Complementarias

DIA DA MULLER NA AULA DE TRES ANOS

Lun, 03/26/2018 - 14:50 — Mar

O alumnado de tres anos estivo recopilando fotografías das mulleres mais importantes na súa vida. Elaboraron un mural de agradecemento. Os nenos e nenas de Sexto de Primaria tiveron a honra de asistir a unha sesión expositora destes traballos. Moitas grazas a todos e todas.

XOGADE_ BADMINTON

Mér, 03/07/2018 - 14:40 — Mar

Esta mañá o alumnado de 6º de Primaria participou nunha nova edición de XOGADE, esta vez na modalidade de Badminton. Ademais de practicar un deporte pouco usual entre os alumnos e alumnas, ademais de participar nun almorzo saudable na cantina do IES Nº 1 do Carballiño. Noraboa a organización!!

Deixámosvos unha pequena mostra fotográfica do que deu de sí esta xornada.

https://photos.app.goo.gl/sJFbJTlBsQkfi0R52

blogue de Mar

CARREIRA DE COMPADRES E COMADRES

Xov, 02/08/2018 - 17:18 — Mar

Os nenos e as nenas, un ano mais, participaron na carreira de Compadres e Comadres, que elaboraron con moito agarimo. Aquí tedes unha pequena mostra (preme neste enlace).

https://photos.app.goo.gl/OFnRlKgx0f0QElk02

blogue de Mar

DÍA DA PAZ ESCOLAR E NON VIOLENCIA

Mér, 01/31/2018 - 13:59 — Mar

O alumnado de 3º de Primaria realizou un mural na porta da aula para reflectir as súas mensaxes na celebración do Día Escolar da Paz e Non Violencia. Rematando cunha frase que dí o seguinte:

"No mar da vida deixei unha mensaxe para ti.."

blogue de Mar

XOGADE: "CAMPO A TRAVÉS". PUZO DO LAGO_2

Xov, 01/18/2018 - 16:50 — Mar

O xoves, 18 de xaneiro, tivo lugar a segunda carreira de campo a través do programa XOGADE, acudimos a Puzo do Lago (Maside), esta vez con sol...Pasamos unha mañá moi divertida!! E ata trouxemos unha medalla!

Velaquí a galería de imaxes desta xornada:

https://photos.app.goo.gl/ylKGHUY99TBg7PQv1 (preme neste enderezo)

blogue de Mar

AGRADECEMENTO AO COLE "LOPE DE VEGA" (Talavera de la Reina)

Xov, 11/23/2017 - 14:03 — Mar

Os nenos e nenas do Cole de Cea queremos agradecer ao alumnado do CEIP Lope de Vega (Talavera de la Reina) as mostras de agarimo, en forma de debuxos, cartas, murais, sementes... con motivo da catástrofe medioambiental provocada polos lumes acontecidos na fin de semana do 14 e o 15 de outubro.

Velaquí unhas fotografías do que nos enviaron

blogue de Mar

MARCHA SOLIDARIA CONTRA O LUME

Mér, 10/25/2017 - 10:12 — Mar

Hoxe, 25 de outubro, ás 15:30 horas a comunidade educativa do Cole de Cea faremos unha marcha solidaria dende o Cole a Cea (Campo da Saleta), en protesta a queima dos montes e os lumes sufridos nos concellos de San Cristovo e Piñor.

blogue de Mar

24 DE OUTUBRO. DÍA DAS BIBLIOTECAS ESCOLARES

Mar, 10/24/2017 - 13:26 — Mar

HOXE CELABRAMOS NO COLE O "DÍA DAS BIBLIOTECAS ESCOLARES"!

Contamos cun convidado moi especial, Nilson Leite, que nos vai a contar uns contiños relacionados coa natureza.

blogue de Mar

VISITAMOS VIGO

Mar, 05/30/2017 - 11:27 — Mar

Os nenos e nenas de 1º e 2º de Primaria fomos de excursión a Vigo. A nosa primeira parada foi o Aeroporto de Vigo. Alí un guía levounos a coñecer o interior do Aeroporto: sacamos a tarxeta de embarque, pasamos os controis policiais e dirixímonos a nosa porta de embarque...mágoa que non tiveramos un voo!!Despois coñecimos os bombeiros, que pasada o camión e os canóns de auga!! Veu un falconeiro a ensinarno unha aguia e nese intre...despegaba un avión!!

Marchamos cara a cidade, a Naturnova. Alí estivemos nun simulador de submarino e indagamos sobre a natureza.Xantamos no Parque de Castrelos, que parque mais chulo!!

Pola tarde fomos en ferri ata Cangas, case nos voas as gorras!! Merendamos nun parque fantástico e voltamos moi ledos cara Cea.

https://goo.gl/photos/iZjQFxtodhLWgoHn8

blogue de Mar

XOGADE: "XOGANDO AO ATLETISMO"

Mar, 05/30/2017 - 11:17 — Mar

O xoves, 25 de maio, tivo lugar unha nova edición de XOGADE, esta vez "Xogando ao Atletismo". O Cole de Cea foi o anfitrión na organización deste evento.

Pasamos unha mañá moi divertida e calurosa, onde acadamas bos e non tan bos resultado, pero o mellor foi compartir o noso tempo practicando deporte e facendo amigos/as!!