Bo día familias,
Pois xa é venres, 3 de abril, último día de trimestre. No día de hoxe xa pasaron 3 semanas escolares de confinamento e aínda que esteamos nesta situación tan complicada e singular, o curso escolar segue activo; con isto queremos dicir que a vindeira semana será Semana Santa e polo tanto é un período de vacacións, as recomendacións para estos días son:
Lembrade que as vacacións...son vacacións. Sabemos que neste tempo de estar na casa se nos terán caído case todos os nosos plans. E ao ter que seguir na casa, posiblemente precisemos certa rutina. Pero os nenos e nenas precisan descontectar dos obxectivos e contidos escolares, do académico, para poder asumir o 3º trimestre. Así que creemos que é importante tratar de descansar e crear unha rutina a partir de actividades de ocio e tempo compartido cos nenos e nenas, un pouco máis do que posiblemente xa estades facendo. Tamén pode ser interesante tratar de facer algo especial por estar de vacacións. Seguro que se vos ocorren moitas formas divertidas de facer algo diferente ao de estes días. E senón….preguntádelle a eles, xa veredes como vos sorprenden!!! Cun pouco de sorte son as únicas vacacións da nosa vida que temos que pasar na casa… non as esqueceremos nunca.
A nosa proposta para estas vacacións é que tratades de imaxinar como traer á casa algo desas vacacións que tiñamos pensando ter ou que nos gustaría ter. Aquí van algunhas propostas, que coma sempre, pero estando de vacacións, máis que nunca, son simples ideas que podedes ter en conta ou non.
- Descansar!!! romper algo a rutina….permitirnos unha sesta ou remolonear un pouquiño máis na cama.
- Festa familiar na casa con música e algo rico de comer (ocasión boa para saltarnos as recomendacións de dieta saudable...sempre como excepción). Tamén podemos facela temática, ou de disfraces...cun premio ao disfrace máis orixinal. Aquí a nosa experiencia deste curso cos choqueiros vainos axudar moito. A ver como conseguimos disfraces divertidos só con cousas da casa!!
- Se tiñamos pensando facer algunha viaxe cultural, podemos facer unha visita virtual a un museo, explorar diferentes mundos relacionados coas película ou libros que nos gustan, ou aprender algunha actividade nova:
Museos: ttps://www.lavanguardia.com/vida/junior-report/20200325/4892085031/museos-virtuales-arte-cultura-confinamiento.html
Harry Potter: https://www.wizardingworld.com/
-Se tiñamos planificado unhas rutas de sendeirismo ao monte, ou irnos á aldea…. por que non tratar de traer a natureza a casa?
https://www.lavanguardia.com/natural/ecogallego/20200326/4894834001/10-webcams-para-seguir-la-naturaleza-en-directo-en-dias-de-confinamiento.html?facet=amp&__twitter_impression=true
Poñede o móbil en horizontal e cando esté pasando a película movede a pantalla co dedo. Unha xoia documental! https://youtu.be/L_tqK4eqelA
Neste enlace, se pulsades en cada paxaro soa o seu canto: https://coneixelriu.museudelter.cat/es/aves.php
- Se tiñamos pensando coñecer algunha cidade…. podemos facer un paseo virtual a través de….
https://elviajero.elpais.com/elviajero/2020/03/19/actualidad/1584613866_742315.html
- Se a nosa idea era ir a visitar a familia que está lonxe...pois pode ser unha oportunidade para ordenar cos nenos e nenas esas fotos descargadas no ordenador e ir contándolles cousas da nosa familia ou de cando nós eramos pequenos.
Ademais, recordade que tedes moitas propostas subidas no blogue nestos días, así como nos apartados dos especialistas de inglés, departamento de orientación e psicomotricidade, como este vídeo de Fabián:
https://www.youtube.com/watch?v=IxepoZHrI7c&feature=youtu.be
No día de hoxe, poderedes visualizar a avaliación deste segundo trimestre mediante Abalar. Recordamos que o mércores pasado mandámosvos estas indicacións mediante un correo a todas as familias. Calquera dúbida sobre o boletín poderemos comentala a través do correo electrónico. Se algunha familia non o recibiu que nos escriba ao correo.
Ademais, hoxe no correo recibiredes a información de como nos comunicaremos de xeito máis directo, de cara ao terceiro trimestre. Parécenos importante envialo agora para que teñades tempo a descargar a app e ver como é o seu funcionamento durante a Semana Santa.
Finalmente, como sabedes ao finalizar cada trimestre sempre vos enviábamos as fotos nun PEN. Como agora esto non é posible, indicarémosvos no correo como acceder a elas.
