Equipo de Normalización e Dinamización Lingüística

O venres 12 celebramos o magosto, houbo dous obradoiros e unha xornada de xogos populares.

No OBRADOIRO DE PINTURA o alumnado de educación infantil pintou con témpera catro murais coa temática do magosto, tivemos castañeira, esquío, castiñeiro... O alumnado de primaria fixo cadansúa composición pintada tamén con témpera.

O outro obradoiro que realizamos este venres foi o OBRADOIRO DE MANUALIDADES, aquí fixemos unha postal do magosto e os típicos cucuruchos para comer as castañas.

Tivemos uns XOGOS POPULARES cuns monitores especiais, os alumnos e alumnas de 6º! Levamos máis de 10 días preparando os xogos, para explicárllelos aos demais. Entre os xogos destacamos a billarda, a petanca  e os birlos celtas.

• COMEMOS CASTAÑAS

Despois dos obradoiros e dos xogos populares tocou comer as castañas!

Logo de asalas nunha carreta, fomos enchendo os cucuruchos e outras manualidades como recipientes. Estaban riquísimas! Todo isto amenizado con boa música, algúns botamos uns bailes e outros xogamos libremente.

Este ano celebramos o SAMAÍN con múltiples actividades:

•  Exposición de cabazas

 A partir do luns os nenos e nenas trouxeron ao colexio cabazas talladas e decoradas. Expuxémolas na entrada e cada aula puido ver estas marabillosas creacións.

•  Decoramos o colexio

Cada aula decorou a súa entrada da clase con murais do Samaín.

• Investigamos o Samaín

Este ano seguindo coa temática do proxecto deste curso: A VOLTA AO MUNDO EN 80... traballamos os "samaíns" de varios países, comezando por Galicia, Irlanda, Estados Unidos e México.

• Intercambio de Postais

Este ano fixemos intercambio de postais do Samaín co colexio Pérez Viondi, tamén enviamos unha postal vía dixital a todos os demais colexios do concello.

Estas postais foron as que nos enviaron:

Estas foron as nosas: 

• Merendas terroríficas

O venres, para celebrar o Samaín trouxemos ao colexio unhas merendas un tanto especiais.

• Contacontos

Tivemos sesión de contacontos a cargo dos máis maiores do colexio.

Os alumnos de 5º elaboraron uns contos de medo e contáronllelo aos demais cativos do colexio.

Os nenos e nenas de 6º adaptaron un conto e teatralizárono.

• Baile

Despois das sesións de contacontos, o tempo atmosfério deunos unha tregua e  puxémonos a bailar no patio cancións do Samaín. 

Na semana do 25 ao 29 de outubro organizaremos na entrada do centro a nosa tradicional exposición de cabazas de Samaín decoradas polas familias.

Podedes traer as vosas cabazas, identificadas co nome do alumno/a, a partir do luns 25 de outubro e pasar recollelas o venres 29 de outubro.

Se queredes, podedes incluír unha candea eléctrica no interior da cabaza.

Por mor da actual situación sanitaria, as familias non poderedes visitar a exposición presencialmente, pero si a través da nosa web, en Galerías.

O venres 29 de outubro celebraremos o Samaín no cole vindo disfrazados/as para dar moito medo e traendo tacos terroríficos para tomar a media mañá.

·  Entrega de diplomas dos gañadores no centro. Non só aos escritores e escritoras, senón tamén ás ilustradoras. Como este ano non puideron asistir á festa das palabras todos gañadores/as, desde o equipo de dinamización da lingua, fixéronse uns diplomas. Estes diplomas personalizados entregámosllos aos gañadores.

Co gallo do VIII concurso de micropoemas e microrrelatos, creamos este libro.

Non todas as creacións literarias dos nosos nenos e nenas puideron ser finalistas e gañadores do concurso.

Así nace este pequeno libro, onde se amosa o esforzo e traballo realizado polo alumnado do Centro. 

 Pincha na imaxe