Responder ao comentario

Unha triste nova está actualidade nos xornais, na radio, na televisión; un volcán entrou en erupción na Illa da Palma (illas canarias) e está obrigando a moitas familias a ter que deixar as súas casas porque a lava está arrasando todo por onde vai pasando. Isto está xerando que moitas familias teñan que ser realoxadas en casas de amig@s e familiares, en tendas de campaña, en hoteis,...Ante esta situación pídese a solidaridade da poboación para axudar a todas aquelas persoas. 

Ademáis, démonos conta que, a nosa excompañeira Chloé marchara vivir ás Illas Canarias, ela estaba ben porque vive noutra illa, pero algúns familiares sí residen na Palma, aínda que o volcán non está preto das súas vivendas, aínda que nos comunicaba que moita xente estaba pasando unha situación difícil e precisaban axuda. Ante esta solicitude, dialogamos e tod@s na aula pensamos en axudar, así que puxémonos en acción. Comunicounos a familia de Chloé que era o que máis precisaban alá nese momento e quen estaba realizando recollida en Santiago para enviar.

Cada un/unha aportou o que puido para poder enviar o noso apoio, e aproveitamos a clasificar os materiais aportados, segundo o seu uso, saber que son productos envasados, non perecedeiros,... e tamén por medio de que transportes podería chegar a axuda ata a illa.

 Agradecer á asociación Compostela Monumental por enviar a nosa axuda.

Transmitir e vivenciar valores de solidaridade, de compromiso, de axuda,... formará crianzas que se preocupen polo benestar dos tod@s, a non ser egoistas, a compartir, a ser persoas solidarias e comprometidas coa súa contorna.

GRAZAS, GRAZAS E MÁIS GRAZAS A TODAS AS FAMILIAS POR TODA A AXUDA QUE SE PUIDO ENVIAR