Skip to Content

Nadia Iglesias, campioa.

Xov, 22/11/2018 - 17:00

O pasado xoves 22 de novembro tivemos a sorte de ter connosco á patinadora de Bertamiráns Nadia Iglesias de Salvador. A campioa de Europa júnior e cuarta nos últimos mundiais conversou co alumnado de ESO sobre a disciplina deportiva que escolleu amais de facer unha pequena exhibición para todo o centro acompañada polo noso alumnado patinador. Todo un exemplo e un luxo. Velaquí uns pequenos retallos da súa intervención.

Magosto 2018

Lun, 19/11/2018 - 10:03

O martes 13 celebrouse un magosto no patio de columnas do instituto coa participación dos membros da comunidade escolar.

Finalistas no VIII CERTAME Curtas AS-PG

Ven, 16/11/2018 - 19:25

A AS-PG vén de publicar a relación de finalistas do seu VIII Certame de curtas. Dúas curtas do IES Arcebispo Xelmírez II foron seleccionadas na categoría de centros de ensino. Estas son:

  • Dióxenes, de Antón Etxeita Figueroa e Pablo Pazos Dominguez
  • Estou contigo, de Lara González e Iria Insua

Moitos parabéns ao alumnado por estes excelentes traballos.

Máis información: VIII CERTAME DE CURTAS DA AS-PG. CURTAS FINALISTAS

Inma Gil, da BBC ao Xelmírez II

Xov, 15/11/2018 - 17:00

O pasado xoves 15 de novembro estivo nas aulas de Bacharelato a xornalista Inma Gil Rosendo, unha viguesa que leva xa 20 anos no Reino Unido traballando para a BBC e sendo unha das activistas máis importantes da comunidade galega en Londres. Neste eido creou o grupo Galegos morriñentos en Londres no facebook así como a comunidade Troula para socializar en galego a nenos fillos de galegos.

Mais nesta ocasión veunos falar do seu traballo e fundamentalmente do novo proxecto que coordina, o BBC Ideas, unha canle de videos curtos en youtube creada dentro da propia BBC.

E velaquí algunhas fotos:

E outra vez no LGx15

Xov, 15/11/2018 - 16:00

Para a comunidade do EDL do IES Xelmírez II o LGx15 é xa un dos eventos máis agardados do curso. Alí cada ano, desta o 15 de novembro, atopamos novas ideas e xente moi nova que achega toda a súa enerxía, vitalidade e ganas de facer pola lingua. Nesta ocasión, falouse de química, de deporte, de superacións persoais, de deseño, de caer da burra, de cultura pop... Pasámolo en grande, así que xa contando os días para o seguinte.

Laboratorio de química no STEMBach

Lun, 12/11/2018 - 21:31

Nas sesións do 25 de outubro e do 8 de novembro o alumnado do STEMBach traballou no laboratorio de química diversas técnicas experimentais.

Na primeira sesión puxeron en práctica, entre outras actividades, diferentes técnicas de separación.

Laboratorio de química

O fío condutor da segunda xornada foi a análise de diferentes tipos de reaccións químicas. Nun dos experimentos, tentaron medir a cantidade de gas producida empregando unha técnica un tanto “rústica”…

Laboratorio de Química

A USC xa coñece o novo bacharelato do IES Xelmírez II

Xov, 08/11/2018 - 15:17

A vicerreitora de titulacións da USC, Victoria Otero Espinar, reuniuse con docentes e alumnado para escoitar impresións e expectativas

SANTIAGO / LA VOZ 07/11/2018 05:00 H

A vicerreitora de titulacións da USC, Victoria Otero Espinar, coñeceu onte o novo bacharelato de excelencia en ciencia e tecnoloxía nunha visita ao IES Xelmírez II, un dos quince centros galegos que o implanta este curso. Vitoria Otero coordina ás tres universidades galegas en relación con estas novas ensinanazas.

Día da Ciencia en galego: Xurxo Ayán

Mér, 07/11/2018 - 17:00

Hoxe 7 de novembro celebramos o Día da Ciencia en galego falando de arqueoloxía, unha ciencia na que conflúen e que necesita moitas outras disciplinas. E para a ocasión contamos cun dos arquéologos galegos máis sobresalientes, Xurxo Ayán. E con el recorremos algúns dos seus proxectos, dende Etiopía ata a Guiné Ecuatorial pasando polo Atacama e tamén por proxectos relacionados cos guerra civil en Navarra e en Badaxoz. E para rematamos co xa famoso Atilano da parroquia de Cereixa en Lugo. Un auténtico pracer, luxo e exemplo de xenerosidade.

