actividade práctica enmárcase dentro das actividades complementarias do alumnado nas correspondentes materias así como no estudo que o Departamento de Bioloxía e Xeoloxía leva realizando nos últimos anos da desembocadura do río Miño ao abeiro do proxecto “Un mar de coñecemento” dentro dos contratos programa.

Nesta ocasión o alumnado determinou o perfil topográfico da praia, actividade que volverán repetir en primavera xa que o perfil topográfico das praias cambia ao longo do ano en fución das estacións meteorolóxicas. Así mesmo, realizouse un estudo da biodiversidade vexetal dos fenais, o que permitirá determinar as diferentes adaptacións das especies vexetais a este medio físico. O alumnado de Portugués, realizará un estudo das especies vexetais, a súa relación coa denominación en lingua portuguesa e a súa importancia etnográfica.

Os resultados destes traballos exporanse a final de curso para toda a comunidade educativa.

Un monstro vén verme

Ven, 25/11/2016 - 15:17 — IES A Sangriña

Start: 24/11/2016 08:20

End: 24/11/2016 16:30

Timezone: Etc/GMT+1

Onte 109 alumnas e alumnos de 1° e 2° de ESO gozaron dunha xornada didáctica diferente: asistiron ao cine en Vigo, onde viron a película Un monstruo viene a verme, e visitaron o Museo Etnográfico Liste, onde percorreron cun guía as 8 exposicións permanentes sobre diferentes aspectos da nosa cultura, e unha exposición itinerante, "En feminino: a silente presenza", que busca reflectir o traballo feminino dos derradeiros séculos en Galicia. Mágoa que o tempo non permitise completar o programa co paseo botánico polo Castro, tal como estaba pogramado.

Calendario

Visita ao Instituto de Acuicultura, Museo de Historia Natural e IGAFA.

Mér, 06/04/2016 - 19:19 — Anónimo

Alumnado de 1º e 2º de Bacharelato de Bioloxía e Xeoloxía visitou o 6 de abril o Instituto de Acuicultura e o Museo de Historia Natural da Universidade de Santiago de Compostela e o Instituto Galego de Formación en Acuicultura (IGAFA) da Consellería do Mar da Xunta de Galicia.

No Instituto de Acuicultura o alumnado de 2º de Bacharelato puido observar a aplicación da biotecnoloxía ó mundo da acuicultura. Especialmente na caracterización dos microorganismos patóxenos de peixes e outros frupos aniamais de explotación comercial en acuicultura.

No Museo de Historia Natural O alumnado de 1º de Bacharelato puido observar unha gran biodiversiade de especies animais procedentes de distintas partes do mundo. Asimesmo, na sección de Xeoloxía puideron observar unha gran diversidade de minerais e rochas.

Finalmente no Instituto Galego de formación en Acuicultura o alumnado puido ver as instalacións para a impartición dos ciclos medios de operacións subacuáticas e hiperbáricas e de cultivos acuícolas e para o ciclo superior en acuicultura.

O alumnado foi acompañado polas Profesoras Paula Álvarez e María Traveso do Departamento de Bioloxía e Xeoloxía e Susana Fernández do Departamento de Música.