IES A SANGRIÑA

Premios II Concurso fotografía A21

Lun, 18/05/2009 - 13:06 — Anónimo

1º Premio: Miriam Carrera Fernández, 2º de Bacharelato C (diploma e cámara dixital)

2º Premio: Sara Cabral Portela, 2º de Bacharelato D (diploma e MP4)

3º Premio: Mélodi Rodríguez Lomba, 2º de Bacharelato C (diploma e MP3)

O vindeiro martes 19: Percorrido histórico pola música galega no IES

Sáb, 16/05/2009 - 23:28 — Anónimo

Bases do III Certame de poesía Xela Arias

Sáb, 16/05/2009 - 22:46 — Anónimo

1.- Poderán concorrer a este concurso literario, alumnos e alumnas de Ensino Secundario, Bacharelato e Ciclos formativos en dúas modalidades:
- Modalidade A: Alumnado de 12 a 15 anos.
- Modalidade B. Alumnado de 16 a 20 anos.
2.- Presentarán catro poemas inéditos, de tama e forma libres e escritos en galego.
3.-Concederanse dous premios a cada modalidade.
- Modalidade A:
- Primeiro premio: 150 €
- Segundo premio: 100 €
- Modalidade B:
- Primeiro premio: 200 €
- Segundo premio: 150 €
4.- Os traballos presentados ao concurso non levarán nome do autor ou autora, senón un pseudónimo ou lema. Nun sobre pechado introduciranse os datos persoais do autor ou autora (nomme, idade, enderezo, teléfono, curso e centro onde estuda). No exterior do sobre figurará soamente o pseudónimo ou lema.
5.- Toda a documentación citada na base anterior deberá remitirse ao instituto de Ensino Secundario A Sangriña, en sobre pechado e facendo constar no seu exterior:
III CERTAME DE POESÍA XELA ARIAS
IES A Sangriña
Avda. de Portugal, 21
36780 A Guarda - Pontevedra
6.- A presidencia do xurado será asumida pola Directora do Centro IES A Sangriña ou persoa en quen delegue. O xurado estará constituído por creadores e especialistas en Literatura Galega.
7.- A decisión do xurado, que será inapelable, adoptarase por maioría simple. A participación no certame supón a plena aceptación destas bases. Diante de calquera dúbida prevalecerá única e exclusivamente a opinión do xurado. Os premios poderán declararse desertos.
8.- O IES A Sangriña resérvase durante un ano o dereito de publicar as obras premiadas. Neste sentido, os autores renuncian a favor do IES A Sangriña, na primeira edición, a calquera tipo de remuneración polos seus dereitos de autor.
9.- O prazo de admisión dos traballos finalizará o 22 de maio de 2009.
10.- O fallo do xurado darase a coñecer o día 29 de maio.

PROGRAMACIÓN da III MOSTRA DE TEATRO DO MIÑO

Sáb, 18/04/2009 - 19:33 — Anónimo

DIA 23 DE ABRIL (XOVES-5ª FEIRA) 20:30 - IES da Sangriña (A Guarda): -Acto de Inauguración. Actuación dos Sete Magníficos máis un DIA 24 DE ABRIL (VENRES - 6ª FEIRA) 20:30 - IES da Sangriña (A Guarda): -Conversas na cuneta mentras a vida pasa lá fora. O Trasno Novo Teatro (Vigo) 22:30 - Auditorio Municipal de Goián (Tomiño): - Dormes?. IES Manuel García Barros (A Estrada) DIA 25 DE ABRIL (SÁBADO) 20:30 - IES da Sangriña (A Guarda): - Ponte da Lima em Festa. Associação Cultural Unhas do Diabo. (Ponte da Lima) 22:30 - Auditorio Municipal de Goián (Tomiño): - A magia da inocência. Associaço Cultural e Recreativa de Arcozelo. (Ponte da Lima) DIA 26 DE ABRIL (DOMINGO) 18:00 - IES da Sangriña (A Guarda): -Adeus Kantor. Asociación Teatral Paso de Valverde (A Coruña) 20:00 - Auditorio Municipal de Goián (Tomiño): -Auto da Hibris. Associaçao Juvenil de Deão (Viana do Castelo) y Lohengrin Teatro (Vigo) 21:30: - Premio do público e peche.

Xornadas Automoción

Sáb, 18/04/2009 - 14:31 — Anónimo

O departamento de automoción organiza as primeiras Xornadas de Automoción no IES A Sangriña.

Están convidados o profesorado, alumnado de automoción e profesionais do sector.