E para quen non puido estar uns pequenos fragmentos:

Eleccións ao Consello Escolar

Mar, 06/11/2018 - 20:04

Neste mes de novembro teñen lugar as eleccións para a renovación parcial do Consello Escolar, segundo convocatoria da Consellería de Educación.

Para que o proceso sexa o máis aberto e plural posible, e garantir a representación e participación de tódolos sectores na vida do centro, desde o Equipo Directivo invitamos e animamos a tódolos membros da comunidade educativa a presentar candidatura ao Consello Escolar.

No arquivo adxunto figura a información básica sobre o proceso electoral.

O novo bacharelato de excelencia en ciencias e tecnoloxía, tamén coñecido como Stembach, arranca este curso no IES Arcebispo Xelmírez II con 10 estudantes.

Ven, 02/11/2018 - 23:59

El nuevo bachillerato científico le exige al alumnado un trabajo de investigación

En el área de Santiago solo lo ofrecen los institutos Xelmírez II y Rosalía de Castro

 STEMBACH IES Arcebispo Xelmírez II

SANDRA ALONSO

 

JOEL GÓMEZ 

SANTIAGO / LA VOZ 02/11/2018 05:00 H

Irene Basanta: a primeira futbolista

Ven, 26/10/2018 - 16:00

O venres 26 de outubro asistimos á proxección do documental Irene, a porteira, realizada polo xornalista Óscar Losada Castro. Presentouno o propio director a aprendemos moito desta pioneira do fútbol da que ata o de agora moi pouco se sabía e que tivo unha vida merecente dun filme. Daquela, coñecéndonos mellor cada día.

Elisa e Marcela

Ven, 26/10/2018 - 16:00

Sen dúbida, esta vai ser a voda do ano. Despois do éxito da versión teatral a cargo da compañía A panadaría, chegaranos a versión cinematográfica.

E como aínda non a viramos, pois esta foi a ocasión. E o venres 26 de outubro no Salón Teatro de Compostela tivemos ocasión de vela. E aprendemos moito e pasámolo mellor.

O alumnado do club de ciencia presenta na EGAP o seu traballo.

Sáb, 06/10/2018 - 17:54

O IES Arcebispo Xelmírez II foi invitado a expoñer o traballo desenvolvido no club de ciencia nas xornadas organizadas polo CAFI "Compartindo experiencias de formación en centros" (S1803002), celebradas na EGAP de Santiago de Compostela o 6 de outubro.

Seis alumnas e alumnos participantes no club de ciencia, en representación de todos os seus compañeiros, presentaron ao profesorado asistente as principais actividades levadas a cabo no proxecto de investigación de propiedades do solo, "Mira por onde pisas", así como as actividades proxectadas para este novo curso escolar.

Presentación do Bacharelato STEM

Mér, 03/10/2018 - 21:50

O IES Arcebispo Xelmírez II é un dos quince centros seleccionados en toda Galicia para comezar a impartir este curso o bacharelato de excelencia en ciencia e tecnoloxía, aberto a todo o alumnado de 1º de bacharelato.

Este alumnado cursará unha materia adicional e levará a cabo, no 2º curso, un traballo de investigación en colaboración con docentes e investigadores das universidades e principais centros galegos.

O 20 de setembro inaugurouse formalmente esta opción académica coa presenza do equipo directivo do centro.

MJPérez visitou o Xelmírez II

Mér, 03/10/2018 - 19:55

A artista arzuá deixou fonda pegada no IES Arcebispo Xelmírez II na súa visita deste martes 2 de outubro.

En horario de tarde e durante case unha hora, dentro da programación de actividades que desenvolve o equipo de dinamización da lingua, MJ Pérez falou co alumnado de 4º ESO e de 1º de bacharelato A e C sobre a súa traxectoria vital, amosou algúns dos seus traballos audiovisuais e falou dos seus próximos proxectos. Asemade, cantou algunhas das súas cancións e defendeu a vitalidade da música galega, da que destacou a gran variedade que presenta na actualidade.

Distribuir contido


by Dr. Radut