O alumnado de 4º ESO do noso centro debe facer a reserva de praza entre o 15 de xaneiro e o 5 de febreiro para escolarizarse o vindeiro curso nos centros adscritos correspondentes (IES A Pontepedriña, IES Lamas de Abade).
O alumnado de 6º Infantil e 2º de Primaria do CRA Boqueixón-Vedra e o de 6º Primaria do CEIP Ortigueira - Santa Cruz de Rivadulla debe facer a reserva de praza, tamén entre o 15 de xaneiro e o 5 de febreiro, para escolarizarse no noso centro o vindeiro curso.
Premendo no seguinte enlace poden acceder á aplicación de admisión de alumnado https://www.edu.xunta.gal/admisionalumnado/
No enlace https://www.edu.xunta.gal/axudaplicacion/files/admisionalumnado/ED550A-G.pdf poden descargar o impreso da solicitude, que igualmente está a disposición na secretaría do centro, así como o Anexo I_bis que debe acompañar a solicitude, e copia do libro de familia ou documento equivalente (DNI) no que figure o/a alumno/a e as persoas proxenitoras.
NORMATIVA: ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
O resto do alumnado actual do centro ten a permanencia garantizada sen facer ningún trámite.