As xornadas celebraranse, segundo o programa que se adxunta no tríptico, os días 21 e 22 de abril no salón de actos do IES A Sangriña. A apertura oficial correrá a cargo da secretaria do IES A Sangriña. Haberá catro ponencias que versarán sobre:

1.“Reprogramación de Calculadores”, a cargo de D. Juan Piñeiro.

2. “Fabricación de sistemas de diagnose electrónicos en automoción”, a cargo de D. Ángel Álvarez, que representa á firma Berton.

3. “Portal de diagnose de automoción”, a cargo de D. Gaston Luzardo Patrone, que representa á firma Schaefeler (LUK).

4. “O motor do futuro. 2010 Odisea no taller do futuro”, a cargo de D. Antonio Piñeiro Vilariño, profesor adxunto Universidade de Vigo, Curso en Automoción.

1 adxunto

III Mostra de Teatro non profesional do Miño Feixó de Araúxo

Ven, 27/03/2009 - 11:48 — Anónimo

A Mostra de Teatro non profesional do Miño Feixó de Araúxo celebrarase nos días 24, 25 e 26 de abril nos concellos de A Guarda e Tomiño.

No IES A Sangriña haberá representacións como entidade colaboradora que é da Mostra.

Así que quedades tod@s convidados a III Mostra de Teatro , próximamente nos escenarios.

Visita a E.D.A.R de A Guarda

Ven, 27/03/2009 - 10:36 — Anónimo

No día de hoxe, martes 24 de marzo, o alumnado de 1º ESO visitou a EDAR (Estación Depuradora de Augas Residuais) do noso Concello. A actividade está organizada polo Seminario de Bioloxía-Xeoloxía e a A21EG, contando co asesoramento da empresa que leva a xestión da planta para o Concello.

A EDAR está pensada para unha poboación equivalente de 23.000 habitantes, para un caudal medio de 268,30 m³/h, podendo chegar a un caudal máximo de 644 m³/h. A depuradora consta de dúas liñas diferenciadas:

1ª. Liña de auga:

A auga residual que chega é sometida en primeiro lugar a un pretratamento para a eliminación das materias sólidas grosas e finas, da area e máis da graxa. Despois pasa ao biolóxico de aireación prolongada, caracterizado pola súa flexibilidade e baixo custo. A decantación é o seguente proceso, onde se consegue a clarificación da auga xa depurada. Por último a auga sométese á desinfección por raios ultravioleta.

2ª. Liña de lodo:

O lodo que se produce, recircúlase constantemente do decantador ao biolóxico. Os lodos en exceso envíanse ao espesador para sometelos a un acondicionamento químico que permita a súa centrifugación, e deste xeito que sexan aptos para o transporte (compost que se emprega como fertilizante).

Esta actividade, xunto con outras, sitúase na conmemoración do Día Internacional da auga, celebrado o pasado domingo 22.

Ponencia de Isabel Cabaleiro: Writer vs. Word

Mar, 24/03/2009 - 10:47 — Anónimo

O luns 23 de marzo Isabel Cabaleiro impartíu o Seminario: Writer vs Word, destacando as vantaxes do primeiro programa frente ó segundo.

Recordatorio de horarios de próximos seminarios:

- Luns 30 de marzo ás 15 horas: Seminario do Calc impartido por Isabel Cabaleiro.

- Mércores 1 de abril ás 15 horas: Seminario do Impress impartido por Isabel Cabaleiro.

- Luns 20 de abril ás 15 horas: Seminario do Gimp impartido por Susana Muíños

- Luns 27 de abril ás 15 horas: Seminario do Inkscape impartido por Susana Muíños.

- Luns 18 de maio as 15:00 horas: Seminario de Instalación e configuración dunha distribución GNU/Linux: Galinux. Impartido por Luis Alberto Lorenzo, Moisés Gómez, Jose Luis Vázquez e Ricardo Veiga.

No mes de abril celebrarase a III Mostra de teatro non profesional do Miño

Ven, 20/03/2009 - 00:45 — Anónimo

A continuación pódense ver os vídeos do acto inaugural da pasada edición da Mostra, que tivo lugar no Centro Goianés en abril do 2008.

Ponencia de Patricia González: Navegador Firefox

Lun, 16/03/2009 - 23:31 — Anónimo

Patricia González impartíu hoxe, luns 16 de marzo, o seu seminario sobre o navegador gratuito Mozilla Firefox. Continuando así coas Xornadas do Software Libre no IES A Sangriña. Eventos que pretenden dar a coñecer e difundir as bondades de sistemas operativos, navegadores e programas open source.