Bo día!
Pois hoxe propomos outra actividade de grafismos de forma creativa, ou grafoarte como lle chamamos na escola. Para iso, presentamos a actividade: figuras xeométricas concéntricas.
En primeiro lugar presentámoslle a seguinte obra de Kandinsky titulada “Cadrados con círculos concéntricos”. Deixamos que a observen e que falen do que ven: que cores usou o pintor? Por que a titularía así? Onde están os cadrados? Onde están os círculos? Que emoción lles transmite esta obra?
A continuación propoñémoslle facer a súa propia obra de arte, pero esta vez usando diferentes figuras xeométricas.
Primeiro, dividimos un folio colocado en horizontal en 4 cadrados, un para cada figura. Deben de procurar obxectos que teñan pola casa coas formas que queremos traballar (círculo, cadraro, triángulo e rectángulo) e que entren dentro do espazo do folio. A continuación repasan o borde de cada obxecto. E agora toca facer que se convertan en figuras concéntricas. Con diferentes cores irán tranzando a mesma figura cara dentro e cara fóra ata completar o espazo.
Finalmente podemos pedirlles que pensen como lle chamarían eles e elas ao seu cadro!!!
Hoxe, tamén queríamos traer unha actividade de movemento pero en Inglés. Esta é unha proposta de Lucía, a profe de Inglés, que os bota moito de menos e esta desexando velos en vídeo, facendo algunha das súas proposta, como esta:
Body: Head, shoulders, knees, toes, eyes, ears, mouth, nose. https://www.youtube.com/watch?v=RuqvGiZi0qg
