O día 24 de marzo, o alumnado de 3º,4º, 5º e 6º, realizamos unha saída para facer unha actividade de sendeirismo no Courel.
En dita saída percorremos a mellor reserva botánica de Galicia, a Devesa da Rogueira, gozando dun marabilloso día de ruta e aproveitando para recargar as pilas de cara ao derradeiro trimestre.
Con motivo da conmemoración do Día da Muller (8M), o alumnado do CEIP de San Clodio participou nunha actividade de gravación dunhas tertulias acerca de dita temática.
A continuación, deixámosvos o enlace para a descarga do programa resultante de tal actividade, así como algunhas fotografías realizadas no día da escoita do mesmo.
Coa próxima celebración do día da Muller o 8 de marzo, dende a biblioteca porpoñémosvos: "Un día do mes para unha historia pola igualdade". Só tedes que premer en cada día para ler unha fermosa historia.
Malia que deberíamos ter conmemorado o Día Escolar da Paz e a Non Violencia con anterioridade, por diversos motivos unicamente o fixemos a nivel de aula na súa data (20 de xaneiro), quedando posposta ata esta semana a actividade grupal.
Aquí vos deixamos as imaxes da nosa fermosa representación da Paz, agardamos que vos guste!
Dende a Unidade de Drogodepencias da zona envíanos este documento para difundilo coas familias neste novo ano 2021 sobre como crear "Un taboleiro de soños".