Educación Física

RESULTADOS CAMPIONATO ZONAL CROS

Mar, 2024-11-19 09:49 — admin

Valentina Campos García, de 4º de primaria, é a deportista clasificada polo noso centro no campionato zonal de cros que se celebrou o pasado día 15 de novembro nas instalacións das piscinas municipais da Estrada.

En hora boa a Valentina e a todos/as os/as participantes!

- Resultados campionato cros zonal A Estrada.

- Fotos.

- Faro de Vigo.

APIs de Blogue

CROS NA ESTRADA

Lun, 2024-09-23 20:37 — admin

Maratonista Imágenes Vectoriales, Gráfico Vectorial de Maratonista | Depositphotos

Queda aprazado ao venres 15 de novembro, polas condicións meteorolóxicas adversas, o campionato de cros que ía ter lugar este martes, 8 de outubro, nas inmediacións das piscinas municipais da Estrada, para o alumnado de 2º a 6º de primaria.

Trátase dunha competición organizada pola Secretaría Xeral para o Deporte da Xunta de Galicia en colaboración coas Agrupacións Deportivas Escolares. Está destinada ao alumnado dos centros educativos participantes no programa XOGADE.

A finalidade desta actividade é a dinamización e promoción do deporte escolar mediante a participación inclusiva de todo o alumnado.

Levarase a cabo en horario lectivo, favorecendo así a participación dos escolares.

Tedes máis información no seguinte documento:

- Normativa cros XOGADE.

APIs de Blogue

ATLETISMO EN PISTA EN CUNTIS

Xov, 2024-05-09 16:48 — admin

Hoxe, 9 de maio, o alumnado de 5º de primaria desprazouse ata Cuntis para participar nunha xornada de atletismo en pista enmarcada no programa Xogade da Xunta de Galicia.

Mirade as fotos nas Galerías.

APIs de Blogue

Día da Educación Física na rúa

Xov, 2024-04-18 16:09 — natalia

Con motivo do Día da EF na rúa e grazas a organización da Agrupación de Deporte Escolar da Estrada, o martes 16 de abril o alumnado de 5º e 6º de EP realizou diversos xogos deportivos no pobo para darlle visibilidade a importancia da realización de actividade física en idade escolar.

Cada centro tiña unha zona asignada, o CEIP Manuel Villar Paramá estivo na praza do Concello compartindo a xornada e as diversas actividades co alumnado do CEIP Cabada Vázquez. Grazas compañeiros/as.

Ao rematar todos os centros educativos participantes reunímonos diante do Concello para por fin á xornada.

APIs de Blogue

BONOS DEPORTE

Mar, 2024-01-09 11:26 — admin

Bono Deporte

A Vicepresidencia primeira e a Consellería de Presidencia, Xustiza e Deportes publicaron a orde do 5 de decembro de 2023 (DOG do día 11) pola que se establecen as bases reguladoras para a concesión de axudas do Programa de promoción da actividade deportiva en idade escolar a través do Bono deporte. Este novo programa ten por finalidade axudar ás familias nos gastos derivados da práctica deportiva dos nenos e nenas de 6 a 16 anos.

No noso centro, terá dereito a estes bonos o alumnado participante no Programa XOGADE, isto é, o alumnado de 3º a 6º de primaria.

Cada beneficiario disporá dun único bono por un importe de 120 €, que poderá utilizarse nun ou varios dos establecementos adheridos ao programa (que se identificarán co distintivo da campaña) e terá a consideración de bono desconto do 80 % da compra ou servizo adquirido. O importe do bono irase reducindo en función do valor da compra realizada (IVE incluído).

O período de descarga dos bonos estenderase do 8 de xaneiro ao 29 de febreiro de 2024. Unha vez descargados, poderanse utilizar ata o 1 de xullo.

Para a descarga dos bonos será preciso introducir na web www.bonodeporte.gal os datos recollidos no art. 12.1 da Orde de 5 de decembro (DOG do día 11), entre eles o identificador Xogade, que figura no carné que se lle entregou hoxe ao alumnado de 3º a 6º de primaria.

APIs de Blogue

CAMPIONATO ZONAL CAMPO A TRAVÉS

Xov, 2023-10-12 11:34 — admin

Lecciones de deportividad

Onte, 11 de outubro, o noso alumnado de 2º a 6º de primaria participou no campionato zonal de campo a través.

Parabéns a Celia, a Irene e a Valentina pola medalla e diplomas!

- Faro de Vigo.

- La Voz de Galicia.

- Galería de fotos.

APIs de Blogue

CLICLISMO NO COLEXIO

Dom, 2023-10-08 18:38 — admin

O martes 3 contamos coa visita do Club Ciclismo da Estrada. Jorge e Tania animáronnos a que probaramos o Club de Ciclismo e ademais, fixemos unha xincana coas bicis. O percorrido estaba cheo de obstáculos! Grazas pola visita!

APIs de Blogue

CAMPO A TRAVÉS

Lun, 2023-10-02 20:04 — admin

O mércores 11 de outubro terá lugar unha vez máis o Campo a Través. Será na zona das piscinas da Estrada. E non te esquezas de levar a túa camiseta morada!

Para consultar máis información da normativa e do percorrido pincha no adxunto.

APIs de Blogue
1 adxunto

TENIS DE MESA

Lun, 2023-10-02 20:01 — admin

Hoxe contamos no centro cos profesores de tenis de mesa da Estrada. Déronnos unhas clases por quendas de media hora. Así, practicamos deporte e podémonos animar a seguir practicándoo!