Equipo de Normalización e Dinamización Lingüística

E, como manda a tradición, no cole de Vea non podiamos quedar sen atranques, protagonizados este ano polo alumnado de 3º a 6º de primaria. Non perdades todas as fotos dos atranques e outras novas das actuacións do venres que vimos de colgar; tédelas todas nas Galerías.

Hoxe, 2 de febreiro, celebramos no cole o Día da Candeloria.

Esta celebración vén de moi antigo, dos tempos dos celtas. En Galicia é o día do casamento dos paxaros. Representa o renacer da natureza pola proximidade da primavera. Para os mariñeiros era o comezo da navegación despois da longa espera do inverno.

Nós celebramos este día cun díptico informativo elaborado polo equipo de dinamización da lingua galega do centro e con globos con forma de corazóns que representan este día do amor.

Botádelle un ollo ás fotos nas Galerías.

Tamén podedes participar no Botámoslle uns contos? con audios. Nos adxuntos tedes os que se presentaron ata agora, todos alumnos/as de 6º de primaria.