Responder ao comentario

SAÍDA Á CARBALLEIRA

Xov, 2021-10-14 23:55 — monicas

Aproveitando que fai bo tempo e que nos adentramos na estación de outono, fixemos unha SAÍDA Á CARBALLEIRA, próxima ao noso cole, xunto c@s nos@s compañeir@s de 5 anos B, aproveitamos para recoller elementos naturais propios da estación (landras, follas, cogumelos, pinas, castañas, cocos ...), para gozar da natureza, merendamos sentad@s nuns troncos entre a tranquilidade das árbores, escoitamos o trinar dos paxaros; gústanos moito ir ao monte, seguro que voltaremos máis veces!!!

-- De volta na aula, observamos e analizamos os elementos que se recolleran e algo chamou a nosa atención; de entre as cortizas apareceu un CEMPÉS, que recollemos e gardamos nun bote para logo investigalo.

E algo que tamén nos gusta investigar son os COGUMELOS; se son venenosos ou non, como se chaman,...Pois durante o noso paseo atopamos "os dedos do demo", unha seta que descubriramos e investigaramos o curso anterior e do cal nos recordabamos, e desta volta imos investigar outras

-- Para traballar o proceso de escritura dun xeito constructivista e contextualizado, fixemos un LISTADO DO ELEMENTOS RECOLLIDOS. Como sempre, respetando a etapa madurativa na que se atopa cada crianza e acompañando a aqueles que aínda senten inseguridade ante un papel en branco, ou descoñecemento dalgunha letra ou pensan que non saben.

Algúns exemplos deste listado:

-- Aproveitamos a facer CREACIÓNS LIBRES, por parellas, co obxectivo de fomentar a creatividade e a imaxinación, usando elementos do noso entorno natural. E paralelamente, esta actividade implica saber traballar en grupo, chegar a acordos e tomar decisións.

E como unha segunda parte da proposta, se lles propón poñer nome á obra artística e plasmar en papel o deseño creado, en cada caso.

Por Noela e Yaina: "COCO"