Bo día, familias!
Como mañá, 15 de maio, é o día da familia e toda esta semana, de estar no cole, sería a festa das letras galegas, pasamos o VENRES CIENTÍFICO para o xoves. Hoxe traémosvos o seguinte experimento: CAMBIO DE LADO.
Materiais: vaso transparente, auga, pequena tarxetas de papel ou cartolina, lapis ou rotulador.
Proceso: Debuxamos nunha tarxeta unha simple frecha recta. Cara onde mira a frecha? E se a xiramos? Dereita ou esquerda? Agora probamos a xirala empregando o vaso con auga. colocámola por detrás do vaso e apartámola del ata que a frecha mire cara o outro lado. Enchemos un vaso con auga e situaremos a tarxeta xusto detrás do vaso a uns centímetros de distancia. Que ocorre?
Explicación: Isto acontece por REFRACCIÓN (cambio de dirección dun raio de luz ou outra radiación que se produce ao paran oblicuamente dun medio a outro (auga) de distinta densidade).
Lembrade non contar a explicación e guiar o proceso para que pensen de forma científica, facendo preguntas, para que vaian facendo hipóteses sobre o que vai a pasar e que poidan ir comprobando o que sucede; iniciándose así en facer deducións.
Xunta de Galicia - Consellería de Educación, 2013 |